Frjáls verslun - 01.10.2005, Blaðsíða 52

52 F R J Á L S V E R S L U N • 1 0 . T B L . 2 0 0 5
C
onrad Black hugsaði í anda Sólkon-
ungsins: „Fyrirtækið - það er ég“.
Þegar hann fór á grímuball klæddi
hann sig eins og hægri hönd Guðs
almáttugs á jörðu, sem kardínáli.
Honum fannst líka sjálfsagt að fyrirtækið
sem hann stýrði, hlutafélagið Hollinger
International Inc., borgaði þjórfé konu hans,
blaðamannsins Barböru Amiel, í glæsiversl-
unum New York, léti þeim í té fyrirtækis-
þotuna til að fljúga í frí, pungaði út 62 þús-
undum Bandaríkjadala fyrir afmælisveislu
Amiel og 90 þúsund dali til að gera upp
gamla Rolls-Royce límúsínu svo parið gæti
ekið um London með stæl. Hann lét reyndar
ekki þar við sitja: 1997-2003 er gert ráð fyrir
að Black og einn samstarfsmanna hans hafi
látið Hollinger greiða sér 391 milljón dala,
72% af nettótekjum Hollinger.
Tweedy Browne Vorið 2003 þreyttist fjárfest-
ingarfyrirtæki í New York, Tweedy Browne,
eigandi 18% hlutar í Hollinger, á gamninu og
gerði athugasemdir við óeðlilegar greiðslur
og dugleysi stjórnarinnar í að hafa hemil
á þeim. Í kjölfar þessarar fáheyrðu hlut-
hafauppreisnar og athugunar Hollingers á
greiðslum til Blacks og nokkurra stjórn-
enda hætti Black sem forstjóri haustið 2003,
sagðist vera farinn á eftirlaun en var áfram
stjórnarformaður fram í janúar 2004 að hann
var látinn hætta um leið og tilkynnt var um
200 milljón dala kæru Hollingers á hendur
honum.
Síðan hefur hann neyðst til að halda
brunaútsölu á eignum sínum til að fjármagna
langan hala kærumála. Nú er Black aftur
forsíðuefni því saksóknari í Norður-Illinois
hefur lagt fram kæru upp á 80 milljónir dala
á hendur Black og þremur öðrum sem gæti
leitt til allt að 40 ára fangelsis. Black byrjaði
á að mæta ekki þegar málið var dómtekið
því honum hafði ekki unnist tími til að finna
sér lögfræðing.
Það er úr tísku að iðrast og Black bregst
við eins og nútíma umsvifamenn: er töff, seg-
ist alsaklaus eins og málaferlin muni leiða
í ljós, þetta séu allt bara tæknileg atriði og
hann sé ofsóttur. Þegar rýnt er í kæruefnin
spanna þau allan skala fjársvika, allt frá
bókahaldssvikum til heimildalausrar eigna-
sölu - eða eins og saksóknarinn segir: „Að
stela og fela.“ Ýmsir undrast græðgina því
jafnvel án svika og pretta væri Black samt
forríkur.
Lávarðurinn Black Black er kanadískur,
fæddur 1944 og af auðugum ættum. Hann
byrjaði að kaupa lítil kanadísk blöð á sjö-
unda áratugnum, en fór síðan að kaupa blöð
um allan heim. Veldi hans náði hámarki
1999 þegar hann var talinn þriðji stærsti
blaðaútgefandi í heimi, átti þá rúm 60% í Holl-
inger. Á þessum tíma voru tekjur Hollingers
fyrir skatt 2 milljarðar dala.
Í Englandi átti Hollinger Daily Telegraph,
sem var þá að verða stærsta morgunblaðið
hér, eftir að Times hafði átt það sæti um
árabil. Tímaritið Spectator var einnig í eigu
Hollingers, en auk þess átti fyrirtækið leið-
andi blöð eins og Chicago Sun Times, Montr-
eal Gazette og Jerusalem Post. Black er
mikill íhaldsmaður og Hollinger-blöðin flest
íhaldsblöð.
Black fer ekki með veggjum, er stór og
mikill og sláttur á honum. Hann kvæntist
1978, eignaðist þrjú börn en skildi og kvænt-
ist aftur 1992 blaðakonunni Barböru Amiel
sem var algjörlega með skoðanir í hans anda
- mikil íhaldskona og skrifar gjarnan um
hvernig þeir ríku eigi bara allt sitt skilið og
öll gagnrýni á ríkidæmi beri vott um öfund.
BLACK FYRIR DÓMSTÓLA
L U N D Ú N A P I S T I L L S I G R Ú N A R
TEXTI: SIGRÚN DAVÍÐSDÓTTIR
Græðgi eða ofsóknir?
Blaðakóngurinn fyrrverandi,
Conrad Black, hefur núna
verið dreginn fyrir dómstóla
og ákærður fyrir að hafa
haft ómældar upphæðir af
hlutafélaginu sem hann rak.