Ægir - 01.07.2002, Blaðsíða 35

35
C O L DWAT E R
2001. Þrátt fyrir að Bretland sé
lengst komið af Evrópulöndum í
þróun kældra sjávarafurða telur
Agnar að enn sé mikið svigrúm á
markaðinum þar sem einungis
tæp 14% neytenda hafi tileinkað
sér vörur af þessum toga. Hann
segir mikla áherslu á vöruþróun
og algengt sé að yfir þriðjungur
varanna sé endurnýjaður á ári
hverju.
700 milljóna króna fjárfesting
Albert Fisher Group Ltd., móður-
fyrirtæki Fisher Foods Redditch,
er stórt alþjóðlegt fyrirtæki, með
rekstur víða um heim. Á ýmsu
hefur gengið í rekstri fyrirtækis-
ins á liðnum misserum og hefur
það glímt við töluverða fjárhags-
örðugleika. Fyrir skömmu var
KPMG í Bretlandi falið það verk-
efni að selja eignir fyrirtækisins
þar í landi, m.a. einstakar fram-
leiðslueiningar. Í kjölfarið gerði
Coldwater tilboð í verksmiðjuna í
Redditch og tók tilboðið til
skuldlausra fasteigna, lausafjár-
muna og vörubirgða. Íslands-
banki fjármagnaði kaupin í byrj-
un, en SH mun leggja Coldwater
til aukið hlutafé og Íslandsbanki
breyta hluta láns síns í langtíma-
lán.
Samhliða kaupum á verksmiðju
Fisher Foods áttu stjórnendur
Coldwater viðræður við Marks &
Spencer um áframhaldandi við-
skipti. Agnar Friðriksson segir að
fljótt hafi komið í ljós að Marks
& Spencer hafi treyst Coldwater
vel eftir áralöng viðskipti, en
Coldwater hefur framleitt frystar
sjávarafurðir fyrir þá í mörg ár.
Þess má geta að fyrr á þessu ári
hlutu vörur, sem Coldwater fram-
leiðir fyrir Marks & Spencer, bæði
gull- og silfurverðlaun Samtaka
breskra framleiðenda á frystum
matvælum í flokki nýrra þorsk-
og ýsuafurða.
„Mikil samlegðaráhrif“
Eins og áður segir er þessi nýja
rekstrareining Coldwater í Redd-
itch, sem er bær skammt suður af
Birmingham. Verksmiðja Fisher
Foods er um 2000 fermetrar að
gólffleti og er hún sérhæfð í fram-
leiðslu á kældum, tilbúnum sjáv-
arréttum.Velta fyrirtækisins á síð-
asta ári nam um 3,2 milljörðum
króna. Framleiðsluvörur fyrirtæk-
isins eru alls um 40 talsins og má
skipta þeim í þrjá flokka; hefð-
bundnar breskar vörur, tilbúna
rétti og sælkeravörur.
Fisher Foods, Redditch hefur ver-
ið í örum vexti á liðnum árum og
var veltuaukning liðins árs veru-
leg. Að mati stjórnenda Coldwat-
er hefur ekki verið nægilega góð
afkoma af rekstrinum á undan-
förnum misserum, en þeir telja
jafnframt að unnt sé að ná fram
umtalsverðri hagræðingu með
þessum kaupum, enda sé Cold-
water stór birgi smásölukeðjanna
í Bretlandi. Stjórnendur Coldwat-
er gera fastlega ráð fyrir 10-15%
árlegum vexti kældu afurðanna
og stefnt er að því að ná a.m.k.
5% hagnaði fyrir afskriftir og
fjármagnskostnað (EBITDA) inn-
an fárra ára. „Við sjáum vissulega
í þessu mikil samlegðaráhrif og
þau eru á mörgum sviðum, t.d.
hvað varðar vöruþróun, markaðs-
starf, skrifstofuhald og fleira,“
segir Agnar Friðriksson, forstjóri
Coldwater Seafood UK Ltd.
Þessi mynd var tekin fyrir utan Fisher Foods verksmiðjuna í Redditch. Á myndinni er gamla Albert Fisher skiltið
enn uppi, en nú hefur verksmiðjan verið rækilega merkt Coldwater. Á myndinni eru frá vinstri: Linda Beresford,
vöruþróunarstjóri í Redditch verksmiðjunni, Glenn R. Wishart, fjármálastjóri Coldwater Seafood (UK) Ltd, Nick
Holdsworth, flutningastjóri í Redditch verksmiðjunni, Lewis Stacey, framleiðslustjóri í Redditch verksmiðjunni,
Helgi Anton Eiriksson, innkaupastjóri Coldwater Seafood (UK) Ltd, John van Blerkom, framkvæmdastjóri
Redditch verksmiðjunnar, Jeff Crowther, framleiðslustjóri Coldwater Seafood (UK) Ltd og Agnar Friðriksson,
forstjóri Coldwater Seafood (UK) Ltd. Þeir Nick og Agnar halda á tveimur af alls 42 framleiðsluvörum
verksmiðjunnar í Redditch, sem allar eru kældir tilbúnir réttir.
Hin nýja rekstrareining Coldwater Seafood, verksmiðja Fisher Foods í Redditch.