Tímarit Máls og menningar - 01.11.1985, Qupperneq 103

Yfirlit yfir íslensk atvinnuleikhús
Nái leiksýning ekki að hrífa áhorfanda sinn og veita honum þessa nautn
tilfinningaflæðis hlýtur hún að vera vond. Því miður er vond leiksýning
verri en engin.
Góð leiksýning á aftur á móti alltaf erindi því áhorfandanum finnst hún
koma sér við. Hann finnur snertipunkta milli sín og persóna leiksins, milli
þess samfélags sem hann býr við og efnis, þema eða atburðarásar leiksins,
milli þeirrar umgjarðar sem leikritið er leikið í og sjónræns og hljóðræns
veruleika síns.
í grein þessari takmarka ég mig við síðastliðið leikár. En þar er af nógu að
taka. Það er mikið að gerast í íslensku leikhúslífi þrátt fyrir fá atvinnu-
leikhús sem flest eru illa eða ekki styrkt fjárhagslega af opinberum aðilum.
Mér telst til að atvinnuleikhúsin íslensku séu 11 samtals; voru 10 síðastliðið
leikár, þá var Kjallaraleikhúsið ekki orðið til: sjá yfirlit 1.
Yfirlit 1
1. Atvinnuleikhús styrkt af opin- berum aðilum 2. Atvinnuleikhús styrkt lítið sem ekkert af opinberum aðilum 3. Atvinnuleikhús sem byggist á einkarekstri
I. Atvinnu- leikarar eingöngu ÞJÓÐLEIKHÚS LEIKFÉLAG REYKJAVÍKUR ALÞÝÐULEIKHÚSIÐ EGG-LEIKHÚSIÐ KJALLARALEIKHÚSIÐ REVÍULEIKHÚSIÐ GRÁNUFÉLAGIÐ HITT-LEIKHÚSIÐ
2. Blanda atvinnu- lcikara og áhuga- lcikara LEIKFÉLAG AKUREYRAR SVART & SYKURLAUST
Utan þessarar flokkunar stendur NEMENDALEIKHÚSIÐ sem þó verður tekið með
í þessari umfjöllun. Pað hefur þá sérstöðu að geta hvorki kallast áhugaleikhús né
atvinnuleikhús. en stendur á jaðri flokks 1/1 af augljósum ástæðum.
501