Ægir - 01.07.2007, Blaðsíða 25

25
Í lest er unnt að koma fyrir
28 420 lítra körum.
Að lengja líftímann á sjónum
Þorvaldur segir að eldri Sæ-
unn Sæmundsdóttir ÁR-60,
sem hann hefur gert út síð-
ustu sautján ár, sé á söluskrá.
Báturinn, sem hefur fengið
nýtt nafn, María ÁR-61, verð-
ur fyrst um sinn gerður út á
leiguheimildir. Þorvaldur fer
hins vegar yfir á hina nýju
Sæunni ásamt sonum sínum,
Kristjáni og Guðna Þór. Út-
gerðin hefur yfir að ráða um
300 tonnum í þorskígildum.
Þorvaldur segir að þorsk-
skerðingin á þessu fiskveiði-
ári komi vitaskuld illa við
hann eins og aðra, skerðingin
nemi um 30 tonnum af
þorski. Hann segir aðspurður
að þorskkvótaskerðingin hafi
ekki dregið úr honum kjark-
inn með smíði nýja bátsins,
hann hafi lengi haft í und-
irbúningi að endurnýja bátinn
á þessum tíma og ganga inn í
nýja tíma, eins og hann orðar
það. „Gamli báturinn hefur
reynst mér mjög vel og er af-
ar góður. En með nýja bátn-
um er ég að bæta aðstöðuna
og lengja líftíma manns í
greininni í um tíu ár,“ segir
Þorvaldur og hlær.
Sæunnarnafnið á sér merka
sögu
Skemmtileg saga er að baki
nafni bátsins. Þegar útgerðin
fékk sinn fyrsta bát árið 1971
birtist gömul kona að nafni
Sæunn Sæmundsdóttir móður
Þorvaldar ítrekað í draumi, en
Sæunn var föðursystir móður
Þorvaldar, og kom þeim
skilaboðum skilmerkilega á
framfæri að bátinn ætti að
nefna í höfuðið á henni. Það
varð úr og síðan hefur Sæ-
unnar ekki orðið vart í
draumum fólks í þessari fjöl-
skyldu. „Það er engin spurn-
ing að sú gamla hefur allar
götur síðar verið með okkur í
þessum sjóróðrum, ég hef
orðið var við hana. Og nú
hefur hún fengið eigin koju.
Við verðum þrír á bátnum, en
kojurnar eru fjórar,“ segir Þor-
valdur útgerðarmaður Garð-
arsson.
Okkar þekking nýtist þér ...
Sjávarútvegurinn þekkir faglega hannaðar lausnir og
framleiðsluvörur frá Kælitækni
Kælitækni Rauðagerði 25 • 108 Reykjavík • Sími 440 1800 • Fax 440 1801 •
www.kælitækni.is og/eða www.kaelitaekni.is
Ísvélar Iðnaðarhuðir
PlötufrystarBitzer vélarkerfi
VörubryggjurKæli- og frystigeymslurMycom vélarkerfi
Eimar og eimsvalar Samsett kælikerfi
Kæli- og frystiklefar
Frystiklefa huðirKrapaísvélar
N Ý R B Á T U R
Útgerðarhjónin Þorvaldur Garðarsson og Guðbjörg María Kristjánsdóttir. Sigurjón Ragnarsson, einn af stjórn-
endum Seiglu, hæstánægður með
útkomuna.