Ægir - 01.07.2002, Blaðsíða 20
20
F I S K I R A N N S Ó K N I R
Á undanförnum árum hefur
svokölluðum stórlaxi fækkað
töluvert í íslenskum ám. Veiði-
álagið hefur með öðrum orðum
verið meira á stórlaxinn en smá-
laxinn.
Samkvæmt upplýsingum
Veiðimálastofnunar er greinilegt
að laxgengd og laxveiðar hafi
dregist saman á útbreiðslusvæði
Atlantshafslaxins undanfarna ára-
tugi. Þannig hafi smálaxastofnar
minnkað um 46% og stórlaxa-
stofnar um 64% á undangengn-
um þremur áratugum. Ekki hefur
komið fram sambærileg hnignun
íslenskra laxastofna, að sögn vís-
indamanna Veiðimálastofnunar,
en þó telja þeir ljóst að stórlaxa-
gengd og veiðar á stórlaxi sem
dvelst tvö ár eða lengur í sjó hafa
dregist verulega saman í íslensk-
um veiðiám á undanförnum
tveimur áratugum. Á sama tíma
hafa veiðar ekki dregist saman á
smálaxi. Árið 2000 veiddust inn-
an við 5000 stórlaxar í íslenskum
ám en árin 1970 til 1980 var
veiðin á milli 10.000 og 20.000
laxar árlega. Ástæður fyrir þess-
um mikla samdrætti í veiði eru
óþekktar, en menn geta sér þess
til að umhverfisskilyrði hafi
breyst í sjó og einkum hefur þá
verið horft til hafsvæðisins við
Vestur-Grænland í því efni, en á
þeim slóðum er þekkt ætisslóð
stórlaxa.
Sleppið stórlaxinum!
„Almennt hefur þessum tilmæl-
um okkar á Veiðimálastofnun
verið vel tekið. Auðvitað er mis-
jafnt hversu fúsir menn eru til að
sleppa stórlaxinum aftur í árnar.
Veiðimálastofnun vill efla rannsóknir á laxi í sjó:
Færri stórlaxar í
sumar en menn
vonuðust til
Norðmenn hafa aflað minna af makríl í ár en í fyrra, einkum hefur
reknetaveiðin verið treg. Fyrstu sjö mánuði ársins hefur
Síldarsölusambandið selt 178 tonn af makríl, sem mestmegnis var
veiddur í nót. Á sama tíma í fyrra nam salan 267 tonnum.
– Makríllinn er smár og það er erfiðara að selja hann, segir Oddvar
Sæther hjá Síldarsölusamlaginu.
Seldur til Svíþjóðar
Veiðisvæðið er frá Ålesund til Stavanger. Makríllinn er smár nærri landi
en stærri lengra úti. Þar bíður hann þess að skilyrði í hafinu batni áður
en hann gengur nær landi. Fiskaren hefur það eftir Oddvar Sæther að
hvorki sjávarhiti né æti sé makrílnum hagstæð eins og er og ekki horfur
á breytingu alveg á næstunni.
Lægsta verð sem fæst er um ÍSK 120 á kíló svo veiðarnar borga sig
þrátt fyrir allt. Makríllinn er aðallega seldur til Svíþjóðar.
„Heimamarkaðurinn er stöðugur en takmarkaður svo við verðum að
flytja út það sem ekki selst innanlands,“ segir Sæther.
Mikið af smáum makríl
Reknetaveiðin á Sørlandet og í Oslofjorden brást í ár, trúlega vegna
þess hve veður var kyrrt og hlýtt í vor. Undanfarin ár hefur verið góð
veiði í Bunnefjorden, alveg innst í Oslofjorden.
Fjordfiske AS er búið að taka á móti 15 tonnum en í fyrra á sama
tíma 40 tonnum.
„Sem stendur eru sex bátar gerðir út á makríl og aflinn er misjafn frá
degi til dags. Helst vilja sjómennirnir fá suðvestan strekkingsvind og
sólskin,“ segir Kurt Allan Hansen, sölustjóri hjá Síldarsölusamlaginu.
Fiskbúðir borga sjómönnum ÍSK 200 fyrir kílóið en núna er mikið af
smáum makríl, bæði við Noreg og Svíþjóð, sem þýðir lægra verð.
Treg makrílveiði í Noregi
Í upphafi stangveiðitímabilsins beindi Veiðimálastofnun því til veiðifé-
laga og stangveiðimanna að hlífa stórlaxinum í sumar eins og kostur
væri. Stofnunin setti þetta fram í því skyni að vernda stórlaxastofna
ánna eins og kostur væri, en með stórlaxi er átt við fisk sem hefur verið
tvö ár eða lengur í sjó og náð meira en 3,5-4 kg að þyngd.