Ægir - 01.07.2002, Blaðsíða 23

23
þekkingu á rekstri, einstaklinga sem hafa gefið kost
á sér í stjórn Samherja með það eitt að markmiði að
skila góðu verki. Sumir þeirra eru ekki tengdir Sam-
herja með eignarhluti og eru því ekki að gæta eigin
hagsmuna. Þetta tel ég mjög mikilvægt. En auðvitað
gildir það um Samherja eins og önnur fyrirtæki að ég
sem forstjóri og einn af eigendum hlýt að bera
ábyrgð á þeim ákvörðunum sem eru teknar og þeim
fjármunum sem fyrirtækið er að nota á hverjum
tíma.“
Að ná utan um fjárfestingarnar
- Hverjar verða helstu áherslur í rekstri Samherja
á næstu mánuðum og árum?
„Fyrir fimm árum tókum við ákvörðun um smíði
nýs skips, Vilhelms Þorsteinssonar EA, sem var gríð-
arlega mikil fjárfesting, líklega nálægt tveimur
milljörðum króna þegar allt er talið. Við vissum að
það yrði mikið verk að fá allt til þess að ganga upp
með þetta skip, enda var með því farið inn á nýja
braut hér á landi í útgerð, þ.e. vinnslu á uppsjávar-
fiski úti á sjó. Við töldum að í þessu væru fólgin
mikil tækifæri, en við sögðum jafnframt að það yrði
verulegt átak að fá þessi hjól til þess að snúast eins
og til væri ætlast. Á sama tíma sameinaðist Samherji
Snæfelli á Dalvík og því vorum við samtímis í mjög
stórum og krefjandi viðfangsefnum. Að þessum verk-
efnum einbeittum við okkur allt síðasta ár, en vorum
þá í hverfandi litlum fjárfestingum. Ég tel að á sama
hátt og kaflaskil voru hjá Samherja árið 2000, þá
erum við líka í ákveðnum kaflaskilum nú. Á þessu
ári höfum við farið í miklar fjárfestingar. Í fyrsta lagi
aukið hlut okkar í Síldarvinnslunni hf., þar sem við
erum orðnir stórir hluthafar, og það sama á við um
Hraðfrystistöð Þórshafnar. Jafnframt höfum við verið
að fjárfesta í fiskeldi. Þessu til viðbótar ákvað Sam-
herji að fjárfesta í Kaldbaki fjárfestingarfélagi, sem er
fyrirtæki sem var stofnað um ákveðinn hluta eigna
Kaupfélags Eyfirðinga. Við höfum því verið í mikl-
um fjárfestingum á þessu ári og nú tel ég að sé kom-
ið að ákveðnum mörkum í því. Okkur hefur tekist að
láta uppsjávarvinnsluna úti á sjó ganga og jafnframt
höfum við gert breytingar á skipastóli okkar, t.d.
með sölu á Baldvini Þorsteinssyni, en í stað þess
skips fáum við öflugt skip sem nú er verið að breyta í
Lettlandi og við horfum til þess að nýta það í upp-
sjávar- og rækjuveiðar. Með þessu erum við að mæta
samdrætti í aflaheimildum, jafnframt því sem við
höfum aukið landvinnslu félagsins. Einnig höfum
við lokið við að setja vinnslulínu fyrir uppsjávarfisk
um borð í Þorstein EA, en við fórum okkur hægt í
því þar til ljóst væri að vinnslulínan um borð í Vil-
helm Þorsteinssyni skilaði því sem til var ætlast.
Þegar á heildina er litið má segja að megináherslan í
rekstri Samherja á næstu misserum verði að ná utan
um þær fjárfestingar sem við höfum ráðist í að und-
Þorsteinn Már, kampakátur
á skrifstofu sinni á Akur-
eyri. Nokkrum mínútum
áður en þessi mynd var tek-
in höfðu hann og Jón Ás-
geir Jóhannesson gengið
frá sölu hlutabréfa í eigu
nokkurra félaga sem þeir
tengjast í Íslandsbanka.