Ægir - 01.03.2013, Blaðsíða 34

34
B Á T A S M Í Ð I
„Þegar hækkun auðlinda-
gjaldsins kom til framkvæmda
seint á síðasta ári fór mark-
aður okkar fyrir smíði og
breytingar smærri báta alveg
niður í lágmark. Við erum að
upplifa mesta bakslag frá því
við settum bátasmiðjuna á fót
árið 2005. Og það versta er
að ég sé ekki mikla breytingu
verða alveg á næstunni,“ seg-
ir Guðni Sigtryggsson báta-
smiðjunni Siglufjarðar-Seig
sem er í eigu JE Vélaverk-
stæðis á Siglufirði. Guðni seg-
ir margt leggjast á eitt að
gera róðurinn þungan núna.
„Hluti af skýringunni er
lækkun afurðaverðs, reglu-
gerðarbreytingar sem snúa að
breytingum báta, stytting grá-
sleppuvertíðarinnar hefur líka
verulega áhrif hjá okkur og
loks stórhækkun veiðileyfa-
gjaldsins. Nýsmíði eða breyt-
ingar á bátum eru ekki fram-
arlega á forgangslistanum í
rekstri útgerðanna og þar af
leiðandi verðum við fyrst fyrir
högginu þegar þrengt er að
útgerðunum,“ segir Guðni en
fyrirtækið hefur þegar fækk-
að um einn mann í bátasmíð-
inni.
„Við reynum af fremsta
megni að komast hjá upp-
sögnum á starfsmönnum og
bregðumst frekar við með því
að stytta vinnutímann og hag-
ræða eins og mögulegt er.
Við áttum bátsskrokk sem við
erum núna að vinna í að gera
kláran og er enn óseldur. En
það mættu sannarlega vera
fleiri verkefni í augsýn næstu
mánuðina,“ segir Guðni.
Horft á eldsneytisliðinn
Mikið hefur verið að gera í
breytingum á bátum hjá
Siglufjarðar-Seig síðustu ár og
til að mynda voru árin 2010
og 2011 mjög góð. Breytingin
er því mikil og tók steininn
úr í haust, eins og áður segir.
„Við vitum þó að margir
hafa áhuga á breytingum á
bátum og sérstaklega snúast
þær um eldsneytiseyðsluna.
Sá kostnaðarliður hefur tekið
mikið stökk upp á við á fáum
árum og er farinn leggjast
verulega þungt á bátaútgerð-
irnar þannig að það er eftir
miklu að slægjast að geta
minnkað olíueyðsluna,“ segir
Guðni. Aðspurður segir hann
þessar hugmyndir t.d. ganga
út á að setja tvær vélar í
bátana, aðra litla til að nota á
veiðum og síðan stærri vél í
lengri stím sem þá vinnur
með minni vélinni. „Hvert
prósent sem bátaútgerðirnar
geta sparað með breytingum
á borð við þessar skiptir um-
talsverðum fjárhæðum þannig
að eftir miklu er að slægjast.
Og hér höfum við mikla
reynslu innanhúss í breyting-
um á bátum, auk nýsmíða,“
segir Guðni.
Vel heppnuð breyting á
Bíldsey
Síðasta sumar var lokið stóru
verki hjá Siglufjarðar-Seig en
þá var línubátnum Bíldsey SH
breytt úr 15 í 30 tonn. Guðni
segir verkið hafa tekist frá-
bærlega.
„Þessir línubátar eru farnir
að sækja mjög djúpt og þess
vegna er mjög nauðsynlegt
að geta búið þá betur út
hvað varðar vinnuaðstöðu og
að koma niður línubúnaðin-
um fyrir svo vel fari. Það er
mikil ánægja með breyt-
inguna á Bíldsey en með
breyttum reglugerðum hefur
verið girt fyrir þennan mögu-
leika. Sem að mínu mati er
eftirför því þetta eru bátarnir
sem tekið hafa við hlutverki
vertíðarbáta í flotanum en eru
miklu minni. Breyting eins og
sú sem við gerðum á Bíldsey
er dæmi um að við getum
hér tekist á við stór verkefni í
breytingum á bátum, jafnt
sem þau minni. En núna þarf
fyrst og fremst að færast
meira líf í þennan markað,“
segir Guðni.
Bátasmiðja Siglufjarðar-Seigs á Siglufirði:
Mesti samdráttur í bátasmíði og breyt-
ingum frá því fyrirtækið var stofnað
Bíldsey SH kemur út úr smiðju hjá Siglufjarðar-Seig eftir lengingu.
Skrokkur Bíldseyjar var skorinn í tvennt og báturinn lengdur um 3 metra.