Frjáls verslun - 01.01.2006, Side 50

50 F R J Á L S V E R S L U N • 1 . T B L . 2 0 0 6
N Ý R E I G A N D I T O Y O T A - U M B O Ð S I N S
hald á íslenska umboðsaðilanum muni halda áfram að laða
til sín þá hæfileikaríku starfsmenn sem fyrirtækið hefur
verið þekkt fyrir og að samband fyrirtækisins við viðskipta-
vini sína muni halda áfram að dafna.
Áberandi í atvinnulífinu, ekki síst sjávarútvegi
Magnús Kristinsson er fæddur 3. desember 1950 í Vest-
mannaeyjum og ólst þar upp. Sjávarútvegur og útgerð hefur
verið helsti starfsvettvangur hans. Að loknu verslunarnámi í
Verslunarskóla Íslands og við viðskiptaskóla í Cambridge í
Englandi hóf hann störf hjá fyrirtæki föður síns, Bergi-Hugin
ehf. 1972 og varð framkvæmdastjóri þess 1978. Magnús
hefur setið í stjórn fyrirtækisins og verið framkvæmdastjóri
þess síðan.
Magnús hefur gegnt fjölda stjórnunar- og trúnaðarstarfa
í öðrum fyrirtækjum og félögum. Hann er m.a. eigandi,
stjórnarformaður og framkvæmdastjóri fjárfestingafélags-
ins Smáeyjar ehf. og stjórnarformaður fjárfestingafélagsins
MK44 þar sem hann er einn aðaleigenda. Einnig er Magnús
varaformaður stjórnar Straums-Burðaráss fjárfestingabanka
hf. Hann hefur átt sæti í stjórnum hagsmunafélaga og sam-
taka í sjávarútvegi og setið í stjórnum lífeyrissjóða. Árið
1994 var Magnús skipaður í nefnd á vegum sjávarútvegsráð-
herra til að endurskoða ákvæði laga um veiðar í fiskveiði-
landhelgi Íslands. Magnús á sæti í fulltrúaráði Samtaka
atvinnulífsins.
Smáey og MK44 keyptu nýlega hvort um sig 50 milljóna
króna hluta í Straumi-Burðarási á genginu 18,85. Er kaup-
verð bréfanna því 1.885 milljónir króna. Eftir viðskiptin er
Smáey komin með 5,44% í Straumi-Burðarási fjárfestinga-
banka.
Magnús Kristinsson, athafnamaður í Vestmannaeyjum, keypti Toyota-umboðið skömmu fyrir jól og Bílaleigu Flugleiða á dögunum.