Ský - 01.10.2006, Side 61

ský 61
Kvikmyndir
Þegar ljóst var að Pierce Brosnan fengi ekki að leika Bond í fimmta sinn í Casino Royale spruttu strax upp miklar vanga-veltur hver yrði arftakinn og nokkur nöfn voru ofarlega í
umræðunni. Var því meira að segja haldið fram um tíma að Clive
Owen væri búinn að fá tilboð um að leika James Bond um leið og
fleiri stórir og stæðilegir leikarar voru nefndir. Einn sem sjaldan var
nefndur er Daniel Craig. Hann var þó sá leikari sem stóð uppi sem
sigurvegari og leikur 007 í Casino Royale og hefur þegar verið ráð-
inn til að leika í næstu Bondmynd, sem eins og er hefur vinnuheitið
Bond 22 og er hún að einhverju leyti framhald af Casino Royale.
Óhætt er að segja að mörgum hafi komið á óvart þegar Daniel
Craig var valinn til að leika James Bond. Þótti mörgum sem hann
væri ekki rétta manngerðin í hlutverkið og þar fram eftir götunum.
Það sem fór samt mest í taugarnar á hörðustu Bondaðdáendum var
að Craig er ljóshærður og er þessi ágæti leikari sjálfsagt búinn að fá
meiri óhróður um sig í fjölmiðlum undanfarna mánuði en á öllum
leikferlinum. Ekki eru samt allir á móti honum og ef honum tekst vel
upp verða Bondaðdáendur fljótir að taka hann í sátt.
Sjálfur segir hann að það hafi verið erfið ákvörðun að taka að sér
hlutverkið: „Bond er ein stærsta persóna kvikmyndasögunnar og til-
boð eins og þetta kemur aðeins einu sinni á ævinni. Það varð því ofan
á að sleppa ekki tækifærinu. Síðan er mitt að eiga við persónuna. Um
leið og ég feta í fótspor ágætra leikara sem hafa leikið Bond vonast ég
til að geta komið með eitthvað frá sjálfum mér í hlutverkið.“
Texti: Hilmar Karlsson
DANIEL CRAIG ER NÝR
JAMES BOND
SK<00DD> 4.tbl 2006.indd 61 28.9.2006 10:59:26