Ægir - 01.06.2007, Side 30

30
Tillögur Hafrannsókna-
stofnunar að samdrætti í
þorskafla jafngildir því að 20
frystihús leggi upp laupana.
Öll spjót hafa staðið á Haf-
rannsóknastofnun vegna
þessa undanfarnar vikur og
þeir eru ófáir fundirnir sem
talsmenn hennar hafa átt með
hagsmunaaðilum í sjávarút-
vegi og þingflokkum og –
nefndum vegna málsins.
Björn Ævarr Steinarsson,
sviðsstjóri veiðistjórnunarsviðs
Hafrannsóknastofnunar, hefur
varið drjúgum tíma í að svara
fyrir ráðgjöfina og í viðtali við
Ægi segir hann að ef farið
verði að ráðum fiskifræðinga
þá geti það tekið allt að 15 ár
að byggja upp þorskstofninn.
Það sé hægt innan núverandi
fiskveiðistjórnunarkerfis ef
vilji sé fyrir hendi og menn
treysti sér til að taka slaginn.
Í upphafi spjallsins var Björn
Ævarr beðinn um að rekja í
stuttu máli helstu forsendur
veiðiráðgjafarinnar.
„Forsendur ráðgjafarinnar
eru m.a. þær að inn í stofninn
eru að koma lélegir árgangar
frá árunum 2001 til 2006. Að
jafnaði eru þetta 117 milljónir
þriggja ára nýliða sem geta
ekki gefið af sér meira en 160
til 170 þúsund tonn. Við
þekkjum stærð þessara ár-
ganga, sem eru að koma inn
í veiðina og munu bera hana
uppi fram til ársins 2011. Í
raun er þetta einfalt reikn-
ingsdæmi. Hver nýliði gefur
af sér um 1,5 kíló miðað við
þann vöxt sem er á þorsk-
inum í dag. Ástand hrygning-
arstofnsins nú er með þeim
hætti að hann getur aðeins
gefið af sér um helming þeirr-
ar nýliðunar sem hann gæti
að hámarki náð miðað við að
allt væri í góðu lagi. Við met-
um hrygningarstofninn vera
nálægt 180 þúsund tonnum
að stærð og veiðistofninn,
eða viðmiðunarstofninn, sem
er fiskur fjögurra ára og eldri
í þyngd og aflareglan er
reiknuð út frá, metinn verða
um 570 þúsund tonn í árs-
byrjun 2008. Það er eftir að
hinn lélegi árgangur frá 2004
kemur inn í veiðina. Staðan
þá er einfaldlega sú að veiði-
stofn þorsks verður í sögu-
legu lágmarki. Þetta eru í
stuttu máli forsendurnar fyrir
ráðgjöf okkar nú og því til
viðbótar má nefna að ef hald-
ið verður í óbreytta aflareglu
þá eru verulegar líkur á að
þorskstofninn fari niður fyrir
sögulegt lágmark. Aflareglan
er nú 25% og miðað við stærð
viðmiðunarstofnsins nú í árs-
byrjun og aflamark yfirstand-
andi kvótaárs þá væri hún
ávísun á 178 þúsund tonna
þorskkvóta.
Miðað við að stærð þorsk-
stofnsins í ársbyrjun 2008 sé
570 þúsund tonn þá væri 178
þúsund tonna kvóti jafngildi
þess að verið væri að veiða
31% úr stofninum. Það er
langt umfram það sem menn
hafa stefnt að með núverandi
nýtingarstefnu. Við lögðum
því til að veiðihlutfallið á
næsta kvótaári yrði lækkað í
20% og það er í raun í sam-
ræmi við ráðgjöf okkar und-
anfarin ár. Einnig er með því
tekið undir álit aflareglu-
nefndar sem taldi að hag-
kvæmasta veiðihlutfallið væri
22% og að teknu tilliti til þess
að tíðni ofmats á stofninum
er mun meira en vanmats þá
væri eðlilegast að hafa þetta
hlutfall 20%. Það er að segja
á meðan ekki væri búið að
finna skýringar á því hvers
vegna ofmat væri algengara
en vanmat. Síðan leggjum við
ennfremur til að ekki verði
tekið tillit til aflamarks á yf-
irstandandi kvótaári, heldur
verði einfaldlega miðað við
20% af stofnstærðinni eins og
hún var metin í byrjun þessa
árs. Ef menn fara þessa leið
og ákveða þorskkvóta upp á
130 þúsund tonn, þá eru góð-
ar líkur á að hægt verði að
halda í horfinu hvað varðar
veiðistofninn og að einhverjar
líkur séu á því að hrygning-
arstofninn vaxi.
Þetta þýðir í raun að menn
geta heldur ekki búist við
meiri afla næstu fjögur árin
en af þessari stærðargráðu.
Það eina, sem gæti orðið til
Þ O R S K S T O F N I N N
Það getur tekið allt
að 15 ár að byggja
þorskstofninn upp
- rætt við Björn Ævarr Steinarsson, sviðsstjóra veiðistjórnunarsviðs
Hafrannsóknastofnunar, um ráðgjöf stofnunarinnar
vegna þorskkvóta næsta fiskveiðiárs
Um fátt hefur verið meira rætt í íslenskum sjávarútvegi upp á síðkastið en ráðgjöf Hafrannsóknastofnunarinnar varðandi þorskkvóta
næsta fiskveiðiárs. Sem kunnugt er lagði stofnunin til 130 þúsund tonna þorskkvóta og það er því óhætt að fullyrða að hafi einhverj-
ar af fyrri ástandsskýrslum stofnunarinnar verið taldar svartar þá standa menn nú frammi fyrir einhverju því mesta svartnætti sem
yfir sjávarútveginn hefur dunið.
Við höfum einfaldlega verið að veiða of
mikið undanfarin ár og um 50% af þorskinum
eru veidd áður en fiskurinn nær kynþroska.
Eins og við stöndum að þessu þá get ég fullyrt að ís-
lenska togararallið er með minnstu skekkju sem þekk-
ist alls staðar þar sem slíkar mælingar eru gerðar.