Frjáls verslun - 01.01.2006, Page 135

F R J Á L S V E R S L U N • 1 . T B L . 2 0 0 6 135
Hrönn Pétursdóttir, forstöðu-
maður fyrirtækjaþjónustu SPH,
gefur uppskrift að súpu sem
er vinsæl á heimili hennar. Upp-
skriftin er í bókinni „Af bestu
lyst“ en í henni eru uppskriftir að
hollum og góðum réttum. Þess
má geta að Hrönn hefur lítillega
breytt og bætt uppskriftina.
Uppskriftin er fyrir fjóra.
400 g nautgúllas eða
folaldagúllas
2 msk. matarolía
1 laukur
2 msk. tómatmauk
1 tsk. timjan
svartur pipar eða sítrónupipar
kúmen, malað
2 lárviðarlauf
6 - 8 súputeningar (þessir litlu
frá Maggi)
um 8 dl. vatn
2 gulrætur
8 meðalstórar kartöflur
1 blaðlaukur
100 - 150 g sveppir, nýir
1 blómkálshaus
1 haus brokkoli ef vill
2-3 hvítlauksrif
„Ég nota grænmetið mjög frjáls-
lega og fer það eftir stöðunni í
ísskápnum!“
Kjötið er steikt í olíunni í potti.
Laukurinn saxaður og bætt út í.
Tómatmauki og kryddinu er bætt
í ásamt lárviðarlaufi og vatninu.
Þetta er látið sjóða. Kartöflurnar
eru flysjaðar ásamt gulrótum
og skornar í bita svo og kálið.
Þetta er látið sjóða samtals í
um 75 - 80 mínútur; suðutíminn
fer eftir því hvað grænmetið er
smátt skorið. Blaðlaukurinn og
sveppirnir eru sneiddir niður og
settir í súpuna ásamt pressuðum
hvítlauk. Síðan er kryddað meira
ef með þarf.
Sælkeri mánaðarins:
HOLL OG GÓÐ
Svo mörg voru þau orð:
„Þetta er eitt mesta ævintýri sem ég hef lent í. Því er ekki að leyna að
öll aðstaða þarna og starfskjör eru mjög góð. Ekki er undan neinu að
kvarta, nema þá að fá fleiri tíma í sólarhringinn.“
Már Guðmundsson, hagfræðingur og aðstoðarframkvæmdastjóri peningamála-
og hagfræðisviðs Alþjóðagreiðslubankans í Sviss.
Viðskiptablað Morgunblaðsins, 12. janúar.
„Um tíma var sá möguleiki ræddur að IFC (International Finance Cor-
poration) styddi okkur fjárhagslega með lánum á sérkjörum eða ein-
hverju slíku, en eftir að hafa tekið út rekstur okkar komust þeir að þeirri
niðurstöðu að þeir vildu gjarnan koma inn sem hluthafar.“
Reynir Grétarsson, framkvæmdastjóri Creditinfo.
Viðskiptablað Morgunblaðsins, 5. janúar.
„Af einstökum verkefnum er mér ofarlega í huga að laða að fleiri erlenda
fjárfesta og fá fleiri erlend félög til að skrá sig í Kauphöllina. Jafnframt
tel ég brýnt að stofna hér afleiðumarkað og lánamarkað fyrir verðbréf.“
Þórður Friðjónsson, forstjóri Kauphallar Íslands. Markaðurinn, 4. janúar.
Jónas segir að hundar séu hluti af fjölskyldumynstrinu.
Hundar:
KALLA FRAM ÞAÐ BESTA Í MANNI
Hrönn Pétursdóttir, forstöðu-
maður fyrirtækjaþjónustu SPH,
er sælkeri mánaðarins.
Jónas Fr. Jónsson, forstjóri
Fjármálaeftirlitsins, og eigin-
kona hans hafa átt hunda í 18
ár. Þau fengu fyrst blending
af íslenskum hundi og collie-
hundi sem þau áttu í 17 ár.
Hjónin bjuggu í Belgíu í sjö
ár og þegar þau fluttu heim
var ljóst að tíkin Rannsí gæti
ekki komist með þar sem hún
myndi ekki þola einangrunar-
vistina í Hrísey vegna aldurs.
„Rannsí var greindur hundur
og við sýndum bæði hundafimi
og hlýðni á sýningum. Hún er
sá hundur sem stendur hjarta
mínu næst.“
Hjónin áttu einnig labrador
á árum áður og fóru báðir hund-
arnir með þeim í gönguferðir á
hálendinu. Voru þeir þá jafnan
með litla bakpoka sem maturinn
þeirra var í.
Í dag eiga hjónin tvo hunda
af hjaltlensku fjárhundakyni
„Shetland Sheepdog“ sem þau
fengu frá Svíþjóð. Þeir heita Dísa
og Bangsi. „Hundar af þessari
tegund eru mjög vökulir, duglegir
og vanafastir. Þótt þetta séu
fjárhundar þá eru þeir ágætis
varðhundar.“
Þegar Jónas er spurður hvers
vegna hann kýs að eiga hunda
segir hann að þeir séu hluti af
fjölskyldunni. „Hundar kalla fram
það besta í manni og þetta er
mjög hollt fyrir krakka. Gamli
hundurinn sá um að svæfa dóttur
okkar þegar hún var lítil.“ Jónas
nefnir líka félagsskapinn, þægi-
lega nærveru og útivist sem teng-
ist gönguferðum með hundana.
„Þeir eru hluti af fjölskyldumynstr-
inu og sem dæmi má nefna
að við höfum haldið okkur við
stationbíla vegna hundahalds-
ins“.