Frjáls verslun - 01.01.2006, Side 80

80 F R J Á L S V E R S L U N • 1 . T B L . 2 0 0 6
S A G A N Á B A K V I Ð A U G L Ý S I N G U N A
S
jónvarpsauglýsingar Happdrættis
Háskóla Íslands í byrjun árs hafa
alltaf vakið athygli landsmanna.
Svo hörð hafa viðbrögðin stundum
verið að háskólamenn sjálfir hafa hnakkrif-
ist út af þeim. Frægt er þegar forseti Íslands,
Ólafur Ragnar Grímsson, þá þingmaður
Alþýðubandalagsins, gagnrýndi harkalega
auglýsingar Happdrættis Háskólans vegna
þess að þær sýndu of mikinn lúxus og að
allt gengi út á lystisemdir lífsins.
Auglýsingar þessa árs hafa vakið mikla
athygli og í þeim efnum eru þær engir eft-
irbátar forvera sinna. Tilgangurinn er auð-
vitað að fólk kaupi nýja miða og endurnýi
þá gömlu hjá Happdrættinu sem lofar nafn-
leynd vinningshafa. Nafnleyndin verður til
þess að þarna gefur að líta vinningshafa
sem eru með grímur og segja frá lífsreynslu
sinni og vinningum.
Fáránlegar eða fyndnar?
Viðbrögðin við þessum sjónvarpsauglýs-
ingum skiptast í tvennt; sumum finnst
þær fáránlegar en öðrum fyndnar. Sjón-
varpsauglýsingarnar eru þrjár. Sumir skilja
þær ekki og eru gerhneykslaðir en öðrum
finnst þær myljandi fyndnar og að þær segi
allt sem segja þarf.
Í fyrstu auglýsingunni stendur maður
með kanínugrímu úti undir húsvegg og
lýsir kostunum við þorpslífið, - en þar er
ekki eins þægilegt þegar maður vinnur
svona rosalega í happdrættinu.
GRÍMUFÓLK HHÍ
- FÁRÁNLEGT EÐA FYNDIÐ?
TEXTI: JÓHANNA HARÐARDÓTTIR
MYNDIR: ÝMSIR
Sumir skilja þessar auglýs-
ingar ekki á meðan öðrum
finnst þær fyndnar og
fínar. Nafnleynd vinnings-
hafa er boðskapurinn. Það
hefur svo sem áður staðið
styrr um auglýsingar Happ-
drættis Háskóla Íslands.
Með kanínugrímu úti undir húsvegg og lýsir kostunum við þorpslífið.