Ský - 01.10.2006, Side 9

ský 9
sky
,
Fólk
Að sögn Ingu Birnu tekur vetraráætlun
Flugfélags Íslands gildi í lok október nk. en
flogið verður til sömu áfangastaða og áður.
Áætlunarflug er frá Reykjavík til Akureyrar,
Egilsstaða og Ísafjarðar. Flogið er til Vopna-
fjarðar, Þórshafnar og Grímseyjar frá Aku-
reyri en þau flug eru styrkt af ríkinu.
Þá er flogið til austurstrandar Grænlands
tvisvar í viku allt árið og er það flug styrkt af
heimastjórn Grænlands. Yfir sumartímann er
flogið tvisvar á dag til Kulusuk á austurströnd
Grænlands og tvisvar í viku til Narsarsuak
á suðurströnd Grænlands. Boðið er upp á
dagsferðir til Kulusuk og eru þær mjög vin-
sælar hjá erlendum ferðamönnum. Flugfé-
lagið selur einnig flug til Færeyja í samstarfi við færeyska flugfélagið
Atlantic Airways.
Starfsmenn Flugfélags Íslands eru í kringum 250 – þeir eru þó
fleiri yfir sumartímann – og þar af eru um 65 flugmenn.
Flugfélagið á sex Fokker 50 flugvélar en þær eru rúmgóðar, hrað-
fleygar og sérstaklega hljóðlátar. Flugvélarnar taka 50 farþega hver.
Þá á flugfélagið tvær Twin Otter flugvélar. Þær hafa oft sannað gildi
sitt við erfið skilyrði en hægt er að búa vélarnar skíðum til lendingar
á snjó og jöklum. Þær flugvélar fljúga eingöngu frá Akureyri á fyrr-
nefnda staði auk þess sem þær eru mikið notaðar í flugi á Grænlandi
við erfið skilyrði. Vélarnar taka 19 farþega hvor. Í sumar voru svo fest
kaup á tveimur flugvélum af gerðinni DASH 8 sem taka 37 farþega í
sæti. Þessar vélar munu leysa af Metró flugvélar flugfélagsins. Félagið
var með þrjár 19 sæta Metró vélar í rekstri en síðasta vélin var seld í
septemberbyrjun.
Hugarfarsbreyting
Flogið er til færri staða en áður og segir Inga Birna Ragnarsdóttir,
sölu- og markaðsstjóri, að tekin hafi verið ákvörðun um að fljúga
eingöngu til þeirra staða sem gætu staðið undir sér. ,,Áfangastöðum
hefur sífellt verið að fækka hjá Flugfélagi Íslands en taprekstur var
á flugi til Vestmannaeyja og Hornafjarðar. Það var einnig flogið til
Húsavíkur en því hefur einnig verið hætt. Hins vegar hefur verið
mikil aukning í fluginu undanfarin fimm til sex ár og hefur veltan
tvöfaldast frá árinu 1999. Þá var veltan um tveir milljarðar en hún
stefnir á að verða um fjórir milljarðar í lok ársins.“
Skýringuna á þessu má meðal annars rekja til virkjanafram-
kvæmda á Austurlandi. Árið 2000 flugu um 67.000 farþegar með
Flugfélagi Íslands til Egilsstaða. Í fyrra voru farþegar um 120.000.
Farþegafjöldi til Akureyrar hefur líka aukist og er um að ræða 7%
aukningu á milli ára. Fjöldi farþega til Ísafjarðar hefur verið svipaður
undanfarin ár eða í kringum 45.000 farþegar á ári.
Inga Birna telur að hugarfarsbreyting hafi orðið hjá Íslendingum
og að þeir séu farnir að ferðast meira innanlands en áður – og að
sífellt fleiri nýti þann kost að geta flogið á áfangastað. ,,Við höfum
aldrei séð eins mikið af íslenskum ferðamönnum og í sumar. Það
fóru til dæmis margir austur í góða veðrið. Fólk fer jafnvel yfir helgi
til Egilsstaða og Akureyrar og leigir þá gjarnan bíl. Þetta er að aukast
enda er mikið að gerast á þessum stöðum.“
,,Nýttu tímann vel“
Miklar breytingar voru gerðar á rekstri Flug-
félags Íslands árið 2001. Nýtt bókunarkerfi
var tekið í notkun auk þess sem bókunarvél
var opnuð á vefsíðunni flugfelag.is
,,Við vorum með bókunarkerfi sem var
mjög dýrt og gerði reksturinn erfiðan. Far-
gjaldastrúktúr fyrirtækisins var einnig breytt
í kjölfarið. Við vorum með þessi týpísku far-
gjöld þar sem ekki var kleift að kaupa fargjald
aðra leiðina, ásamt mörgum öðrum reglum
sem gerði farþeganum erfitt fyrir. Við fórum
út í það að einfalda öll fargjöld hjá okkur;
vera með einnar leiðar fargjöld ásamt því að
bjóða alltaf upp á nettilboð.
Þessar breytingar voru mjög jákvæðar fyrir reksturinn og gerði
fleirum kleift að nýta sér flugið með því að kaupa ódýrari fargjöld á
netinu. Viðbrögðin urðu strax mjög jákvæð og hafa farið stigvaxandi.
Nú er svo komið að á milli 50 og 60% bókana fara í gegnum netið.
Það gerir okkur kleift að vera með færra starfsfólk þannig að þessu
fylgir mikil hagræðing í rekstri.“
Inga Birna nefnir viðskiptaferðir þegar hún er spurð hver mark-
aðssóknin sé. ,,Við erum með mjög góð kjör fyrir fólk í viðskipta-
erindum. Við bjóðum upp á flugkort en viðkomandi kaupir þá öll
sín fargjöld í gegnum það og hann fær afslátt og önnur fríðindi.“
Farið verður í nýja auglýsingaherferð á næstunni og verður gengið
mikið út frá því hvað tíminn er dýrmætur. Kjörorðið er: „Nýttu
tímann vel.“ ,,Markaðssókn okkar talar til fólks sem hefur lítinn
tíma. Við ætlum að leggja áherslu á áfangastaði okkar og auglýsa þá;
eitthvað sem við höfum ekki gert áður.“
Inga Birna nefnir flugstöðvarmálin. ,,Við erum í lítilli flugstöð í
Reykjavík sem við eigum og rekum sjálf. Samgöngumiðstöð er búin
að vera mikið í umræðunni undanfarið og það yrði mjög jákvætt
fyrir Flugfélag Íslands ef af byggingu hennar yrði þar sem flugstöðin
í Reykjavík er orðin of lítil fyrir okkar rekstur.“
Að flugfélagið vaxi
Inga Birna hóf störf hjá Flugleiðum í Keflavík árið 1994 og vann
í farþegaafgreiðslunni í fjögur sumur með námi sínu við Háskóla
Íslands. Hún lauk prófi í viðskiptafræði frá Háskólanum árið 1999
og hóf þá störf sem deildarstjóri tekjustýringar og áætlunardeildar
hjá Flugfélagi Íslands. ,,Ég sá um alla tekjustýringu, fargjöld og flug-
áætlunina. Það var mjög krefjandi og spennandi verkefni. Svo var
ég líka í innleiðingu á nýja bókunarkerfinu okkar ásamt því að setja
bókunarvélina á netið.“
Inga Birna hóf síðan störf sem sölu- og markaðsstjóri í fyrra.
Þess má geta að hún útskrifaðist með MBA-próf frá Háskólanum í
Reykjavík í sumar.
,,Draumur minn er að Flugfélag Íslands vaxi bæði innanlands og
í Grænlandi. Draumur minn er líka að flugfélagið vaxi í leiguflugi
en það hefur aukist mikið undanfarin ár að íslensk fyrirtæki þurfi
leiguvélar til útlanda sem og innanlands. Ég held að innanlands-
flugið sé komið til að vera – ef flugvöllurinn fær að vera áfram í
Reykjavík.“
„Farið verður í nýja
auglýsingaherferð á
næstunni og verður
gengið mikið út frá
því hvað tíminn er
dýrmætur. Kjörorðið
er: „Nýttu tímann vel.“
,,Markaðssókn okkar
er að tala til fólks sem
hefur lítinn tíma.“
SK<00DD> 4.tbl 2006.indd 9 28.9.2006 10:54:06