Morgunblaðið - 03.12.2014, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 3. DESEMBER 2014
Baldur Arnarson
baldura@mbl.is
Frá ársbyrjun 2011 hefur Landsbankinn selt
eignarhluti í fasteignum og félögum, sem féllu
bankanum í skaut eftir efnahagshrunið 2008, fyrir
rúmlega 100 milljarða króna og er bókfært virði
eftirstöðvanna nú um 19,6 milljarðar króna.
Hlutabréfaeign bætist hér við en sala á þessum
eignum styrkir fjárhagsstöðu bankans.
Að sögn Steinþórs Pálssonar, bankastjóra
Landsbankans, er nánast einvörðungu um að
ræða fullnustueignir sem bankinn leysti til sín
með samningum eða uppboðum. „Þetta voru eft-
irmál hrunsins,“ segir Steinþór og setur eignasöl-
una í samhengi.
Skilar bankanum verulegum fjármunum
„Ætlunin var alltaf að losa þessar eignir og þær
hafa skilað okkur verulegum fjármunum. Stefna
bankans hefur verið að selja frá sér eignir sem eru
ekki hluti af kjarnastarfsemi og einnig allar fulln-
ustueignir eins og eðlilegt er. Það er búið að gera
mjög mikið. Fyrir vikið er bankinn kominn í mjög
sterka stöðu með sinn fjárhag. Slíkt er afar mikil-
vægt til að bankinn geti stutt við vöxt hagkerfisins
og greitt hluthöfum arð.
Sú varð ekki raunin þegar litið er nokkur ár aft-
ur í tímann. Það hefur orðið gjörbreyting á efna-
hagsreikningi bankans og hann er orðinn miklu
sterkari og gæði eigna hans betri en áður.“
Hagvöxtur var fyrstu árin eftir hrun minni en
aðilar vinnumarkaðarins vonuðust eftir. Hvernig
hefur eignasalan gengið miðað við áætlanir?
„Sum árin hefur þetta gengið hraðar en áætlað
var en önnur ár hægar. Yfir línuna hefur þetta
gengið mjög vel.“
Dótturfélag bankans, Hömlur, á mikið af lóðum.
Hvernig hefur sala á atvinnuhúsnæði og lóðum
undir slíkt húsnæði gengið að undanförnu?
„Það er mjög góður gangur í þessu. Eftirspurn
nú er góð, bæði eftir atvinnuhúsnæði og öðrum
fasteignum. Við reynum að selja slíkar eignir eins
hratt og við getum.“
Munu alltaf fá inn eignir
Hvenær hefur stjórn bankans væntingar um að
búið verði að hreinsa upp óseldar eignir?
„Ég á ekki von á því að þetta hreinsist upp. Það
koma alltaf eignir inn. Það er eðli viðskipta að
þeim fylgir áhætta. Stundum lendir því miður eitt-
hvað af veðum í höndum bankans sem þarf svo að
vinna úr og koma þeim aftur í hendur þeirra sem
geta nýtt eignirnar en við viljum sérstaklega losa
meira af þessum stóru, þungu eignum, byggingar-
lóðir og þróunareignir.“
Eignasala styrkir Landsbankann
 Bankastjóri Landsbankans segir eignasölu síðustu ár hafa gjörbreytt efnahagsreikningi bankans
 Sum árin hafi salan verið umfram áætlanir  Góður gangur er í sölu á fasteignum í eigu bankans
Eftirsóttir reitir
» Með þróunareignum vísar
Steinþór m.a. til lóða undir
fyrirhugaða Vogabyggð í
Reykjavík í eigu Hamla, dóttur-
félags bankans, en þar eiga að
rísa 1.120 íbúðir.
» Þá eiga Hömlur lóðir í Set-
bergslandi í Garðabæ.
» Einkaaðilar hafa rætt um að
byggja allt að 630 íbúðaein-
ingar í Setbergslandi.
» Miðað við að lóð undir
hverja einingu kosti 5 milljónir
er verðmæti alls byggingar-
landsins 3,15 milljarðar.
„Sterkur fjárhagur
eykur hæfi bankans
til þess að greiða arð
í framtíð.“
Steinþór Pálsson
Guðni Einarsson
gudni@mbl.is
„Lætin voru gjörsamlega yfirgengileg,“ sagði Pétur
Einarsson, lögmaður á Selá við Hauganes í Eyjafirði,
um fárviðrið sem gekk þar yfir aðfaranótt mánudags.
Steinsteypt hlaða og fjárhús á Selá splundruðust og
hurfu að miklu leyti út í buskann. Engin slys urðu á
fólki. „Það var Guðs lán að þetta lenti ekki á íbúðarhús-
inu þar sem við hjónin vorum.“
Húsin sem splundruðust voru byggð 1950. Hlaðan
var um 150 fermetrar og fjárhúsið um hundrað fer-
metrar. Í hlöðunni var sex metra lofthæð. Þar voru
geymd ýmis verðmæti sem nú liggja undir veggjunum.
„Það er eins og hlaðan hafi tekist á loft og stein-
steyptir veggirnir fallið niður. Þakið er hreinlega horf-
ið! Það er smá timburrusl og járnplötur í norðaustur
frá Selá. Það er undarlegt að sjá hvernig húsið hefur
losnað af undirstöðunum, færst til og fallið svo niður.
Þetta eru fleiri, fleiri tonn af steinsteypu.“
En hvernig var að vera inni í bænum í veðrinu?
„Maður var hræddur um það á tímabili að sjálft
íbúðarhúsið gæti fokið,“ sagði Pétur. Íbúðarhúsið er
steinhús og það nötraði í veðurofsanum. Viðbyggt er
gamalt fjós og hlaða. Þessar byggingar sluppu við
skemmdir.
„Það var hérna gamalt reykhús sem stóð ekki
langt frá bænum. Það hvarf veg allrar veraldar. Þetta
var mikið fárviðri,“ sagði Pétur. Mesti hvellurinn stóð
frá miðnætti til klukkan átta á mánudagsmorgun.
„Þetta var skrítið veður. Það var ekki samfelldur vind-
ur heldur rosalegir hvellir og nánast logn á milli. Ég er
að verða sjötugur og hef aldrei upplifað svona veðurfar
á Íslandi áður. Ég hef upplifað fárviðri en ekki svona
veður. Þetta var eins og skothríð. Ákaflega undarlegt
veður.“
Pétur sagði að það hefði verið mikið lán í óláni að
ekkert af fjúkandi brakinu hefði lent á húsum á Hauga-
nesi. Í gær voru björgunarsveitarmenn að taka saman
járnplötur og annað sem hafði fokið. Sumar þakplöt-
urnar höfðu stungist djúpt í jörð og Pétur barði upp
gikkfastan timburbút sem hafði stungist um 40 senti-
metra niður í svörðinn. Hann sagði að túnið væri allt
upptætt eftir drasl sem hefði tekið þar niðri á leið sinni
til sjávar. Heyrúllur voru á túni á næsta bæ. Töluvert
af þeim endaði niðri í fjöru eða úti í sjó.
„Lætin voru gjörsam-
lega yfirgengileg“
 Steinsteypt hlaða og fjárhús á Selá við Hauganes
splundruðust í veðurofsanum aðfaranótt mánudags
Ljósmynd/Pétur Einarsson
Selá við Hauganes Steinsteypt fjárhús og hlaða splundruðust og hrundu í veðurofsanum aðfaranótt mánudags.
Ljósmynd/Ingvi Rafn Ingvason
Bæjarhúsin á Selá Húsin sem splundruðust sjást til
hægri. Þau voru byggð 1950 og létu undan ofsanum.
Baldur Arnarson
baldura@mbl.is
Áætlað er að samanlagt tap Íbúða-
lánasjóðs (ÍLS) á árunum 2009 til
2015 nemi 59,2 milljörðum.
Þetta kemur fram
í nefndaráliti meiri-
hluta fjárlaganefnd-
ar vegna fjárlaga-
frumvarpsins 2015.
Segir þar að
framlög til sjóðsins
hafi numið 53,5
milljörðum frá 2009
og „að öllu óbreyttu
verði framlögin 5,7
milljarðar kr. á
árinu 2015“.
„Að þeim meðtöldum hafa framlög-
in frá árinu 2009 numið svipaðri fjár-
hæð og byggingarkostnaður nýs
Landspítala,“ segir í álitinu.
Eygló Harðardóttir, félags- og hús-
næðismálaráðherra, bendir aðspurð á
að hluti af framlaginu sé vegna
skuldaleiðréttingarinnar.
„Þetta er tvískipt. Annars vegar
fjármagn sem fer í að bæta upp áætl-
aðan tapaðan vaxtamun vegna leið-
réttingarinnar og hins vegar fjár-
magn sem fer í að styrkja eigið fé
sjóðsins. Áður var búið að áætla að
leggja þyrfti sjóðnum til 1,3 milljarða
vegna tapaðs vaxtamunar. Það þurfti
að hækka það til að mæta flýtingunni
og er nú 2,4 milljörðum króna bætt
við.“
16 milljarðar bættust við
Með flýtingu vísar Eygló til þeirrar
ákvörðunar stjórnvalda að láta niður-
færslu höfuðstóls verðtryggðra
íbúðalána koma til framkvæmda fyrr
og spara þannig ríkinu milljarða í
vaxtakostnað hjá fjármálastofnunum.
Bættust við 16 milljarðar í fjárauka-
lögum vegna þessa. Samanlagt fær
sjóðurinn 3,7 milljarða til að mæta
töpuðum vaxtamun.
„Við erum að vinna að breytingum
á sjóðnum og teljum mjög mikilvægt
að það verði farið í þær breytingar á
húsnæðiskerfinu sem nauðsynlegar
eru, þar á meðal til þess að mæta
vanda Íbúðalánasjóðs. Hluti af því
ferli er að selja þær eignir sem sjóð-
urinn á og fá sem mest fyrir þær.“
Eygló vísar m.a. til þeirrar ákvörð-
unar stjórnar sjóðsins fyrr á þessu ári
að setja 400 íbúðir í sölu. Yfir 30 tilboð
bárust og er nú verið að meta þau.
Stór hluti íbúðanna er úti á landi.
Samkvæmt heimildum Morgun-
blaðsins er fasteignamat þessara
eigna um 6,5 milljarðar.
Tapið áætlað 5,7
milljarðar 2015
Eygló
Harðardóttir
 59 milljarða tap ÍLS árin 2009-2015
Stórhöfða 17 | Sími 577 5555 | veggsport.is
Ketilbjöllur
þriðjud. og fimmtu
d. kl 12:00
Cross train Extre
me XTX
Mánud. þriðjud. o
g fimmtud. kl. 17.
15
Laugardagar kl.10
.00
Spinning
mánudaga, miðvik
udaga og
föstudaga kl. 12:0
0 og 17:15
Opnir
tímar:
Frír prufutími
Persónulegt þjónusta og
vinalegt umhverfi