Morgunblaðið - 03.12.2014, Blaðsíða 10
10 DAGLEGT LÍF
MORGUNBLAÐIÐ MIÐVIKUDAGUR 3. DESEMBER 2014
Sigurður Bogi Sævarsson
sbs@mbl.is
Þó að finna megi lækninguvið ebólunni og komast aðrótum vandans er skaðinnmikill,“ segir Hlín Bald-
vinsdóttir. „Faraldurinn kom fyrst
upp í Gíneu í mars á þessu ári og
náði fljótlega til Síerra Leóne og
Líberíu. Þar og víðar hefur orðið
mikið bakslag í samfélaginu; fjöldi
barna er munaðarlaus, starfsemi
skóla og fleiri stofnana hefur lagst af
og úti í sveitunum kemst fólk ekki á
akrana svo uppskeran bregst. Ég
óttast að margt í þessum Afríku-
löndum færist svo sem tíu ár aftur í
tímann, því langan tíma tekur að
vinna upp það sem glatast hefur. “
Á dögunum kom Hlín Baldvins-
dóttir, einn reyndasti sendifulltrúi
Rauða kross Íslands úr sínu síðasta
úthaldi á vegum samtakanna. Lætur
hún nú af störfum, sjötug að aldri.
Síðustu mánuði hefur hún staðið
vaktina í Vestur-Afríku, en álfan öll
hefur verið starfsvettvangur hennar
mörg undanfarin ár. Lokasprettur-
inn var verkefni í Gíneu og nærliggj-
andi löndum, sem nefnd eru hér að
framan. Þar hafa á síðustu misserum
þúsundir látist af völdum hinnar
skæðu ebólu.
Viðskiptabannið beit í Írak
Eftir að hafa starfað sem hótel-
stjóri um árabil, fyrst hér heima og
síðar í um 20 ár í Kaupmannahöfn
kaus Hlín Baldvinsdóttir að róa á ný
mið. Hefur frá 1999 staðið vaktina í
ýmsum löndum þar sem Alþjóða
Rauði krossinn hefur komið að mál-
um. Fyrsta árið var Hlín í Írak, en
þá var staðan þar orðin bág því lang-
varandi viðskiptabann vestrænna
þjóða á Íraka var farið mjög að bíta.
Hlín kom á svæðið sem almennur
sendifulltrúi, en svo atvikaðist að
hún tók mjög fljótlega við yfirstjórn
skrifstofu sendinefndar Alþjóða
Rauða krossins í landinu.
„Þarna voru í gangi þrjú verk-
efni; dreifing lyfja á 21 sjúkrahús,
sendingar matvæla til ungbarna og
viðgerð á 20 heilsugæslustöðum.
Með þessu náðist heilmikill árangur,
þó að hann hafi ef til vill ekki vegið
mjög þungt í hinu stóra samhengi,“
segir Hlín.
Samhjálpin í
Afríkulöndum er sterk
Í framhaldi af verunni í Írak var
Hlín sendifulltrúi í mörgum fleiri
löndum. Frá 2005 til 2009 var hún á
vegum kanadíska Rauða krossins í
Síerra Leóne, Malí, Madagaskar og
Tógó. Þar var áherslan á aðgerðir
gegn malaríu, sem kemur til af biti
moskítóflugunnar. Í öðrum löndum
voru aðgerðir vegna kóleru viðfangs-
efni hennar.
Síðasta langa úthald Hlínar í
hjálparstarfi hófst árið 2014. Kom þá
til að Rauði kross Íslands hafði
skuldbundið sig til þess að senda
fulltrúa til Síerra Leóne, Níger og
Gíneu – til að fylgja eftir kóleruverk-
efni þar í löndum sem þá þegar hafði
verið ýtt úr vör. Kólera er mjög
skæð í fjölda Afríkulanda og á oft
upptök sín í bakteríum í óhreinu
vatni. Niðurgangur og uppköst eru
helstu birtingarmyndir sjúkdómsins
sem er þó auðlæknanlegur fái sjúkir
salt og sykurupplausn að drekka.
„Verkefni sendifulltrúa Rauða
krossins er fyrst og fremst að horfa
á stóru myndina, og fylgja eftir þeim
áherslum sem hafa verið mótaðar.
Landsfélögin í Afríku eru yfirleitt
Telja ebóluna vera
sótt hvíta mannsins
Hlín Baldvinsdóttir, sendifulltrúi Rauða kross Íslands, er komin í heimahöfn eftir
15 ár í alþjóðlegu hjálparstarfi. Hlín hefur starfað um alla Afríku en síðustu
mánuðina var hún í Vestur-Afríku þar sem ebólufaraldur hefur geisað. Hún segir
þennan faraldur hafa valdið miklu bakslagi í samfélaginu á svæðinu.
Morgunblaðið/Sigurður Bogi
Sendifulltrúi Hlín Baldvinsdóttir hefur starfað sem sendifulltrúi Rauða
krossins undanfarin 15 ár en er nú komin í friðarhöfn heima á Íslandi.
Sem fyrr stendur listamannsrekna
sýningarrýmið Kunstschlager fyrir
listamanni vikunnar en að þessu sinni
er það Selma Hreggviðsdóttir. Selma
er búsett í Glasgow þar sem hún lauk
nýverið MFA-námi í Glasgow School of
Art. Þar áður lauk hún gráðu við
Listaháskóla Íslands og vinnur hún
með ýmisleg form, þar á meðal mynd-
bandsverk og innsetningar. Selma hef-
ur sýnt verk sín um allan heim og má
þar nefna Svíþjóð, Bretland, Þýska-
land, Hong Kong og Noreg. Verk
Selmu munu standa til 5. desember en
þeir sem komast ómögulega á Rauð-
arárstíg 1, þar sem Kunstschlager er
til húsa, geta gluggað í verk Selmu á
vefsíðunni selmahregg.is og fundið
þar hugarfró.
Vefsíðan www.selmahregg.is
Ljósmynd/Kunstschlager
Myndlist Selma Hreggviðsdóttir er listamaður vikunnar í Kunstschlager.
Listamaður vikunnar sýnir verk
Hönnunarmiðstöð Íslands stendur
fyrir aðventufögnuði í húsnæði
sínu í Vonarstræti 4b á morgun og
býður gesti og gangandi velkomna.
Á viðburðinum, sem stendur á milli
kl. 17 og 19, kennir ýmissa grasa
og verður sería meðal annars
straumlögð, ljúfir tónar óma auk
þess sem veigar munu væta kverk-
ar. Samkvæmt tilkynningu er einn-
ig von á stórum nöfnum innan
hönnunar- og arkitektúrsamfélags
Íslands. Það eru Hönnunarmiðstöð
Íslands, Hönnunarsjóður Auroru,
Arkitektafélag Íslands, Kraumur
tónlistarsjóður og Velgerðarsjóður
Auroru sem standa fyrir viðburð-
inum.
Endilega …
… kíkið í
Vonarstrætið
Morgunblaðið/Kristinn
Aðventufögnuður Seríur verða
tendraðar í Vonarstrætinu á morgun.
Jólatónlistarhátíð Hallgrímskirkju
heldur áfram í dag með hádegistón-
leikum Schola cantorum. Viðburður-
inn, sem ber yfirskriftina Kom þú,
kom vor Immanúel, er sá fyrri af
tvennum aðventutónleikum Schola
cantorum í desember en kórinn mun
bjóða upp á fagra kórtónlist tengda
aðventu og jólum.
Kennir ýmissa grasa á efnisskránni
og má þar nefna verk á borð við Slá
þú hjartans hörpustrengi eftir J.S.
Bach, aðventusálma og jólasálma
eftir Hafliða Hallgrímsson og Ave
Maríu eftir Sigvalda Kaldalóns. Hörð-
ur Áskelsson er stjórnandi tónleik-
anna auk þess að sjá um orgelleik og
einsöngvari verður Hildigunnur Ein-
arsdóttir. Þetta er tíunda skiptið sem
Listvinafélagið stendur fyrir Jóla-
tónlistarhátíð. Sem áður verður boð-
ið upp á fjölbreytta dagskrá viðburða
og stendur hátíðin til 31. desember.
Viðburðurinn stendur á milli klukkan
12 og 12.30 en nánar má lesa um
hann á vefsíðunni listvinafelag.is.
Jólatónlistarhátíð Hallgrímskirkju í algleymingi
J.S. Bach og Hafliða Hallgríms-
syni gert hátt undir höfði
Morgunblaðið/Golli
Hátíð Hörður Áskelsson er stjórnandi og orgelleikari hádegistónleika Schola
cantorum í Hallgrímskirkju í dag. Fluttir verða tónar tengdir aðventu og jólum.
Skannaðu kóðann
til að fara inn á
vefsíðuna.
• Konica Minolta fjölnotatækin (MFP)
eru margverðlaunuð fyrir hönnun,
myndgæði, notagildi, umhverfisvernd
og áreiðanleika.
• Bjóðum þjónustusamninga,
rekstrarleigusamninga og alhliða
prentumsjón.
• Viðskiptavinir Kjaran eru lítil og stór
fyrirtæki, stofnanir og prentsmiðjur
sem eiga það sameiginlegt að gera
kröfur um gæði og góða þjónustu.
• Kjaran er viðurkenndur söluaðili á
prentlausnum af Ríkiskaupum.
Síðumúla 12 - 510 5520 - kjaran.is
• BLI A3 MFP Line of the Year 2013
• BLI A3 MFP Line of the Year 2012
• BLI A3 MFP Line of the Year 2011
bizhub margverðlaunuð fjölnotatæki