Ægir - 01.07.2002, Blaðsíða 25
25
í Neskaupstað að undanförnu og það hefur reyndar
einnig félag, sem Þorsteinn Már á sjálfur aðild að,
gert. Því er eðlilegt að spyrja hvort sameining Sam-
herja og Síldarvinnslunnar sé í burðarliðnum?
„Ég sé sameiningu þessara tveggja félaga ekki fyrir
mér í augnablikinu. Hins vegar koma þessi félög til
með að vinna nánar saman. Samherji hefur lengi átt
gott samstarf við Síldarvinnsluna, til dæmis höfum
við til margra ára landað miklu magni af uppsjávar-
afla til vinnslu hjá Síldarvinnslunni. Og við höfum
einnig unnið náið með Síldarvinnslunni í uppbygg-
ingu fiskeldis hjá fyrirtækinu Sæsilfri í Mjóafirði.
Það var einfaldlega þannig að þegar stór eignarhluti í
Síldarvinnslunni var til sölu, þá ákváðum við að fjár-
festa í félaginu, enda höfum við mikla trú á því sem
þar er verið að gera.“
Þess má geta í framhjáhlaupi að stjórnarformaður
Samherja hf., Finnbogi Jónsson, er fyrrverandi fram-
kvæmdastjóri Síldarvinnslunnar og þekkir því að
vonum vel til þar á bæ. Jafnframt er núverandi fram-
kvæmdastjóri Síldarvinnslunnar, Björgólfur Jóhanns-
son, fyrrverandi starfsmaður Samherja hf. á Akureyri.
Tölum minna - framkvæmum meira!
Óhætt er að segja að Sæsilfur hf. í Mjóafirði sé dæmi
um eitt af framsæknustu fiskeldisfyrirtækjum hér á
landi og þar eru menn stórhuga, stefnan er sett á allt
að 8.000 tonna ársframleiðslu. Hefur Þorsteinn Már
mikla trú á fiskeldinu?
„Á tuttugu árum hafa Norðmenn aukið fiskeldi
sitt stig af stigi og nú er magnið sem þeir framleiða
orðið um hálf milljón tonna. Og það er alveg sama
hvar borið er niður, allsstaðar hefur fiskeldið vaxið.
Ef skoðaðar eru áætlanir Norðmanna um þorskeldi
finnst manni þær vera óraunverulegar. Áform þeirra í
laxeldi voru líka óraunveruleg á sínum tíma. En
staðreyndin er sú að þessi áform Norðmanna hafa
gengið eftir og þeir hafa náð gríðarlega góðum tök-
um á sjálfu eldinu. Og það er í raun sama hvar borið
er niður, á öllum sviðum hefur eldi stóraukist á síð-
ustu misserum. Ég nefni í því sambandi t.d. sand-
hverfu og túnfisk. Ég tel því að þekkingin á fjöl-
breyttu eldi sé til staðar í heiminum, en spurningin
er sú hvort við Íslendingar verðum þátttakendur í
fiskeldi til framtíðar eða ekki. Hins vegar dreg ég
ekki dul á að ég óttast að við tölum meira um þessa
hluti en framkvæmum minna.“
- Mun Samherji hf. ekki taka þátt í þorskeld-
inu?
„Jú, það munum við gera. Við eigum stóran hlut í
Fiskeldi Eyjafjarðar og ég hef þá trú og von að það
fyrirtæki muni í framtíðinni verða leiðandi í fram-
leiðslu þorskseiða, ekki ósvipað því sem gerðist með
lúðuseiðin. Síðan kæmi í hlut annarra að annast sjálft
þorskeldið.“
Kaupin á hlut í Kaldbaki
Það vakti töluverða athygli þegar Samherji setti fyrr
á þessu ári umtalsverða fjármuni í Kaldbak - fjárfest-
ingafélag á Akureyri. Þorsteinn Már brosti þegar
blaðamaður spurði hann hvaða ástæður hafi legið að
baki þeirri ákvörðun að fara með afgerandi hætti inn
í Kaldbak.
„Mér finnst mjög athyglisvert og um leið virðing-
arvert hvernig stjórnendur Kaupfélags Eyfirðinga
unnu að því að skipta félaginu upp í annars vegar
fjárfestingafélag og hins vegar samvinnufélag. Þegar
sú hugmynd kom fyrst upp að Samherji hf. og Líf-
eyrissjóður Norðurlands kæmu að því að styrkja
Kaldbak sem fjárfestingafélag, þá fannst mér hún
verð skoðunar. Og eftir að hafa skoðað þann rekstur
sem Kaldbakur var í og þá möguleika sem í félaginu
fælust, þá var það okkar niðurstaða að Kaldbakur
væri góður fjárfestingakostur, sem vert væri að efla
hér fyrir norðan. Samherji hf. hefur fyrst og fremst
verið í sjávarútvegi og svo verður áfram. Um leið er
Samherji orðinn hluthafi í Kaldbaki og ef menn telja
rétt að Samherji fjárfesti á öðrum sviðum atvinnulífs-
ins, þá lít ég svo á að það verði gert í gegnum Kald-
bak.“
Jafn merkilegt fólk í Eyjafirði og annars staðar
Þorsteinn Már segist ekki geta verið sáttur við fisk-
veiðistjórnunarkerfið eins og það sé í dag. „Nei, ég er
ekki sáttur við það að því leyti að það er alltaf verið
að færa heimildir af stærri skipum yfir á þau minni.
Gamla Akureyrin EA 110 lagði grunninn að velgengni Samherja hf. Mynd: Páll A Pálsson/Myndasafn Samherja.
Davíð Oddsson forsætis-
ráðherra, Arngrímur Bryn-
jólfsson skipstjóri og
Þorsteinn Már ræða málin
um borð í Vilhelm Þor-
steinssyni.
Mynd: Myndrún-Rúnar Þór Björnsson.
Ég minni á að
yfir mér er
stjórn fyrirtækis-
ins og ég met
það sem gæfu
Samherja að
hafa góða
stjórnarmenn.
Þegar á heildina
er litið má segja
að megináhersl-
an í rekstri Sam-
herja á næstu
misserum verði
að ná utan um
þær fjárfestingar
sem við höfum
ráðist í að und-
anförnu.
Ég sé samein-
ingu Samherja
og Síldarvinnsl-
unnar ekki fyrir
mér í augnablik-
inu. Hins vegar
koma þessi félög
til með að vinna
nánar saman.