Ský - 01.10.2006, Síða 52

Fólk
52 ský
Náttúrufegurðin laðar að
Það er samdóma álit þeirra sem komið hafa og dvalið á Borgarfirði
eystri að þar sé náttúrufegurðin engu lík og að friðurinn og kyrrðin
sem þar ríkir laði fólk að aftur og aftur. Þar eru staðir og djásn sem
menn taka svo sannarlega ástfóstri við.
Sérstæður fjallahringur umlykur Borgarfjörð sem oft er kallaður
útvörður Austfjarða í norðri því fjöllin gnæfa yfir umhverfið og láta
engan ósnortinn. Einna þekktust eru Dyrfjöll en Staðarfjall setur
einnig sterkan svip á umhverfið þar sem ljóst líparít gefur því fal-
legan blæ. Talið er að Dyrfjöllin hafi myndast í miklu sprengigosi
þar sem gaus í vatni og hafa þau tekið á sig sérstakt form í gegnum
aldirnar. Form sem hefur meðal annars getið af sér sterka trú um
álfa og huldufólk. Talið er að í hrauninu þar í kring sé mikil álfa- og
huldufólksbyggð og að klettadrangar Tindfjalla séu í raun tröll sem
urðu að steinum þegar sólin kom upp í austri.
Dyrfjöllin og Kjarval
Segja má að einn ástsælasti listmálari Íslands fyrr og síðar, Jóhannes
Sveinsson Kjarval, hafi átt veg og vanda af því að fjallahringurinn
sem umlykur Borgarfjörðinn, og þá sérstaklega Dyrfjöllin, séu svo
þekkt sem raun ber vitni. Hann var á fimmta ári þegar hann fluttist
að Geitavík og átti hann sínar æskustöðvar á Borgarfirði. Umhverfið
hafði mikil áhrif á meistarann og sem fullorðinn maður dvaldi hann
löngum eystra á sumrin og málaði Dyrfjöllin og hið tilkomumikla
og fallega landslag Borgarfjarðar. Fræg er altaristaflan í Bakkagerðis-
kirkju sem Kjarval málaði árið 1914 sem sýnir Jesús standa á bjargi
með Dyrfjöllin í baksýn og marga „hausa“ í kring sem taldir eru
tákna sveitunga hans.
Borgfirskt landslag kemur víða fyrir í ódauðlegum verkum
Kjarvals og ljóst er að dvöl hans fyrir austan hefur markað spor í
listsköpun hans. Eitt aðdráttaraflið fyrir ferðamenn á Borgarfirði er
Kjarvalsstofa sem lýsir ævi og starfi málarans í máli og myndum og
einnig minnisvarði um meistarann sem reistur var þegar 100 ár voru
liðin frá fæðingu hans, árið 1985.
Tónleikaröð Emilíönu Torrini
Söngkonan Emilíana Torrini ber sterkar taugar til staðarins en sem
barn var hún oft í sveit hjá ömmu sinni og afa, Emilíu Lorange og
Emilíana Torrini hélt í sumar tónleika á Borgarfirði eystra.
SK<00DD> 4.tbl 2006.indd 52 28.9.2006 10:58:17