Morgunblaðið - 03.12.2014, Blaðsíða 30
30 MENNING
MORGUNBLAÐIÐ MIÐVIKUDAGUR 3. DESEMBER 2014
Kvennakórarnir Vox feminae og
Cantabile ásamt elstu stúlkum
Stúlknakórs Reykjavíkur halda
sameiginlega aðventutónleika í
Hallgrímskirkju í kvöld kl. 20.30
undir stjórn Margrétar Pálma-
dóttur.
Yfirskrift tónleikanna er Líður
að helgum tíðum og eru þeir helg-
aðir trúarlegri tónlist frá ýmsum
tímum tileinkaðri aðventu og jól-
um. „Kórfélagar eru alls um 120
talsins og flytja öll verkin acapella
eða án undirleiks, í minni hópum
eða allar saman. Efnisskrá tón-
leikanna ber merki liðinna alda í
Mið-Evrópu þar sem samhljómur
raddanna naut sín til fulls í endur-
ómi hljómmikilla kirkna,“ segir í
tilkynningu.
Margrét Pálmadóttir er stofn-
andi og stjórnandi kóranna þriggja
og hafa þeir allir ferðast með henni
bæði innan lands og utan.
Samhljómur Alls syngja 120 kórfélagar á tónleikunum í kvöld.
Líður að helgum tíðum
í Hallgrímskirkju
Út er komin
bókin Grafn-
ingur og
Grímsnes –
Byggðasaga,
vegleg bók í
ritstjórn Sig-
urðar Kristins
Hermund-
arsonar, um
Grafning, sögu og mannlíf, á ár-
unum 1890-2012 og Grímsnes að
hluta til.
Í kafla með ýmsum sögnum af
svæðinu urðu þau mistök, sem
beðið hefur verið um leiðréttingu
á, að þátturinn „Jóra í Jórukleif
og Fjalla-Margrét“ er sagður úr
Þjóðsögum Jóns Árnasonar. Hið
rétta er að hann er eftir Þorstein
frá Hamri og birtist í bókinni
Ætternisstapi og átján vermenn.
Sagnir um Grafning
Andvari, rit Hins íslenska þjóðvina-
félags, er komið út. Þetta er 139. ár-
gangur. Aðalgrein ritsins að þessu
sinni er æviágrip
Lúðvíks Jóseps-
sonar, alþingis-
manns og ráð-
herra, eftir
Svavar Gestsson.
Meðal annars
efnis í Andvara
má nefna að
Hjalti Hugason
skrifar um nýút-
komna ævisögu
Jóns Sveinssonar,
Nonna, eftir Gunnar F. Guðmunds-
son; Sveinn Einarsson fjallar um
leikskáldið Stephan G. Stephansson
og birtir áður óþekktan ljóðaleik eft-
ir hann sem fjallar um „sálina hans
Jóns míns“; Ástráður Eysteinsson
skrifar um skáldið Edgar Allan Poe
og íslenskar þýðingar á verkum
hans; og Heimir Pálsson birtir grein-
ina „Að læra til skálds – tilraun um
nám“, en þar er fjallað um Eddu
Snorra Sturlusonar sem kennslubók
handa ungum skáldefnum.
Ritstjóri Andvara er Gunnar Stef-
ánsson.
Fjallað um
Lúðvík í
Andvara
Lúðvík
Jósepsson
Helgi Snær Sigurðsson
helgisnaer@mbl.is
Crossroads, fimmta breiðskífa tón-
listarmannsins og hjartaskurð-
læknisins Helga Júlíusar Óskars-
sonar, kom út á haustmánuðum.
Plötur Helga hafa verið ólíkar
hvað varðar tónlistarstíl. Sú fyrsta,
Sun For A Lifetime (2010), var til
að mynda í þjóð-
laga- og kántr-
ístíl sem og sú
næsta, Haustlauf
(2011). Kominn
heim (2012) var í
reggístíl og í
fyrra sendi
Helgi frá sér blúsplötu, Í blús.
En hvaða stíl má finna á Cross-
roads? „Við göntuðumst með það,
þegar við vorum að byrja, að þetta
væri svona James Taylor-músík,“
svarar Helgi, segir stemninguna
ljúfa á plötunni og að hún hafi að
geyma safn rólegra laga.
Crossroads var tekin upp í Stud-
io Róm, Hljóðrita, Snjóhúsinu og
Bústaðakirkju í fyrra og á þessu
ári og um framleiðslu, upptökur og
hljóðblöndun sá Kristinn Snær
Agnarsson. Meðal hljóðfæraleikara
á plötunni eru Davíð Sigurgeirs-
son, Kristinn Snær, Þorleifur
Gaukur Davíðsson, Ingi Björn
Ingason, Guðmundur Pétursson,
Karl Olgeirsson og Valdimar Ol-
geirsson.
Á efni til í fönk-, reggí-
og blúsplötu
„Ég bara veit það ekki, það hef-
ur bara komið svona út,“ svarar
Helgi þegar hann er spurður að
því hvers vegna hann hafi farið
þessa leið, að láta ákveðna tegund
eða stefnu tónlistar ríkja á hverri
plötu. „Ég hef nú oft velt því fyrir
mér hvort það sé rangt, hvort ég
ætti að blanda öllu saman,“ segir
hann kíminn. Kannski geri hann
það á næstu plötu. „Ég er með
efni í bæði fönkplötu og meira
reggí og blús. Ég þarf kannski að
íhuga það að blanda þessu saman,“
Platan heitir sama nafni og eitt
laganna á henni og spurður út í
valið á titlinum segist Helgi vera á
krossgötum á sínum ferli. Hann sé
með Parkinsonssjúkdóminn og hafi
þurft að láta af störfum sem lækn-
ir. Hann hafi snúið sér að áhuga-
máli sínu og ástríðu, tónlistinni.
„Það koma allir að krossgötum í
sínu lífi á einhverjum tíma. Þær
eru misafdrifaríkar en ég held að
við þekkjum það öll að við þurfum
að taka ákvörðun um hvort við för-
um til hægri eða vinstri á mörgum
stöðum í lífinu.“
Tengdasonur og frændi hans
Helgi er höfundur allra laga á
plötunni og um helmings textanna.
„Ég er alveg hættur að syngja
sjálfur, ég söng á fyrstu plötunum
svolítið sjálfur og svo söng ég á
reggíplötunni,“ segir hann. Að
þessu sinni hafi hann látið aðra og
afar færa söngvara sjá um flutn-
inginn en þeir eru Haukur Heiðar
Hauksson, Jakob Mechler, Ragn-
heiður Gröndal, Amit Paul, Árný
Árnadóttir og Eva Björk Eyþórs-
dóttir. Amit Paul og Jakob Mech-
ler eru Svíar og Amit er auk þess
tengdasonur Helga. „Hann er fyrr-
verandi poppstjarna í Svíþjóð. Á
táningsaldri var hann í hljómsveit
sem var kölluð A-Teens og söng
upphaflega ABBA-lög og eigið efni
seinna á ferlinum. Þau voru vel
þekkt á ákveðnum svæðum í heim-
inum, bæði í Asíu og Suður-
Ameríku og eitthvað í Bandaríkj-
unum en tiltölulega lítið á okkar
miðum,“ segir Helgi um Amit.
Hann sé mjög góður söngvari líkt
og frændi hans Mechler.
„Það koma allir að krossgötum
í sínu lífi á einhverjum tíma“
Morgunblaðið/Golli
Krossgötur Helgi Júlíus með gítarinn. Crossroads er fimmta breiðskífa Helga og hefur að geyma safn rólegra laga.
Helgi Júlíus gefur út fimmtu plötuna, Crossroads Stemningin ljúf að hætti
James Taylor Amit Paul, fyrrum poppstjarna í Svíþjóð, meðal söngvara