Morgunblaðið - 03.12.2014, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 3. DESEMBER 2014
Baldur Arnarson
baldura@mbl.is
Fyrirhuguð hækkun sóknargjalda er
langt frá því að vera í samræmi við
tillögur innanríkisráðherra um leið-
réttingu gjaldanna með tilliti til
verðlagsþróunar.
Þetta er mat Þorvaldar Víðissonar
biskupsritara.
Lagt er til í fjárlagafrumvarpi
2015 að sóknargjöld til kirkjunnar
hækki tímabundið um 33,4 milljónir
og í heild um 50 milljónir. Á móti er
lögð til 29,3 milljóna lækkun á fram-
lagi til sóknargjalda.
Skekkja í innbyrðis skiptingu
„Í fjárlagafrumvarpinu kom fram
lítils háttar skekkja á innbyrðis
skiptingu sóknargjalda á fjárlagaliði
og er tillögu þessari ætlað að leið-
rétta það til samræmis við útreikn-
ing gjaldsins,“ segir í nefndaráliti
fjárlaganefndar um fjárlagafrum-
varpið 2015.
Þorvaldur segir mikið bil milli
boðaðra hækkana og tillagna starfs-
hóps innanríkisráðherra í málinu.
„Við höfum farið yfir þessar tölur.
Niðurstaðan er sú að þetta útspil
fjárlaganefndar er ekki í takt við til-
lögur ráðherranefndarinnar sem
skilaði af sér í maí á þessu ári.“
Þorvaldur rifjar upp að nefnd á
vegum Ögmundar Jónassonar, þá-
verandi innanríkisráðherra, hafi í
apríl 2012 skilað skýrslu til ráðherra
þar sem komist var að þeirri niður-
stöðu að sóknargjöld hefðu verið
skert langt umfram það sem stofn-
anir innanríkisráðherra hefðu mátt
þola í kjölfar efnahagshrunsins.
Næst hafi dregið til tíðinda í málinu
þegar önnur nefnd á vegum fráfar-
andi innanríkisráðherra, Hönnu
Birnu Kristjánsdóttur, gerði tillögu
til ráðherra í maí sl. um hvernig ætti
að leiðrétta þessa umframskerðingu.
Nefndin hafi lagt til tvær leiðir, að
leiðréttingin næði fram að ganga á 3
árum annars vegar og 4 árum hins
vegar.
270 einingar um land allt
Hann segir sóknargjöldin mynda
rekstrargrundvöll safnaðanna.
„Sóknargjaldið varðar sjálfstæðar
einingar kirkjunnar, sóknirnar um
allt land. Þetta eru fjárhagslega
sjálfstæðar einingar. Þjóðkirkjan
samanstendur af um það bil 270 slík-
um einingum um allt land. Þar starfa
sóknarnefndir í sjálfboðavinnu við að
drífa starfið áfram, barna- og æsku-
lýðsstarf, forvarnastarf og tónlistar-
starf, svo eitthvað sé nefnt, ásamt
því að viðhalda þessum perlum,
kirkjunum sem eru um allt land.“
Þorvaldur hefur ritað sóknar-
nefndum, prestum, djáknum, organ-
istum og öðrum þjónum kirkjunnar
bréf þar sem skorað er á viðtakend-
ur að koma skriflegum mótmælum á
framfæri við æðstu embættismenn í
fjármála- og innanríkisráðuneytinu.
Sóknargjöldin hækkuð
minna en boðað var
 Biskupsritari segir fjárskort koma hart niður á kirkjustarfi
Morgunblaðið/Ómar
Vídalínskirkja Safnaðarstarf hefur
liðið fyrir skerðingu sóknargjalda.
Agnes Bragadóttir
agnes@mbl.is
Verkfræðistofan EFLA hefur unnið
tvær skýrslur um Reykjavíkurflug-
völl fyrir Isavia. Annars vegar um
nothæfisstuðul á grundvelli tilmæla
Alþjóðaflugmálastofnunarinnar
(ICAO), sem eru
hugsuð sem við-
mið við valkosta-
greiningu á nýj-
um flugvöllum og
hins vegar um
áhrif flugbrautar
06/24 (norðaust-
ur-suðvestur
brautin) á not-
hæfistíma þar
sem metnar eru
aðstæður til lend-
inga sem henta þörfum áætlunar- og
sjúkraflugs, samkvæmt því sem
kemur fram í frétt frá Isavia.
„Skýrslurnar eru unnar í kjölfar at-
hugasemda Samgöngustofa við drög
að áhættumati Isavia sem unnið var í
kjölfar óska innanríkisráðherra um
að Isavia hæfi undirbúning að lokun
flugbrautarinnar. Isavia brást við
ósk Samgöngustofu um frekari gögn
og leitaði til verkfræðistofunnar
EFLU sem óháðs aðila,“ segir í til-
kynningunni.
EFLA kemst að þeirri niðurstöðu
að án 06/24 brautarinnar sé nothæf-
isstuðull Reykjavíkurflugvallar 97%,
en með 06/24 brautinni sé stuðullinn
99,4%. ICAO ráðleggur að nothæf-
isstuðull flugvalla sé ekki undir 95%.
Greiningar sem EFLA byggir
skýrslur sínar á sýna hærri gildi en
fyrri skýrslur um sama efni. Meg-
inástæða þessa er að skýrslur
EFLU byggjast á nákvæmari gögn-
um og mælingum, samkvæmt því
sem fram kemur í tilkynningu
Isavia. Skoðaðar voru allar lending-
ar Fokker 50 og Beechcraft King Air
200 á Reykjavíkurflugvelli á tveggja
og hálfs árs tímabili. Lendingar Fok-
ker 50 voru samtals 11.538 en af
þeim voru 70 á flugbraut 06/24 eða
0,61%. Lendingar Beechcraft King
Air 200 voru samtals 1.659 en af
þeim voru 23 á braut 06/24 eða
1,39%.
Suðvesturhornið myndi lokast
Þorkell Ásgeir Jóhannsson, yfir-
flugstjóri hjá Mýflugi, sem annast
sjúkraflug að stórum hluta með
Beechcraft King Air 200 segir að í
sínum augum skipti það engu máli
þótt greiningar EFLU sýni hærra
gildi en fyrri skýrslur. „Það má lesa
það út úr þessum prósentutölum þar
sem fram kemur að á tveimur og
hálfu ári lenti vélin okkar í 23 skipti
eða 1,39% tilvika á norðaustur-suð-
vestur brautinni, að það hefði ekki
mikil áhrif þótt flugbrautinni yrði
lokað. En raunveruleikinn er samt
sem áður sá að þegar við hjá Mýflugi
erum að koma suður í sjúkraflugi,
jafnvel í veðrum, þegar innanlands-
flug að öðru leyti liggur niðri, þá hef-
ur það gerst að við höfum orðið að
nota þessa flugbraut. Ef hún hefði
ekki verið til staðar hefðum við ein-
faldlega ekki komist suður. Þá væri
suðvesturhornið bara í lás fyrir okk-
ur en meðferðin sem sjúklingurinn
þarf að fá er þarna við Hringbraut-
ina. Þetta hefur gerst og mun alltaf
gerast endrum og sinnum. Mikil-
vægið felst því ekki í tíðni flugferð-
anna, heldur í hverju einstöku tilviki,
þar sem á þetta reynir,“ sagði Þor-
kell í samtali við Morgunblaðið.
Segir hvert einstakt
tilvik mikilvægt
 Verkfræðistofan EFLA segir nothæfisstuðul Reykjavíkur-
flugvallar án NA-SV brautar 97% en 99,4% með henni
Morgunblaðið/RAX
Reykjavíkurflugvöllur Norðaustur-suðvestur brautin er fyrir miðri mynd.
1. mars 2012 til 1. september 2014
Fjöldi lendinga alls
Lendingar á braut 06/24
Hlutfall lendinga á braut 06/24
Flugbraut
11.538
70
0,61%
Fokker 50
1.659
23
1,39%
Beechcraft
Þorkell Ásgeir
Jóhannesson
„Við vonumst til að einhver starf-
semi hefjist aftur og húsið muni
nýtast samfélaginu. Það er dapur-
legt að horfa á það grotna niður,“
segir Rósa Guðbjartsdóttir, formað-
ur bæjarráðs Hafnarfjarðar, um
auglýsingu um sölu fasteigna St.
Jósefsspítala og læknastofanna.
St. Jósefsspítali er mikið og fal-
legt hús á góðum stað í Hafnarfirði.
Þar var rekinn spítali í áratugi en
húsið hefur staðið ónotað frá árinu
2011. Mikill áhugi hefur verið á því í
Hafnarfirði að fá heilbrigðisþjón-
ustu í húsið á ný. Í auglýsingu um
sölu hússins er tekið fram að við
mat á tilboðum verði horft til hag-
stæðasta tilboðs og fleiri þátta.
Jafnframt er óskað eftir að tilboðs-
gjafar taki fram hvaða starfsemi
fyrirhugað er að hefja í fasteigninni.
Ekki eru skilyrði um að þar verði
veitt heilbrigðisþjónusta en tekið
fram að við mat á tilboðum sé heim-
ilt að horfa til þess hvort starfsemi í
húsinu til framtíðar tengist heil-
brigðisþjónustu.
Bæjarbúar áhugasamir
Rósa segir að vegna sögu hússins
sé mikill áhugi á því í samfélaginu
að heilbrigðistengd starfsemi komi í
húsið. Nefnir hún að stofnuð hafi
verið hollvinasamtök spítalans. „Það
væri ánægjulegt ef einhverjir aðilar
kæmu með slíka starfsemi en aðal-
atriðið er að aftur færist líf í þetta
hús,“ segir Rósa.
St. Jósefsspítali stendur á eignar-
lóð og eins læknastofurnar sem
standa í húsinu á móti, við Suður-
götu 44. Húsin eru auglýst til sölu
sitt í hvoru lagi en seljendur áskilja
sér rétt til að meta saman hag-
kvæmni tilboða í bæði húsin.
Ekki er annað vitað en að St. Jós-
efsspítali sé í þokkalegu ásigkomu-
lagi, að utan jafnt sem innan.
Læknastofurnar eru hins vegar
verr farnar og þarf að leggja í
kostnað við að endurbæta þær.
Heimilt er að rífa húsið á bak við
læknastofurnar og þar eru vissir
uppbyggingarmöguleikar, sam-
kvæmt upplýsingum Ríkiskaupa.
Tilboðsfrestur til 27. janúar
Ríkissjóður á 85% eignanna og
Hafnarfjarðarbær 15%. Að auki á
ríkissjóður byggingarlóðina Suður-
götu 43 sem er við spítalalóðina.
Gefinn er frestur til að gera tilboð
til 27. janúar næstkomandi.
Ekki er gefið upp verðmat við
söluna en bent á fasteigna- og
brunabótamat eignanna. Fasteigna-
mat beggja fasteignanna er um 470
milljónir og brunabótamat samtals
rúmar 560 milljónir kr.
helgi@mbl.is
Morgunblaðið/Árni Sæberg
St. Jósefsspítali Húsið var upphaflega byggt 1926 en byggt var við það
1973 og 2006. Það er á góðum útsýnisstað í hjarta Hafnarfjarðar.
Vonast eftir að líf
færist í húsið á ný
 St. Jósefsspítali auglýstur til sölu
Kringlan 4-12 | s. 577-7040 • loccitane.com
Jólatilboð: 6.350 kr.
Andvirði: 7.520 kr.
Handkrem 30 ml - 1.250 kr. | Fótakrem 30 ml - 1.250 kr.
Sturtukrem 75 ml - 990 kr. | Húðmjólk 75 ml - 1.390 kr.
Handsápa 500 ml - 2.640 kr.
SHEA BUTTER GJAFAKASSI
SVÍFÐU INN Í
JÓLAHÁTÍÐINA