Ægir - 01.03.2013, Blaðsíða 32

32
Leyft verður að veiða rösk 123
þúsund tonn af makríl í ár
samkvæmt reglugerð um
makr ílveiðar íslenskra skipa
sem gefin hefur verið út af at-
vinnuvega- og nýsköpunar-
ráðuneytinu. Í reglugerðinni
er auk heildmagnsins kveðið
á um skiptingu heimildanna
milli flokka veiðiskipa.
Í reglugerð ráðuneytisins
segir að aflamagnið í ár verði
15% lægra en ákveðið var á
síðasta ári. „Lækkunin tekur
mið af breytingu í ráðgjöf Al-
þjóðahafrannsóknaráðsins. Er
þetta sama aðferð og beitt
hefur verið hér á landi frá
árinu 2011,“ segir í tilkynn-
ingu ráðuneytisins.
Sem fyrr er úthlutað til
fjögurra flokka veiðiskipa.
Smábátar fá í sinn hlut 3.200
tonn, til ísfiskskipa er úthluað
6.703 tonnum, frystitogarar fá
í sinn hlut 25.976 tonn en
uppsjávarskip fá meira en
þrefalt það magn, eða 87.303
tonn. Í frétt atvinnuvega- og
nýsköpunarráðuneytisins er
vakin athygli á breytingu á
hlutfalli milli flokkanna en
smábátar fá nú um fjórföldu
magni úthlutuðu miðað við
síðasta ár. Hinir veiðiskipa-
flokkarnir þrír sæta skerðingu
heildarmagnsins.
Ráðuneytið segir að við
úthlutun til smábáta sé mið
tekið af því magni sem þeim
hafi upphaflega verið úthlut-
að 2010 og svo hins að ganga
makríls á grunnslóð hafi stöð-
ugt verið að aukast og þekk-
ing og tök þeirra á þessum
veiðum hafi tekið miklum
framförum.
Gefin verða út veiðileyfi í
kjölfar umsóknarfrests Fiski-
stofu sem lauk nú um mán-
aðamótin. Veiðum smábáta er
deilt á tvö tímabil þannig að
1300 lestum er úthlutað á júlí-
mánuð og 1900 lestum á
tímabilið 1. ágúst til 31. des-
ember.
Smábátasjómenn vilja
úthlutun að norskri fyrirmynd
Þrátt fyrir fjórföldun í úthlut-
un á makrílheimildum til
smábáta er hún langt frá ósk-
um Landssambands smábáta-
eigenda. Í febrúar kynntu
samtökin ráðherra tillögur um
að úthlutun til smábáta verði
aukin í 18% af heildarafla, en
að lágmarki 20.000 tonn. Vís-
uðu þau í fyrirmynd að slíkri
skiptingu í Noregi. Í gögnum
sem kynnt voru ráðherra seg-
ir að það sé skoðun LS „að
um hreint og klárt sanngirnis-
mál sé að ræða að smábáta-
flotinn fái sambærilegt tæki-
færi á við uppsjávarflotann í
að mynda sér eðlilega hlut-
deild í makrílveiðunum. Það
getur ekki talist eðlileg af-
greiðsla málsins að þeir einir
fái heimildirnar sem veiða yst
í lögsögunni, þegar ljóst er að
með tímanum er tegundin að
nema land inni á flóum og
fjörðum, veiðiðisvæðum smá-
báta og strandveiðiflotans.
Makríls varð fyrst vart inn-
an lögsögunnar í einhverju
magni árið árið 2007 og þá
aðallega sem meðafli við síld-
veiðar suður og austur af
landinu. Árið 2008 veiddi
uppsjávarflotinn u.þ.b. 112
þúsund tonn, og hefur veiðin
síðan haldist svipuð, vegna
opinberra takmarkana.“
„Við hefðum auðvitað viljað
hafa úthlutunina til okkar
manna meiri þannig að ekki
kæmi til kapphlaups milli
bátanna við þessar veiðar. Ég
óttast að 3.200 tonn sé of
naumt skammtað. Betra hefði
verið að heimildirnar væru
það rúmar að hægt hefði verið
að flytja í stærra kerfið heim-
ildir síðar á árinu ef í ljós
kæmi að smábátarnir næðu
ekki sínum heimildum,“ segir
Örn Pálsson, framkvæmda-
stjóri Landssambands smá-
bátaeigenda, sem reiknar
með verulegri fjölgun smá-
báta á makrílveiðum í ár mið-
að við síðasta sumar.
„Í fyrra var fyrsta árið sem
makríllinn kom almennilega á
veiðislóð smábátanna og þá
kom vel í ljós að smábátasjó-
menn ráða mjög vel við
þennan veiðiskap,“ segir Örn
en að hans mati er til bóta að
skipta veiðitímabilum smá-
bátanna í tvennt líkt og gert
er nú.
„Í fyrra voru 16 bátar á
veiðum og afli þeirra var
1100 tonn. Samkvæmt könn-
un sem við gerðum fyrir ára-
mótin síðustu hyggjast rösk-
lega 100 báta að reyna fyrir
sér í makrílveiðum í sumar.
Dreifingin er allt í kringum
landið enda höfum við séð
makrílinn ganga nánast alls
staðar, bæði með ströndinni
og djúpt inn í firði. Við telj-
um að hægt sé að veiða mak-
rílinn nánast alls staðar,“ segir
Örn.
Vinnsla smábátaaflans
skiptir miklu máli um framtíð
veiðanna og smábátasjómenn
benda á að gæði makríls sem
veiddur er á króka séu mjög
mikil. Örn segir þessa hlið
veiðanna nokkuð óljósa enn
sem komið er.
„Fyrsti þátturinn er að ná
ásættanlegu magni. Við erum
ennþá langt frá því en höfum
bent á 18% hlutdeild af heild-
arafla sem viðmiðun að fyrir-
mynd frá Noregi. Smábáta-
makríllinn er eftirsótt vara -
það vitum við - og þess
vegna teljum við að með
auknu magni styrkist grund-
völlur fyrir smærri vinnslur út
um landið. Þarna gætu skap-
ast ný atvinnutækifæri í land-
vinnslu í byggðunum,“ segir
Örn.
Um 100 bátar stefna að makrílveiðum í sumar
Fyrirkomulag makrílveiða í lögsögunni í sumar liggur fyrir:
Minni makrílheimildir en samt
aukning hjá smábátum
Örn Pálsson, framkvæmdastjóri Landssambands smábátasjómanna.
M A K R Í L V E I Ð A R