Ægir - 01.07.2010, Page 20

20
B L Á S K E L J A R Æ K T
„Við höfum allar aðstæður hér á landi til að gera bláskeljarækt
að miklu stærri atvinnugrein. Aðstæður erlendis vegna þrengsla
við strendur og mengunar í sjónum gera að verkum að blá-
skeljarækt er að færast á norðlægari slóðir þar sem er minni
mengun og meira rými. Enda sýna gæðin á íslensku bláskelinni
líka að þetta er vara sem erlendir kaupendur vilja. Mikilvægast
er fyrir okkur að ná betri tökum á öllum stigum í ræktuninni og
fá fleiri ræktendur sem vinna saman hér á landi. Við höfum á
þeim 11 árum sem liðin eru síðan Norðurskel var stofnuð lært
mikið af mistökum sem við höfum gert. Þannig verður framþró-
un sem gerir okkur sterkari. Núna erum við komin á þann tíma-
punkt að auka jafnt og þétt við framleiðsluna og í því liggja
tækifæri því markaðir eru nægir erlendis. Og það ánægjulega er
einnig að Íslendingar eru óðum að uppgötva bláskelina,“ segir
Víðir Björnsson, framkvæmdastjóri Norðurskeljar í Hrísey. Hann
hefur í 11 ár unnið að uppbyggingu bláskeljaræktunar í Eyjafirði
og vinnslu bláskeljar í Hrísey og er fyrirtækið nú komið með um
12 ársstörf og fyrirséð að umfang starfseminnar mun að líkind-
um aukast jöfnum skrefum á komandi árum. Bláskeljarækt telst
ein af yngstu nýsköpunargreinum í sjávarútvegi en greinilegt er
að hún á mörg tækifæri, líkt og Ægir kynntist í heimsókn til
Hríseyjar.
Norðurskel í Hrísey er óðum að ná betri tökum á bláskeljaræktinni:
Mikil tækifæri
í bláskeljarækt
á Íslandi
- segir Víðir Björnsson, framkvæmdastjóri og frumkvöðull