Ský - 01.10.2006, Síða 10

10 ský
Tónleikar
Texti: Erla Gunnarsdóttir Myndir: Árni Torfason
Tónleikarnir voru þeir fjórðu sem Cave hefur haldið hérlendis og af álaginu að dæma, sem
varð þegar sala á tónleikana hófst, á hann marga dygga aðdáendur hérlendis. Það seldist upp á
aðeins örfáum mínútum og á tímabili hrundi meira að segja miðasölukerfið vegna atgangs.
Kátt í Höllinni
Það er ekki nema rúmt ár síðan Cave kom hingað til lands en þá var hann viðstaddur frum-
sýningu á uppfærslu leikhópsins Vesturports á Woyzeck en Cave samdi tónlist fyrir verkið.
Ef marka má ummæli hans á tónleikunum nú í Laugardalshöll er hann enn einn af þeim
frægu úti í heimi sem heillast hefur af landi og þjóð og hyggst koma hingað fljótlega aftur
með fjölskyldu sína.
Að þessu sinni var boðið upp á sitjandi tónleika í troðfullri Laugardalshöllinni og athygli
vakti að engin upphitunarhljómsveit hóf kvöldskemmtunina. Eftir örlitla bið brutust út
mikil fagnaðarlæti þegar meistarinn steig á sviðið, að vanda svartklæddur í hvítri skyrtu og
hneigði sig ákaft til áheyrenda. Það var ekki að sökum að spyrja; þegar Cave settist við pían-
óið og kveikti sér í sígarettu hóf hljómsveitin kröftugan flutning sinn á nýlegu lagi, Abattoir
Blues, og í framhaldinu kom Red Right Hand þar sem allt ætlaði um koll að keyra og hinn
stórbrotni fiðluleikari Warren Ellis sendi hvorki meira né minna en einn hljóðnema tromm-
uleikarans í flugferð um sviðið. Þegar kom að laginu Babe You Turn Me On tileinkaði Cave
það konu sinni sem átti afmæli þennan dag en eftir flutning á næsta lagi, Weeping Song,
stóðu áhorfendur upp af hrifningu og klöppuðu honum og hljómsveitinni lof í lófa. Cave
og félagar fóru vítt og breitt í flutningi sínum og tóku jafnt nýlegar ballöður sem eldri.
Ódauðleg lög eins og Henry Lee, Mercy Seat, God Is In The House og Stagger Lee vöktu
mikla hrifningu áhorfenda sem kunnu vel að meta lagavalið. Reyndar hvatti Cave, í upphafi
KOSTULEGUR
Þann 16. september síðastliðinn steig Nick Cave á
stokk á sviði Laugardalshallar ásamt hljómsveit sinni
The Bad Seeds. Aðdáendur hans urðu ekki fyrir von-
brigðum frekar en fyrri daginn, enda spilaði meistarinn
marga af sínum bestu slögurum þar sem hljóðfærin
voru oft á tíðum þanin til hins ýtrasta.
CAVE
• Nicholas Edward Cave
fæddist 22. september
árið 1957.
• Hann ólst upp í Viktoríu-
fylki í Ástralíu.
• Stuttu eftir 21 árs afmæli
Nicks lést faðir hans
í bílslysi sem hafði mikil
áhrif á hann.
• Árið 1989 kom út fyrsta
skáldsaga Caves,
And the Ass Saw the Angel.
• Eitt af lögum Caves, Red
Right Hand, hefur
verið notað í nokkrum
sjónvarpsþáttum og
kvikmyndum eins og The
X-Files, Dumb & Dumber,
Scream og Hellboy.
• Cave hefur staðfest að ör
sem hann er með á vinstri
kinninni sé eftir hnífsslags-
mál við fyrrum kærustu
hans, Anitu Lane.
• Það lag sem einkennir Cave
einna helst er The Mercy
Seat en hann hefur spilað
það á nánast öllum tón-
leikum sínum frá árinu 1988
og gerði það einnig nú í
Laugardalshöllinni.
SK<00DD> 4.tbl 2006.indd 10 28.9.2006 10:54:09