Ægir - 01.07.2002, Blaðsíða 15
15
H A F N A R F R A M K V Æ M D I R
Þessi brimvarnagarður, sem er
oft kallaður bermugarður, er
hannaður af Siglingastofnun.
Brimvörnin er byggð sem láréttur
flötur og á honum brotnar aldan.
Brimvarnagarðar af þessari gerð
hafa reynst vel, bæði hér á landi
og erlendis. Hér á landi nægir að
nefna brimvörn á Dalvík og í Bol-
ungarvík og í Noregi hefur slíkur
brimvarnagarður verið byggður
samkvæmt hönnun Siglingastofn-
unar og raunar hefur hún fengið
alþjóðlega viðurkennningu. Hafn-
ar eru framkvæmdir við bermu-
garð af þessari sömu gerð og sam-
kvæmt hönnun Siglingastofnunar
í Hammerfest í Noregi og er sú
framkvæmd upp á um sjö millj-
arða króna. Bermugarðarnir eru
þannig byggðir upp að hæfilegt
holrými er í grjótvörninni utan á
garðinum og á þann hátt gleypir
grjótvörnin ölduna þegar hún
skellur á brimvörninni.
Ístak hf. er verktaki við gerð
brimvarnagarðsins á Húsavík.
Grjótnámið hófst í ágúst í fyrra
og var unnið í tveimur námum.
Stærsta grjótið var tekið úr Hlíð-
arhorni við Máná á Tjörnesi en
kjarninn í grjótvörnina var tekinn
úr svokölluðum Kötlum við
Húsavík. Lengstaf hafa um 30
starfsmenn Ístaks unnið að gerð
brimvarnagarðsins.
Sagan er ekki öll sögð þótt
langþráður brimvarnagarður sé
kominn á sinn stað við innsigl-
inguna í Húsavíkurhöfn. Til þess
að tryggja að stærri vöruflutn-
ingaskip og skemmtiferðaskip
geti athafnað sig í höfninni er
nauðsynlegt að fá viðlegukant og
dekk á brimvarnagarðinn og eru
vonir bundnar við að í þær fram-
kvæmdir verði ráðist fyrr en síðar.
Bætt aðstaða fyrir nýja
ferju á Seyðisfirði
Á Seyðisfirði hefur í sumar verið
unnið að framkvæmdum við
bryggju sem mun þjóna nýrri og
stærri Norrænu – ferju Smyril
Line – sem er í áætlanasiglingum
yfir sumarmánuðina milli Íslands,
Færeyja, Hjaltlands, Noregs og
Danmerkur. Gert er ráð fyrir að
nýja ferjan verði komin í rekstur
næsta sumar.
Þessar hafnarbætur felast í því
að rekið er niður 170 m langt
stálþil og við enda þess er aðstaða
til að bílar geti ekið að og frá
borði. Þá verður byggt aðstöðu-
hús fyrir tollverði og þar verður
einnig biðsalur farþega og land-
göngurani yfir í ferjuna, en far-
þegar sem ekki eru í bílum koma
til með að fara um dyr á skipinu
sem eru í 11 –12 metra hæð yfir
bryggju.
Hnullungarnir sem voru settir í brimvörnina á Húsavík eru engin smásmíði!
Mynd: Böðvar Bjarnason.
Hinn nýi brimvarnagarður, sem nú er verið að ljúka við, mun stórbæta
aðstöðu í Húsavíkurhöfn. Mynd: Hafþór Hreiðarsson.
Á Seyðisfirði er unnið hörðum höndum að úrbótum við höfnina vegna nýrrar
ferju Smyril Line, sem mun væntanlega hefja siglingar næsta sumars í stað
núverandi Norrænu.
Nýi brimvarnagarðurinn á Húsavík er engin smásmíði. Lengd hans er fast að
500 metrum og í hann hafa farið um 300 þúsund rúmmetrar af efni.
Mynd: Hafþór Hreiðarsson.