Ægir - 01.07.2007, Blaðsíða 26

26
Eyjólfur Þór Guðlaugsson,
framkvæmdastjóri Reiknistofu
fiskmarkaða, segir erfitt að
ráða í hvernig áhrif af þorsk-
kvótaniðurskurði muni koma
fram í starfsemi fiskmark-
aðanna, að öðru leyti en því
að framboðið af þorski verði
að sjálfsögðu mun minna á
þessu fiskveiðiári.
„Þessi niðurskurður þýðir
ósköp einfaldlega að við
verðum að herða róðurinn í
að ná fiski inn á markaðina.
Við erum ekki að selja í gegn-
um markaðina nema einn
fimmta af þeim fiski sem er
landað hér þannig að við
verðum að einbeita okkur að
því að fá eitthvað meira af
þeirri köku sem er til skipt-
anna,“ segir Eyjólfur.
Ný reglugerð um fiskmarkaði
Þann 1. september sl. tók
gildi ný reglugerð um fisk-
markaði, sem Eyjólfur segir
að fiskmarkaðsmenn hafi
lengi beðið eftir. „Það er vita-
skuld mjög gott fyrir okkur
að hafa reglugerð til þess að
vinna eftir. Fiskmarkaðir hafa
verið að ýta á eftir því að fá
reglugerð til þess að starfa
eftir og fá hreinar línur í ýmis
mál. Kaupendur hafa t.d.
kvartað yfir því að ekki hafi
verið algjörlega á hreinu sam-
kvæmt lagabókstafnum hve-
nær fiskurinn er eign seljenda
og hvenær hann er eign
kaupenda. Nú hefur verið
kveðið upp úr um þetta í
þessari reglugerð og það er
mjög jákvætt,“ segir Eyjólfur.
Möguleiki að bjóða í
gámafiskinn
Eyjólfur segir að júlí hafi ver-
ið lélegur á fiskmörkuðunum,
en fram að þeim tíma hafi
salan verið svipuð og í fyrra.
„Miðað við að 30% samdráttur
er í þorskkvótanum má
reikna með samdrætti hjá
okkur, en við vonum að nýtt
uppboðskerfi, Fjölnet, geri
okkur kleift að fá í sölu hjá
okkur eitthvað af þeim óunna
fiski sem er fluttur út í gám-
um. Við höfum viljað hafa
möguleika á að bjóða í fisk
sem er fluttur úr landi í gámi
og þetta kerfi gerir okkur það
kleift. Í Fjölneti er hugmyndin
að selja mikið magn í einu,
t.d. heilan gám eða bátsfarm.
Seljendum verður gefinn kost-
ur á því að setja sölukröfur
sem verða að nást áður en af
sölu verður. Kaupendum
gefst kostur á að leggja inn
tilboð sem metin eru af Fjöl-
neti. Nái þeir kaupendur sem
bjóða í að uppfylla þær sölu-
kröfur sem settar eru verða til
viðskipti.
Við vonum að þessi nýi
möguleiki muni auka mögu-
leika fiskmarkaðanna til þess
að halda einhverju af þessum
fiski í landinu. Þarna er eftir
töluverðu að slægjast því um-
talsvert magn af fiski er flutt
út í gámum á hverju ári. Ef
þetta gengur vel vænti ég
þess að þetta geti að ein-
hverju leyti komið á móti
minnkandi framboði af þorski
á mörkuðunum,“ segir Eyjólf-
ur.
F I S K M A R K A Ð I R
Við verðum að
herða róðurinn
- segir Eyjólfur Þór Guðmundsson
hjá Reiknistofu fiskmarkaða
„Miðað við að 30% samdráttur er í
þorskkvótanum má reikna með sam-
drætti hjá okkur, en við vonum að nýtt
uppboðskerfi, Fjölnet, geri okkur kleift
að fá í sölu hjá okkur eitthvað af þeim
óunna fiski sem er fluttur út í gámum,“
segir Eyjólfur Þór Guðlaugsson.