Ský - 01.10.2006, Qupperneq 6

6 ský
Útgefandi:
Heimur hf.
Ritstjórar og ábyrgðarmenn:
Benedikt Jóhannesson
og Jón G. Hauksson
Útlitshönnun:
Heimur hf.
Ljósmyndir:
Geir Ólafsson, Páll Stefánsson, og fleiri
Blaðamenn/greinarhöfundar:
Erla Gunnarsdóttir
Fríða Björnsdóttir
Geir A. Guðsteinsson
Hilmar Karlsson
Jóhanna Harðardóttir
Lízella
Páll Ásgeir Ásgeirsson
Sigurður Bogi Sævarsson
Sigurður G. Tómasson
Svava Jónsdóttir
Auglýsingastjóri:
Vilhjálmur Kjartansson
Prentun:
Oddi hf.
Heimur hf. – Öll réttindi áskilin
varðandi efni og myndir.
Ritstjórn, auglýsingar og afgreiðsla:
Heimur hf.
Borgartúni 23
105 Reykjavík.
Sími: 512-7575
Listin og snillingarnir
Í þessu tölublaði Skýja er sagt frá Alfreð Flóka. Flóki var einn kunnasti maður
landsins á sjöunda áratugnum. Hann hafði lag á því að ganga fram af lands-
mönnum, bæði í list sinni og líferni. Eins og sjá má í greininni efaðist hann
aldrei sjálfur um snilligáfu sína, en því miður fór það svo að hann náði aldrei að
uppfylla þær væntingar sem til hans voru gerðar. Að lokum var það svo að hann
hafði ekki lengur stjórn á eigin lífi, Bakkus tók völdin. Saga Flóka er fjarri því að
vera einsdæmi, margir listamenn hafa farið svipaða leið. Óregla hefur orðið þeim
sjálfum og list þeirra fjötur um fót. Bóhemlífið sem var svo skemmtilegt og færði
þeim svo margt í upphafi varð á endanum myllusteinn um hálsinn.
Sem betur fer eiga Íslendingar marga snillinga. Eiður Smári Guðjohnsen
leikur nú með sterkustu félagsliðum heims, fyrst Chelsea og svo Barcelona.
Hljómsveitin Jakobínarína var fyrir skömmu íslenskt bílskúrsband en reynir nú
fyrir sér erlendis. Meðlimir hennar eru býsna ungir að árum og þekkja eflaust
lítið til Flóka eða Kjarvals. Listin á sér margs konar uppruna. Jafnvel þorp sem
er ekki stærra en Borgarfjörður eystri státar af mörgum stjörnum. Oft tölum við
um að erfitt sé fyrir Íslendinga að bera sig saman við milljónaþjóðir, en hvað segir
dæmið frá Borgarfirði okkur? Það er geta einstaklinganna sem skiptir máli, ekki
hvort þeir koma úr stærri hóp eða smærri. Það er athyglisvert að í kyrrlátu þorpi
austur á fjörðum skuli svo margir góðir listamenn á ýmsum sviðum eiga rætur.
Ólafur Elíasson myndlistarmaður fékk nýlega verðlaun frá Danaprinsi.
Íslendingar og Danir geta eflaust rifist um Ólaf endalaust, en einfaldast er að gera
til hans sameiginlegt tilkall. Þegar upp er staðið skiptir ekki öllu máli hvaðan
listamaðurinn kemur heldur hvað hann getur. Þess vegna var Flóki kannski
snillingur en hann náði aldrei að þroska snilligáfu sína til fulls. Hann festist
í farinu, bæði í listinni og lífinu. Halldór Laxness sagði að líf rithöfundarins
væri ekki skemmtilegt. Hann yrði að eyða öllum sínum tíma í skriftir, uppköst,
hreinritun og frágang. Okkur sýnist reyndar flestum að líf hans hafi verið býsna
viðburðaríkt, enda fyllir frásögn af því þúsundir blaðsíðna í nýlegum bókum. En
ummælin sýna að til þess að ná frábærum árangri verða listamenn endalaust að
halda áfram að vinna úr hugmyndum, útfæra þær og fága. Snilligáfa er kannski
meðfædd en það er einstaklinganna að vinna úr henni þannig að verk þeirra
endurspegli snilldina.
sky
,
4. TBL. 2006
Benedikt Jóhannesson
GÓÐUR FUNDUR
www.icehotels.isNordica I Loftlei›ir I Flughótel I Hamar I Flú›ir I Rangá I Klaustur I Héra›
Sími: 444 4000 fundir@icehotels.is
Á Icelandair hótelunum finnur þú frábæra fundaraðstöðu sem hentar fyrir
fundi af öllum stærðum og gerðum. Við bjóðum fyrsta flokks tæknibúnað,
sérþjálfað starfsfólk og umgjörð við hæfi. Verið velkomin!
SK<00DD> 4.tbl 2006.indd 6 28.9.2006 10:53:50