Ægir - 01.06.2003, Qupperneq 30

30
F I S K V I N N S L A N
Á síðustu mánuðum hefur verið
nokkuð áberandi umræða um
sterka stöðu íslensku krónunnar,
sem hefur veikt stöðu útflutn-
ingsgreinanna. Aðalsteinn Á.
Baldursson segir að þrátt fyrir
þetta merki hann ekki barlóm í
stjórnendum sjávarútvegsfyrir-
tækja. „Í þau rösku tuttugu ár
sem ég hef komið nálægt verka-
lýðsmálum hafa alltaf komið
hæðir og lægðir í efnahagslífinu
og rekstri fyrirtækja. Fyrir um
tveimur árum var staðan mjög
góð í rekstri sjávarútvegsfyrir-
tækja og fiskvinnslan var að sýna
góðan hagnað. Á síðustu mánuð-
um hefur eitthvað hallað undan
fæti vegna sterkrar stöðu krón-
unnar. Þó tel ég mig merkja að-
eins jákvæðara hljóð í mönnum á
síðustu vikum. Bolfiskkvótinn
hefur verið aukinn á þessu fisk-
veiðiári og það mun ugglaust hafa
jákvæð áhrif og virka sem
vítamínsprauta inn í íslenskan
sjávarútveg.“
Getur ekki gengið
Aðalsteinn segir það hafa verið
mjög áberandi í sumar að mörg
sjávarútvegsfyrirtæki hafi lokað
vinnslustöðvunum lengur en
áður. Þetta hafi þýtt að starfs-
menn hafi orðið fyrir verulegum
tekjumissi. „Ég veit um fyrirtæki
sem hafa lokað í allt að átta vikur
og hjá starfsfólki þessara fyrir-
tækja er um að ræða gríðarlega
tekjuskerðingu. Þarna eru fyrir-
tækin að spila á kerfið. Þau hafa
nýtt sér ákvæði laga um uppsögn
tekjutryggingarákvæða með fjög-
urra vikna fyrirvara, sem þýðir að
fólk hefur verið að fara á atvinnu-
leysisbætur eftir sumarleyfi. At-
vinnuleysisbæturnar eru mjög
lágar og því verður fólk oft fyrir
verulegu tekjutapi. Ég segi full-
um fetum að ef fyrirtæki ætla að
byggja á góðum kjarna starfs-
fólks, þá getur þetta ekki gengið.
Að mínu mati á það ekki við rök
að styðjast að fólk vilji ekki vinna
í fiski. Hins vegar eru þessar
löngu sumarlokanir ekki til þess
fallnar að auka áhuga fólks á að
vinna þessi störf, því í raun þýðir
þetta að starfsöryggi fólks í fisk-
vinnslu sé verulega af skornum
skammti,“ segir Aðalsteinn.
Menn horfi á heildarmyndina
Oft heyrist því fleygt að léleg
laun í fiskvinnslu fæli fólk frá því
að vinna í fiski. Þessu hefur hins
vegar verið mótmælt opinberlega,
t.d. kom fram hjá Þorsteini Má
Baldvinssyni, forstjóra Samherja,
á aðalfundi félagsins sl. vor, að í
frystihúsi Samherja á Dalvík séu
meðallaun starfsfólks fyrir átta
tíma dagvinnu um 160 þúsund
krónur á mánuði.
Aðalsteinn Árni orðar það svo
Fiskvinnslufólk verður
að njóta meira starfsöryggis
- segir Aðalsteinn Á. Baldursson, formaður matvælasviðs Starfsgreinasambandsins
Aðalsteinn Árni Baldursson, formaður Verkalýðsfélags Húsavíkur, sem
jafnframt er formaður matvælasviðs Starfsgreinasambands Íslands, seg-
ir að starfsöryggi fiskvinnslufólks sé verulega af skornum skammti og
það hafi komið nokkuð vel í ljós í sumar þegar mörg fiskvinnslufyrir-
tæki hafi stöðvað vinnslu lengur en oft áður - jafnvel allt að tveimur
mánuðum. Um næstu áramót renna út núgildandi kjarasamningar á al-
mennum vinnumarkaði og telur Aðalsteinn Árni nokkuð ljóst að starfs-
öryggismál fiskvinnslufólks verði eitt af stóru málunum sem þar koma
til umræðu.
Aðalsteinn Baldurs-
son, formaður Verka-
lýðsfélags Húsavíkur.