Fréttatíminn - 26.06.2015, Síða 2

Píratar með nær
þriðjungsfylgi
Píratar mælast með mest fylgi allra stjórn-
málaflokka í nýrri könnun MMR, 32,4%,
borið saman við 34,5% fylgi í síðustu
könnun. Sjálfstæðisflokkurinn mælist
með 23,3% en fylgi flokksins var 21,1% í
síðustu könnun. Fylgi Samfylkingarinnar
mældist nú 11,6% borið saman við 11,8%
í síðustu könnun. Fylgi Vinstri-grænna
mældist nú 10,5%, borið saman við 11,1%
í síðustu könnun. Fylgi Framsóknarflok-
ksins mældist nú 10%, borið saman við
11,3% í síðustu könnun og fylgi Bjartrar
framtíðar mældist nú 6,8%, borið saman
við 6,7% í síðustu könnun. Fylgi annarra
flokka mældist undir 2%. Könnunin var
framkvæmd dagana 16. til 24. júní og var
heildarfjöldi svarenda 931 einstaklingur, 18
ára og eldri. Hreyfing á fylgi flokkanna er
innan vikmarka milli kannana. Stuðningur
við ríkisstjórnina mældist nú 31,9% en var
29,4% í síðustu mælingu. -jh
Iðnaðarmenn sömdu
Fulltrúar iðnaðarmannafélaga undirrituðu
kjarasamning við Samtök atvinnulífsins á
mánudagsköld. Þar með var komið í veg
fyrir víðtækt verkfall iðnaðarmanna. Þau
félög sem sömdu voru Félag hársnyrti-
sveina, Grafía/FBM, Matvís, Rafiðnaðar-
samband Íslands, Samiðn og Félag
vélstjóra og málmtæknimanna.
Samþykkt á almenna
markaðnum
Yfirgnæfandi meirihluti félagsmanna
VR, LÍV, Starfsgreinasambandsins og
Flóabandalagsins samþykktu kjarasam-
ning félaganna við Samtök atvinnulífsins
og Félag atvinnurekenda sem skrifað var
undir í maílok. Úrslit í atkvæðagreiðslum
félagsmanna lágu fyrir fyrr í vikunni.
Samningarnir gilda til loka árs 2018 og ná
til tæplega 70 þúsund m anns á vinnumar-
kaði.
Enn kröftugur vöxtur í komu erlendra ferðamanna
Alls komu 217 þúsund erlendir ferða-
menn til landsins í gegnum Leifsstöð á
fyrsta ársfjórðungi og voru þeir 31,4%
fleiri en á sama fjórðungi í fyrra. Árið
fer því kröftuglega af stað rétt eins
og það hefur gert á síðustu árum, að
því er fram kemur í Hagsjá Landsban-
kans.
„Sé litið til þróunarinnar á fyrsta
ársfjórðungi tvö ár aftur í tímann var
vöxturinn 39% árið 2013 og 35% í fyrra
og 31% nú. Það gæti bent til þess að
farið sé að hægja á vextinum í komum
ferðamanna hingað til lands en vöxtu-
rinn á síðustu árum hefur verið langt
umfram sögulegan meðalvöxt, 8%“
Suður England og Wales 10.-16.ágúst
Sjö daga ferð um Suður England og Wales
Ein af vinsælustu ferðunum okkar
Ekið um borgir og þorp í hjarta Englands og komið víða við.
Skemmtileg og fræðandi ferð. Skoðunarferðir alla daga og hálft fæði
innifalið. Flogið með Icelandair. Fararstjóri er Emil Örn Kristjánsson.
Verð frá 198.500,- kr
Ferðaskrifstofa Guðmundar Jónssonar
Borgartún 34, 105 Reykjavík, S: 511-1515, outgoing@gjtravel.is , www.ferdir.is
 Umhverfismál Borgin mUn Bjóða Upp á plastendUrvinnslUtUnnUr
Erfitt fyrir borgina að banna plastpoka
„Fólk er greinilega mjög áhuga-
samt um endurvinnslu og með-
höndlun á úrgangi,“ segir Eygerður
Margrétardóttir, deildarstjóri um-
hverfis- og úrgangsstjórnunar hjá
Reykjavíkurborg, en hún sat kynn-
ingarfund um framtíð borgarinnar
í úrgangsmálum á Kjarvalsstöðum
í vikunni.
Kannanir sýna að borgarbúar er
duglegir að flokka til endurvinnslu
og vilja flokka enn meira og því
hefur borgin ákveðið að bjóða upp
á plastendurvinnslutunnu við hvert
heimili siðar á árinu. Tunnan verður
græn á litinn og verður losuð á 28
daga fresti.
Að draga úr myndun úrgangs
er kjarninn í nýrri aðgerðaáætlun
Reykjavíkurborgar um framtíð úr-
gangsmála og nokkrar tillögur borg-
arinnar voru kynntar á fundinum.
Aðspurð um stefnu borgarinnar þeg-
ar kemur að notkun einnota plast-
poka og hvort Reykjavík hefði í huga
að taka sér aðrar stórborgir til fyr-
irmyndar og banna notkun þeirra,
sagði Eygerður það vera vandasamt
verk að ráðast í.
„Ein af okkar hugmyndum þegar
kemur að úrgangsforvörnum er átak
gegn plastpokanotkun. En við viljum
ekki ráðast í það verkefni að banna
plastpoka nema það sé raunverulega
hægt. Ég veit ekki hvort borgin hef-
ur bolmagn til að standa fyrir slíku
banni ein og sér því bann við plast-
pokanotkun þarf auðvitað að vera í
samstarfi við svo marga aðila.“
Eins og er býður Gámaþjónustan
upp á alhliða endurvinnslutunnu til
heimila á höfuðborgarsvæðinu og
eru um 3000 heimili sem nýta sér
þá þjónustu í dag. Í þá tunnu má
setja plast, pappír, rafhlöður, málma
og fernur og kostar sú þjónusta 816
krónur á mánuði sé tunnan tæmd á
átta vikna fresti en 1.255 krónur sé
hún tæmd á fjögurra vikna fresti. Ey-
gerður telur að græna tunna borgar-
innar muni kosta borgarbúa svipaða
upphæð á ári og bláa pappírstunnan,
eða 558 krónur á mánuði. -hh
Reykjavíkurborg mun bjóða upp á
plastendurvinnslutunnu við hvert hús
síðar á árinu. Of flókið er að banna
plastpoka eins og gert hefur verið í
borgum víða um heim.
MYND AF RÖGNU
Ragna Árnadóttir kynnti niðurstöður stýrihópsins í gær, fimmtudag: „Reykjavíkurflugvöllur
hefur lengi verið bitbein og deilumál og er það mikilvægt að okkar mati að gögnin sem við leggjum
fram verði rædd og skoðuð. Við leggjum áherslu á að óvissan er versta niðurstaðan.“ Mynd/Hari
 rögnUnefnd hvassahraUn talinn fýsilegasti kostUrinn
Flugvöllur í Vatnsmýri
kostar meira en nýr
Fýsilegasta staðsetningin fyrir nýjan innanlandsflugvöll á höfuðborgarsvæðinu er í Hvassahrauni,
á mörkum sveitarfélaganna Hafnarfjarðar og Voga, samkvæmt niðurstöðum Rögnunefndarinnar
svokölluðu. Uppbygging flugvallar í Vatnsmýri væri kostnaðarsamari en að byggja nýjan flugvöll í
Hvassahrauni.
k ostnaður við framtíðarupp-byggingu innanlandsflug-vallar í Vatnsmýrinni er meiri
en við uppbyggingu nýs flugvallar í
Hvassahrauni sem stýrihópur um
framtíð Reykjavíkurflugvallar telur
fýsilegastan þeirra kosta sem skoð-
aðir voru. Hvassahraun er þó einna
fjærst frá byggðarmiðju og því ber að
skoða að viðbragðstími vegna sjúkra-
flugs lengist um 8,5-12 mínútur verði
flugvöllurinn þar. Hvassahraun, sem
er á mörkum sveitarfélaganna Hafn-
arfjarðar og Voga, kemur best út af
þeim fimm flugvallarkostum sem
stýrihópurinn skoðaði. Niðurstöður
hópsins voru kynntar á blaðamanna-
fundi í gær, fimmtudag. Á honum
áréttaði Ragna Árnadóttir, formaður
stýrihópsins, að verkefni hópsins hafi
verið að skoða flugvallarkosti á höf-
uðborgarsvæðinu og því hefði Kefla-
víkurflugvöllur ekki verið tekinn til
skoðunar.
„Allir f lugvallarkostirnir fimm
höfðu sína kosti og galla. Við horfð-
um til framtíðar hvað varðar þróun
innanlandsflugs, skoðuðum upp-
byggingarmöguleika og farþegasp-
ár,“ sagði Ragna. „Við viljum jafn-
framt árétta að ákveðin tímamót eru
í flugsamgöngum því mikil fjölgun
er fyrirséð á millilandafarþegum á
næstu áratum og áratugum samfara
frekari þörf á uppbyggingu af þeim
sökum,“ sagði hún og benti á að spár
ISAVIA bentu til að millilandafarþeg-
ar árið 2040 verði 12-14 milljónir á ári
og spár um innanlandsflugsfarþega
bentu til þess að farþegar um Reykja-
víkurflugvöll yrðu hálf milljón um
svipað leyti. Þeir eru rúmlega 300
þúsund nú.
„Samkvæmt okkar gögnum kemur
Hólmsheiði lakar út en aðrir kostir.
Hólmsheiði og Hvassahraun eru
lengst frá búsetumiðju og huga þarf
sérstaklega að umhverfisþáttum
á Bessastaðanesi, í Vatnsmýri og
Lönguskerjum sem jafnframt er dýr-
asti kosturinn,“ segir Ragna.
„Kostnaður við breyttar útfærslur
á Vatnsmýrinni og uppbyggingarþörf
til framtíðar jafngildir því að byggja
nýjan flugvöll auk þess sem þar ber
að gæta að umhverfisþáttum,“ bendir
hún jafnframt á.
„Reykjavíkurflugvöllur hefur lengi
verið bitbein og deilumál og er það
mikilvægt að okkar mati að gögnin
sem við leggjum fram verði rædd
og skoðuð. Við leggjum áherslu á að
óvissan er versta niðurstaðan.“
Hún sagði nefndina leggja til
tvennt: Að aðilar komi sér saman um
að fullkanna flugvallarkosti í Hvassa-
hrauni. Samhliða því verði rekstrar-
grundvöllur Reykjavíkurflugvallar
í Vatnsmýri tryggður þar til annað
verði ákveðið. Ennfremur þurfi að
eyða óvissu varðandi æfingaflug.
Sigríður Dögg Auðunsdóttir
sigridur@frettatiminn.is
Bessastaðanes
Flugbrautir: 2
Þróunarmöguleikar:
Takmarkaðir
Nothæfisstuðull: Ekki
hægt að reikna
Skilyrði til nákvæmn-
isaðflugs: Góð
Veðurmælingar:
Liggja ekki fyrir
Flugkvikureikning-
ar*: Sambærileg við
Vatnsmýri
Umhverfisáhrif:
Talsverð
Stofnkostnaður**: 24
milljarðar
Sveitarfélag:
Garðabær
Hólmsheiði
Flugbrautir: 3
Þróunarmöguleikar:
Góðir
Mesti nothæfisstuð-
ull: 98,8%
Skilyrði til nákvæmn-
isaðflugs:
Veðurmælingar:
Lægri meðalhiti og
meiri frosttíðni, meiri
vindur.
Flugkvikureikning-
ar*: Meiri ókyrrð en á
öðrum svæðum
Umhverfisáhrif:
Vatnsvernd og
vatnafar
Stofnkostnaður**: 25
milljarðar króna
Sveitarfélag: Reykja-
vík og Mosfellsbær
Hvassahraun
Flugbrautir: 3
Þróunarmöguleikar:
Bestir af öllum kostum
Nothæfisstuðull:
99,6%
Skilyrði til nákvæmn-
isaðflugs: Góð
Veðurmælingar:
Fremur milt veðurfar
Flugkvikureikn-
ingar*: Ókyrrð ekki
vandamál
Umhverfisáhrif: Eld-
hraun myndi raskast
en önnur áhrif lítil
Stofnkostnaður**: 22
milljarðar
Sveitarfélag: Hafnar-
fjörður og Vogar
Löngusker
Flugbrautir: 3
Þróunarmöguleikar:
Takmarkast vegna
dýrra landfyllinga
Nothæfisstuðull: Ekki
hægt að reikna
Skilyrði til nákvæmn-
isaðflugs:
Veðurmælingar:
Liggja ekki fyrir
Flugkvikureikning-
ar*: Ókyrrð svipuð og
Vatnsmýri
Umhverfisáhrif: Áhrif
á fuglalíf
Stofnkostnaður**: 37
milljarðar króna
Sveitarfélag: Flug-
völlurinn yrði að
miklu leyti staðsettur
utan lögsögumarka
sveitarfélaga en þar
sem hann gengur næst
landi færi hann inn á
lögsögu Seltjarnar-
ness, Reykjavíkur og
Garðabæjar.
Vatnsmýri í
breyttri mynd
Flugbrautir: 3
Þróunarmöguleikar:
Nothæfisstuðull:
99,7%
Skilyrði til nákvæmn-
isaðflugs:
Veðurmælingar:
Flugkvikureikn-
ingar*:
Umhverfisáhrif:
Stofnkostnaður**:
19-32 milljarðar
Sveitarfélag:
Reykjavík
*Ókyrrð í lofti **Áætlaður stofnkostnaður flugvallar og bygginga sem tækju við allri starfsemi Reykjavíkurflugvallar.
flUgvallastaðir
2 fréttir Helgin 26.-28. júní 2015