Ægir - 01.07.2007, Blaðsíða 35

35
því hvort þeir hendi fiski, þá
neita þeir því en segja jafn-
framt að aðrir geri það. Það
er ekki mikið hægt að gefa
fyrir slíkan málflutning.“
Erum ekki að biðja um ölmusu
eða ríkisaðstoð
Friðrik segir alveg ljóst að
þorskniðurskurðurinn skapi
útgerð og fiskvinnslu í land-
inu mikla erfiðleika, sem ekki
sé hægt að átta sig á á þessari
stundu. „Þetta verður einfald-
lega rosalega erfitt. Þess
vegna lögðum við hjá LÍÚ til
að ekki yrði farið svona langt
niður með þorskkvótann. Við
töldum að ekki yrði tekin
mikil áhætta með að miða
þorskaflann á þessu fiskveiði-
ári við 150-160 þúsund tonn.
Við lögðum þetta til vegna
þess að við töldum að ef far-
ið yrði neðar gætu afleiðing-
arnar orðið mjög alvarlegar
fyrir margar byggðir landsins.
Vegna þess hversu þorsk-
kvótinn er lítill er alveg ljóst
að erfitt verður að ná kvóta í
öðrum tegundum, sem getur
þá þýtt enn meira tjón en
sem nemur þorskkvótaskerð-
ingunni. Síðan tel ég nokkuð
einsýnt að þetta lítill þorsk-
kvóti muni leiða til uppsagna
í sjávarútvegi og þar með
tekjurýrnunar hjá starfsfólki.
Það má alveg búast við að
einhver fyrirtæki hreinlega
hætti rekstri. En stóra spurn-
ingin er hversu langvinnt
þetta ástand verður. Sjávarút-
vegurinn mun hins vegar fara
í gegnum þetta eins og oft
áður og ég tek fram að grein-
in er ekki að biðja um ölm-
usu eða ríkisaðstoð. Þetta tal
um að Byggðastofnun eigi að
bjarga öllu er að mínu mati
sérkennilegt. Það stendur
ekki til að gefa mönnum pen-
inga. Fyrirtækin munu að
sjálfsögðu leysa sín mál með
sínum lánardrottnum, mér
dettur ekki annað í hug. En
engu að síður er alveg deg-
inum ljósara að þetta verður
mjög erfitt.“
Friðrik segir jákvætt að
síldarstofninn sé að eflast og
vonandi haldi sú þróun áfram
að norsk-íslenska síldin færi
sig inn í íslenska landhelgi.
Það sé þó síður en svo fast í
hendi. Og hann væntir þess
að mögulega verði farið að
vinna kolmunna til manneld-
is. En þar sé það sama uppi á
teningnum að ekkert sé fast í
hendi.
„Varðandi þorskinn sýnist
mér að helsta vonin sé sú að
fiskurinn muni þyngjast. Það
verður fróðlegt að sjá á næstu
misserum hvort um þyngd-
araukningu verður að ræða,“
segir Friðrik.
Hvað eru menn að tala um?
Friðrik hafnar því algjörlega
að ákvörðun ríkisstjórnarinnar
um þennan mikla niðurskurð
á þorskafla á þessu fiskveiði-
ári sýni svart á hvítu að nú-
gildandi fiskveiðistjórnunar-
kerfi beri að skera upp.
„Hvernig í ósköpunum á að
skera þetta kerfi upp? Hvað
eru menn að tala um?“ spyr
Friðrik á móti. „Það er full-
komlega fráleitt. Er ætlunin
að taka aflaheimildir frá þeim
sem hafa verið að kaupa þær
og færa þær öðrum? Þetta er
að sjálfsögðu ekki inni í
myndinni og það er enginn
sem hefur einhverja vigt eða
ábyrgð að tala um þetta í al-
vöru. Fyrir þarsíðustu alþing-
iskosningar var ég oft spurður
um hvort ég óttaðist ekki að
Samfylkingin kæmist til valda
í landsstjórninni. Ég svaraði
því neitandi vegna þess að
þegar menn eru komnir með
ábyrgðina á sínar herðar
komast menn fljótt að raun
um að þessi mál eru ekki eins
svart-hvít og sumir vilja vera
láta.“
Sjávarútvegurinn beri ekki
einn uppi atvinnulífið á
landsbyggðinni
Það eina góða við þorsk-
kvótaniðurskurðinn er að
mati Friðriks að hann veki
menn til umhugsunar um að
sjávarútvegurinn geti ekki
þegar til lengri tíma litið bor-
ið uppi atvinnulífið á lands-
byggðinni, þar verði eitthvað
fleira að koma til. „Það liggur
alveg fyrir að þó svo að
þorskaflinn muni aftur aukast
eftir einhver ár, mun störfum
ekki fjölga í sjávarútvegi á
landsbyggðinni. Þá verður
komin einhver tækni sem við
sjáum ekki núna. Þróunin í
þessum efnum mun að sjálf-
sögðu halda áfram. Við sjáum
til dæmis í saltfiskvinnslunni
að þar hefur orðið gríðarleg
afkastaaukning, en að sama
skapi hefur fólki ekki fjölgað
nema síður sé. Störfum í sjáv-
arútvegi hefur fækkað mjög á
síðustu tíu árum og það eru
engar líkur á öðru en að sú
þróun haldi áfram,“ segir
Friðrik J. Arngrímsson.
N Ý T T K V Ó T A Á R
Friðrik J. Arngrímsson, framkvæmdastjóri LÍÚ.
SKEIFAN 3E-F · SÍMI 581-2333 · FAX 568-0215 · WWW.RAFVER.IS
Gufudælur
Afkastamiklir vinnuþjarkar
HDS 13/24 PE Cage
� Þrýstingur: 60-240 bör
� Vatnsmagn: 680-1250 ltr/klstHDS 79 8 C Eco
� Þrýstingur: 30-180 bör
� Vatnsmagn: 350-750 ltr/klst
HDS 895 S
� Þrýstingur: 30-180 bör
� Vatnsmagn: 470-1000 ltr/klst