Morgunblaðið - 03.12.2014, Qupperneq 2

2 FRÉTTIRInnlent
MORGUNBLAÐIÐ MIÐVIKUDAGUR 3. DESEMBER 2014
Komdu inn
úr kuldanum
www.n1.is facebook.com/enneinn
Hluti af öruggri vetrarumferð
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sektir hækka um 100%
Benedikt Bóas
benedikt@mbl.is
Bílastæðasjóður Reykjavíkurborg-
ar kynnti megináherslur sjóðsins
fyrir næsta ár í gær en þar kemur
fram frekari útvíkkun gjaldsvæða.
Á næsta ári má því sjá bílastæða-
verði norðan Hverfisgötu, við
Brautarholt og nágrenni og þá
verður farið að sekta vestar í Vest-
urbænum.
Samkvæmt tilkynningu frá Bíla-
stæðasjóði hefur lítið dregið úr
fjölda stöðvunarbrotagjalda og því
samþykkti borgin að hækka sektir
fyrir stöðvunarbrot um 100% með
það að markmiðið að draga úr fjölda
sekta, sérstaklega vegna þeirra sem
leggja í blá bílastæði, sem eru fyrir
fatlaða. Gjaldið er nú 10.000 krónur.
Ekki er gert ráð fyrir hækkun
tekna vegna stöðubrotagjalda þrátt
fyrir hækkun gjaldsins.
Miðamælar og framkvæmdir
Bílastæðasjóður hyggst kaupa
fleiri miðamæla næstu árin, bæði
fyrir ný svæði sem og til að skipta
út fyrir gamla mæla auk þess sem
frekar verður bætt í upplýsingakerfi
og aukin þjónusta við viðskiptavini
bílahúsa, þannig að þeir geti séð
hvar eru laus stæði á rauntíma.
Í ljósi byggingarframkvæmda í
miðborginni er gert ráð fyrir fram-
kvæmdum hvað varðar þátttöku í
byggingu bílahúsa þó að ekki liggi
fyrir á þessari stundu hvar það
verður, segir í frétt frá Bílastæða-
sjóði.
 Lítið hefur dregið úr fjölda sekta vegna stöðvunarbrota
 Bílastæðasjóður færir út kvíarnar og fjölgar gjaldsvæðum
Morgunblaðið/Þórður
Reykjavík Greitt fyrir afnot af bíla-
stæði í miðborginni.
Eftir langvarandi hlýindakafla varð jólalegt í höfuð-
borginni í vikunni. Myndin er tekin í Þingholtsstræti
rétt áður en sólin settist. Sólin kom upp í Reykjavík
klukkan 10.48 í gærmorgun og settist klukkan 15.45.
Hún mun lækka á lofti allt til 21. desember nk. þegar
vetrarsólstöður verða. Þá fer hún að hækka að nýju.
Morgunblaðið/Gísli Baldur Gíslason
Fallegt sólsetur í Þingholtsstræti
Baldur Arnarson
baldura@mbl.is
Bændur í Svarfaðardal við Eyja-
fjörð hafa séð mikið af sporum eftir
mýs á víðavangi að undanförnu og
tengja það við
gosmengun frá
Holuhrauni.
Ragnar Stef-
ánsson jarð-
skjálftafræðingur
býr á Laug-
asteini í Svarf-
aðardal.
„Bóndi hérna
sagði mér að hér
væri mikið um
mýs uppi á yfir-
borðinu. Honum fannst það óvenju-
legt vegna þess að það hefði verið
svo gott veður og alls ekkert kalt.
Hann tengdi það við súrt regn, eða
mengaða úrkomu vegna gossins,
sem mýsnar væru að flýja,“ segir
Ragnar.
„Ég held að bóndinn hafi rétt
fyrir sér. Það hefur verið þónokkuð
mikil gasmengun í Svarfaðar-
dalnum. Hún hefur lítið verið mæld
en menn finna fyrir henni. Hér eru
há fjöll í kring og í dalnum er mikil
kyrrð miðað við umhverfið. Þannig
að jafnvel þótt mökkurinn, eða gas-
ið, eigi að leita til vesturs, eða eitt-
hvað annað, er eins og mengunin
leiti oft niður í dalinn. Gasið er
þyngra en annað loft og sígur ofan í
dalinn. Það sama gildir um Eyja-
fjörðinn. Hér hefur oft og tíðum
verið ansi mikil gasmengun. Loftið
hreinsast í rigningu en um leið fer
mengunin ofan í jörðina. Þar er að
finna brennisteinstvíildi, flúor og
fleiri efni, sem dýrunum líkar ekki
við í holum sínum,“ segir Ragnar.
Hættulaust fyrir mannfólkið
Hann telur enga hættu á því að
mengunin berist í grunnvatn og
hafi þannig skaðleg áhrif á heilsu-
far manna. „Mengunin síast úr í
grassverðinum. Bændur hafa líka
kvartað undan því að miðað við veð-
urfar hafi hagamýs leitað óvenju-
mikið inn í hús. Hagamýs leita allt-
af inn í hús þegar það verður mjög
kalt. Þá er of kalt fyrir þær að vera
ofan í jörðinni. Nú flýja þær meng-
unina og reyna að koma sér inn í
hús.“
Fram kom í Morgunblaðinu 25.
nóvember að mikill músagangur
væri í Mývatnssveit og tengdi bóndi
í þeirri sveit það við hlýindi en ekki
mengun frá gosinu í Holuhrauni.
Mýs flýja mengun
og sækja í húsin
 Súrt regn frá gosinu í Holuhrauni
neyðir hagamýs upp á yfirborðið
Ragnar
Stefánsson
Benedikt Bóas
benedikt@mbl.is
Fjárhagsáætlun Reykjavíkurborgar
var samþykkt á fundi borgarstjórnar
seint í gærkvöldi. Í bókun frá borg-
arfulltrúum Sjálfstæðisflokksins kem-
ur fram að álögur hafi hækkað.
Í tilkynningu frá meirihluta borgar-
stjórnar segir að fjárhagsáætlunin
endurspegli áherslur meirihlutans
sem finna megi í samstarfssáttmála
hans. „Námsgjöld leikskóla lækka um
rúm 6%, frístundastyrkur hækkar og
systkinaafslættir þvert á skólastig
verða að veruleika. Allt kemur þetta
barnafjölskyldum í Reykjavík til
góða,“ segir í tilkynningu meiri-
hlutans.
Í bókun borgarfulltrúa Sjálfstæð-
isflokksins segir hins vegar að núver-
andi meirihluti ætli að halda áfram að
auka álögur á fjölskyldur borgarinnar
líkt og síðasti meirihluti hafi gert.
„Þriggja barna fjölskylda þarf nú að
greiða 25,5% meira fyrir þjónustu
Reykjavíkurborgar en hún gerði árið
2010. Fjölskyldan borgar 561.000 kr.
meira á næsta ári en hún gerði árið
2010 eða nálægt 10% meira en hækk-
un verðlags á sama tíma,“ segir í bók-
un sjálfstæðismanna.
Eignasjóður upptekinn
við að bjarga aðalsjóði
Þar segir einnig að nýja hugsun
vanti í rekstur borgarinnar. Ljóst sé
að aðalsjóður borgarinnar skili hálfs
milljarðs króna halla og útsvarið sé
áfram í hámarki.
Í bókun borgarfulltrúa Sjálfstæð-
isflokksins segir: „Hallarekstur aðal-
sjóðs kemur í veg fyrir að eignasjóður
borgarinnar geti staðið undir þeim
verkefnum sínum að halda við eignum
borgarinnar. Stofnanir borga leigu til
eignasjóðs en fá ekki eðlilega þjón-
ustu til baka því eignasjóður er upp-
tekinn við að bjarga aðalsjóði sem á
að standa undir rekstri með skatt-
tekjum. Nær hefði verið að lækka
álögur á borgarbúa en að stækka
kerfi sem þegar er orðið of stórt.“
Í tilkynningu meirihlutans segir að
framlag borgarinnar til hráefnis-
kaupa í leik- og grunnskólum hækki
um 56 milljónir króna frá fyrri áætlun
til að auka gæði skólamáltíða. Fram-
lög til sérkennslu í leik- og grunnskól-
um eru aukin um tæpar 48 milljónir
króna. Þá eru 20 milljónir króna lagð-
ar í sérstakt átak til að auka þátttöku í
frístundastarfi fyrir börn af erlendum
uppruna, fatlaða framhaldsskóla-
nema og börn tekjulágra foreldra
sem ekki uppfylla skilyrði um fjár-
hagsaðstoð. 20 milljónir eru settar í
sambærilegt átak fyrir ungmenni
eldri en 16 ára sem ekki eru í námi.
Aðgerðir gegn heimilisofbeldi
Ennfremur var samþykkt aukin
fjárheimild til mannréttindaskrif-
stofu upp á tæpar 45 milljónir til sam-
starfsverkefnis lögreglunnar og borg-
arinnar í aðgerðum gegn heimilis-
ofbeldi.
Einnig var fimm ára áætlun
Reykjavíkurborgar fyrir árin 2015-
2019 samþykkt en samkvæmt henni
er fyrirhugað að Félagsbústaðir
Reykjavíkur fjárfesti í 500 nýjum
íbúðum á næstu fimm árum.
Segja borgina auka álögur
 Fjárhagsáætlun Reykjavíkurborgar samþykkt í gærkvöldi  Námsgjöld leikskóla lækka, frístunda-
styrkur hækkar  Nýja hugsun vantar í rekstur borgarinnar, segja borgarfulltrúar Sjálfstæðisflokks
Morgunblaðið/Ómar