Ægir - 01.03.2013, Blaðsíða 21

21
Síðar í vor mun Vélsmiðjan
Foss á Höfn í Hornafirði setja
nýja andveltitanka á bakkaþil-
far uppsjávarskipanna Lund-
eyjar NS og Faxa RE sem HB
Grandi gerir út. Smíði tank-
anna er lokið hjá Fossi og
bíða þeir þess að skipin ljúki
kolmunnaveiðum. Ari Jónsson,
framkvæmdastjóri Vélsmiðj-
unnar Foss, segir smíði tank-
anna hafa verið kærkomið
verkefni en stærsta verkefni
fyrirtækisins þessar vikurnar
er breytingar í fiskimjölsverk-
smiðju Skinneyjar Þinganess
á Höfn. Þá er alltaf eitthvað
um verkefni fyrir bátaflotann
en auk nýsmíða fyrir fiskiskip
smíðar Vélsmiðjan Foss
nokkrar gerðir af vindum fyrir
báta.
Minni hreyfing eykur gæði
farmsins
Vélsmiðjan Foss stofnaði fé-
lagið Rolling ehf. í samstarfi
við Stefán Guðsteinsson,
skipatæknifræðing og verk-
fræðistofuna Verkís um þró-
un, framleiðslu og sölu á
andveltibúnaði. Síðan þá hef-
ur fyrirtækið m.a. selt and-
velti tank til Ástralíu og á síð-
asta ári var 60 rúmmetra and-
veltitankur smíðaður á frysti-
togarann Venus HF-519.
Skipið er, líkt og uppsjávar-
skipin tvö, í eigu HB Granda.
„Það er ánægjulegt fyrir
okkur að fá fleiri verkefni af
þessu tagi fyrir HB Granda.
Andveltibúnaður skiptir miklu
máli í fiskiskipum, bæði fyrir
mannskapinn og ekki síður
alla vinnslu og aflameðferð.
Þetta á ekki hvað síst við um
uppsjávarskipin sem veiða í æ
ríkara mæli fyrir landfrystingu
og þá skiptir mjög miklu máli
að tryggja gæði með sem
minnstri hreyfingu á farmin-
um í lestum,“ segir Ari en
þetta er í fyrsta sinn sem fyrir-
tækið framleiðir andveltitanka
fyrir uppsjávarskip. Tönkun-
um verður komið fyrir aftasta
á bakka skipanna en í þeim
er lokabúnaður og stjórnbún-
aður, svokölluð Stöðugleika-
vakt, sem Verkís hannar og
stýrir sá búnaður virkninni í
tönkunum.
„Við erum mjög ánægðir
með þetta verkefni og verður
fróðlegt að sjá hvernig tank-
arnir koma til með að hafa
áhrif á skipin,“ segir Ari.
Línuhjól og vindur fyrir
smábátana
Almennt segir Ari ágætt hljóð
í sjávarútveginum og talsvert
að gera í þjónustu við grein-
ina. „Ég reikna með að þegar
lengra líður fram á vorið og
sumarið bætist við verkefni
fyrir bátaflotann, ekki síst
minni bátana. Vindubúnaður-
inn frá okkur hefur komið vel
út í grásleppubátunum en
síðan erum við með nýlega
hönnun í línuskífum þar sem
hugmyndin var að bæta með-
ferðina á krókunum þegar
línan er dregin og minnka
jafnframt hættuna fyrir þá
sem vinna við línukerfin. Við
fórum í þessa hönnun í sam-
starfi við útgerð Ragnars SF
hér á Höfn en það hefur vilj-
að brenna við í eldri búnaði
að krókarnir réttist upp og
línan komi ekki rétt inn. Það
skapar hættu á að krókar slá-
ist í þann sem er við línuhjól-
ið. Reynslan hefur sýnt að
með nýju skífunum er líka
minni þörf á að endurnýja
króka á línunni og drátturinn
á línunni er betri. Þennan
línubúnað eigum við alltaf til
á lager fyrir smábátana,“ segir
Ari.
Vélsmiðjan Foss á Höfn:
Andveltitankar fyrir tvö
uppsjávarskip HB Granda
Starfsmenn Vélsmiðjunnar Foss vinna að smíði andveltitankanna fyrir Lundey og Faxa.
Þ J Ó N U S T A