Morgunblaðið - 03.12.2014, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 3. DESEMBER 2014
Eftirlitsnefnd Félags fasteignasala
hefur svipt fimm fasteignasala lög-
gildingu, tímabundið í 12 vikur.
Þetta kemur fram í Lögbirtinga-
blaðinu.
Sviptingin er byggð á 2. mgr. 21.
gr. laga nr. 99/2004 en þar segir að
hafi fasteignasali ekki skilað yfirlýs-
ingu löggilts endurskoðanda um
fjárvörslu viðskiptamanna sinna
undangengið reikningsár sé heimilt
að svipta fasteignasalann löggild-
ingu. Þurfa fasteignasalar að skila
þessu ár hvert fyrir 1. september.
Hafi það ekki gerst þá, fá þeir
tveggja vikna frest hjá eftirlits-
nefndinni. Hafi engin yfirlýsing bor-
ist 1. október er gripið til sviptingar.
Þórður Bogason hrl. er formaður
eftirlitsnefndarinnar. Hann segir að
því miður sé um árvissan viðburð að
ræða. Fasteignasölum eigi að vera
vel kunnugt um frestinn til að skila
inn yfirlýsingu um fjárvörslu. Þórð-
ur segir mismunandi ástæður liggja
að baki seinaganginum, í einhverjum
tilvikum séu fasteignasalar hættir.
Um leið og yfirlýsingin skilar sér í
hús til eftirlitsnefndar er sviptingin
felld úr gildi. bjb@mbl.is
Fast-
eignasal-
ar sviptir
 Missa leyfið tíma-
bundið í 12 vikur
Stefán Konráðs-
son, fram-
kvæmdastjóri Ís-
lenskrar getspár,
er nýr formaður
íþróttanefndar
ríkisins, en skip-
unartími síðustu
nefndar rann út
30. september
síðastliðinn.
Illugi Gunnars-
son, mennta- og menningarmála-
ráðherra, hefur skipað í nefndina til
næstu fjögurra ára og er Stefán
skipaður formaður án tilnefningar.
Aðrir í stjórn eru Sigríður Jóns-
dóttir, tilnefnd af stjórn Íþrótta- og
Ólympíusambands Íslands, Björg
Jakobsdóttir, tilnefnd af stjórn Ung-
mennafélags Íslands, Ingvar S.
Jónsson, tilnefndur af stjórn Sam-
bands íslenskra sveitarfélaga og
Hafþór B. Guðmundsson, tilnefndur
af Menntavísindasviði Háskóla Ís-
lands.
Ráðgefandi nefnd
Greint er frá þessu á vef ráðu-
neytisins. Þar kemur jafnframt fram
að hlutverk íþróttanefndar er að
veita ráðuneytinu ráðgjöf í íþrótta-
málum, gera tillögur um fjárframlög
til íþróttamála í fjárlögum og um út-
hlutun fjár úr Íþróttasjóði.
Stefán nýr
formaður
íþróttanefndar
Stefán
Konráðsson
Baldur Arnarson
baldura@mbl.is
„Ég spurði Rögnu hvort það væri að líða yfir
hana. „Ég held það bara, svei mér þá!“ sagði
hún. Henni varð svo mikið um þetta símtal,“
segir kona um áttrætt í Reykjavík sem óskar
nafnleyndar um samtal sitt við Rögnu Er-
lendsdóttur um hádegisbilið í gær.
Rann til rifja hin þrönga staða
Konan, sem býr nú á elliheimili, las viðtal við
Rögnu, einstæða tveggja barna móður sem er
komin á götuna, í Morgun-
blaðinu í gær.
Fram kom í viðtalinu við
Rögnu að tveir ókunnugir
einstaklingar hefðu haft
samband við hana og boðið
henni og tveimur dætrum
hennar að dvelja í íbúðum í
þeirra eigu án endurgjalds.
Buðu þeir henni íbúðirnar
eftir að hafa lesið viðtal við
Rögnu í Morgunblaðinu í fyrradag.
Ragna kom sér fyrir í annarri íbúðinni sem
er í Vesturbænum í gær. Hún hafði þá dvalið á
gistiheimili yfir eina nótt eftir að hafa misst
húsnæði sem hún hafði til bráðabirgða. Konan
fann til með Rögnu, fékk símanúmerið hjá
Morgunblaðinu og setti svo sig í samband við
hana og bauð hálfa milljón króna í styrk.
Geymir hlutina ekki til morguns
„Ég er búin að leggja inn hjá henni. Ég er
ekki að geyma það til morguns sem er hægt að
gera í dag,“ segir konan sem vill ekki koma
fram undir nafni. Hún vann nýverið tugi millj-
óna í lottóinu.
Það leynir sér ekki þegar rætt er við konuna
að lífið brosir við henni. Hún hlær og gerir að
gamni sínu meðan á samtalinu stendur. Henni
þykir miður að ekki sé hægt að gera meira fyr-
ir fólk í sömu stöðu og Ragna.
„Ég er eiginlega að þakka fyrir að ég hef
aldrei þurft að standa í þessum sporum. Ég
var svo ánægð þegar ég var búin að fara í
bankann að millifæra þetta. Það var eitt af því
dásamlegasta sem ég hef gert um dagana. Það
er sælt að þiggja en líka sælt að gefa,“ segir
konan sem var að strauja gardínur þegar
blaðamaður sló á þráðinn.
Gaf Rögnu hluta af lottóvinningnum
 Eldri borgari fann til með einstæðri móður í vanda  Lagði hálfa milljón inn á reikning konunnar
Ragna
Erlendsdóttir