Neytendablaðið - 01.03.2011, Síða 23
Neytendasamtökin hafa ítrekað hvatt til þess að hollustumerkið
Skráargatið verði tekið upp á Íslandi. Í febrúar sendu samtökin í
fjórða sinn erindi til ráðherra og hvöttu hann til að ganga í málið.
Siv Friðleifsdóttir tók í framhaldinu málið upp á sína arma og lagði
það fyrir á Alþingi ásamt þingmönnum úr öllum flokkum.
Skráargatinu stungið ofan í skúffu
Neytendasamtökin sátu fund á vegum Matvælastofnunar árið
2009 þar sem fjölmargar stofnanir og hagsmunasamtök lýstu yfir
stuðn ingi við Skráargatið. Talsmenn framleiðenda og verslunar og
þjónustu voru hins vegar ekki jafn jákvæðir og sáu merkinu ýmis
legt til foráttu. Skráargatið var sett ofan í skúffu og því miður
virðist afstaða framleiðenda hafa skipt sköpum.
Heilnæm íslensk framleiðsla?
Komið hefur fram í máli Matvælastofnunar að erfitt sé að ráðast í
innleiðingu merkisins ef framleiðendur eru neikvæðir. Neytenda
samtökin skilja ekki hvers vegna íslenskir framleiðendur eru
nei kvæð ari gagnvart Skráargatinu en framleiðendur í Svíþjóð,
Danmörku og Noregi. Mikið hefur verið rætt um hollustu og hrein
leika íslenskra matvæla og ætti hollustuvottun eins og skráargatið
því að vera kærkomin fyrir íslenska framleiðendur.
Framleiðendur eiga ekki að ráða för
Neytendasamtökin draga í efa að framleiðendur séu almennt
nei kvæðir þótt það eigi ef til vill við um nokkra stóra markaðs
ráðandi aðila. Reyndar hefur komið í ljós að sumir stórir fram leið
endur eru jákvæðir því Myllan hefur til dæmis sagst myndu nota
skráargatið á hollustubrauð sín. Neytendasamtökin telja óþarft að
hafa áhyggjur af því að framleiðendur taki ekki við sér þegar merkið
verður komið í notkun. Ef neytendur vilja vörur með Skráargatinu
munu framleiðendur að sjálfsögðu bregðast við þeim kröfum.
Á Facebook hefur verið myndaður hópur til stuðn-
ings skráar gatinu og eru allir hvattir til að leggja
má linu lið.
Merkið er valkvætt fyrir framleiðendur og einungis þau matvæli sem eru hollust í sínum
flokki mega bera það, þ.e. þær tegundir sem ná að uppfylla ákveðin skilyrði varðandi hlutfall
sykurs, fitu, salts og trefja.
Skráargatið á dagskrá
Eins og fjallað var um í síðasta tölublaði hefur borið á því að
kín verskar furuhnetur sem ekki eru ætlaðar til manneldis séu til
sölu. Verði neytendur varir við óbragð af furuhnetum og brenglað
bragð skyn eftir neyslu þeirra er rétt að tilkynna það til Matvæla
stofn unar.
Í kjölfar frétta um óætu hneturnar samdi Leifur Árnason, félags
maður Neytendasamtakanna, eftirfarandi limru:
Af munninum þallar þau þjást,
og þvílík er andskotans ást,
á kínverskri hnetu,
sú hefur þá getu,
að aldrei mun óbragð út mást.
Óbragð af furuhnetum
Kallað eftir
hreinni léttjógúrt
Félagsmaður hafði samband og vildi koma á framfæri
ábendingu. Hann hefur í mörg ár passað mataræðið og
reynt að velja matvörur sem innihalda lágt hlutfall sykurs
og fitu. Hrein jógúrt er þar af leiðandi vara sem er oft á borði
hans. Lengi vel var einungis hægt að kaupa hreina jógúrt í
lítilli dós en árið 2009 kom á markað hrein jógúrt í hálfs
lítra fernum. Félagsmaðurinn fagnaði þessu framtaki en
hann vildi gjarnan að hægt væri að kaupa hreina léttjógúrt
(þ.e. hreina jógúrt sem inniheldur mjög lítið hlutfall fitu).
Neytendablaðið höfðu samband við Mjólkursamsöluna og
fengu eftirfarandi svar:
„Hvað varðar hreina léttjógúrt þá hefur sá möguleiki
lengi verið til umræðu hjá okkur, en ekki fengið nægilegt
brautargengi hingað til. Ástæðan fyrir því er meðal annars
tiltölulega lítil hreyfing á hreinu jógúrtinni á markaði,
en svo virðist sem aðrar hreinar vörur eigi frekar upp
á pallborðið en hreina jógúrtin, svo sem Abmjólk og
súrmjólk. Einnig höfum við sjaldan fengið ábendingar frá
neytendum um að koma með hreina léttjógúrt. Það hefur
þó aldrei verið slegið alveg af borðinu og aldrei að vita
nema hún eigi eftir að líta dagsins ljós á næstu misserum.“
23 NEYTENDABLA‹I‹ 1. TBL. 2011