Fréttatíminn - 26.06.2015, Blaðsíða 38

38 heilsutíminn Helgin 26.-28. júní 2015
Mangóþeytingur
M angó er ættað frá Ind-landi eða Malasíu og hefur verið ræktað þar í
árþúsundir. Mangó er ríkt af C-vít-
amíni sem er þýðingarmikið fyrir
ónæmiskerfi líkamans og verndar
hann gegn ýmsum veirum og bakt-
eríum. Mangó er tilvalið í alls kon-
ar þeytinga og það er einstaklega
gott að blanda saman mangó og goji
berjum, en talið er að goji ber gefi
mikla orku og dragi úr þreytuein-
kennum. Hér má finna uppskrift að
einum dásamlega mjúkum og mein-
hollum þeytingi:
Uppskrift:
Handfylli af mangó, frosnu
eða fersku
1 dl kókos eða mangó
jógúrt (einnig hægt að nota
kókosvatn ef þú vilt forðast
mjólkurvörur)
Hálfur banani
2 dl goji safi
1 msk goji ber
1 msk kókosflögur (má sleppa)
Engifer eftir smekk
Aðferð:
Allt sett saman í blandara
eða hrært saman með töfra-
sprota.
Þverfaglegt teymi
hjólaði hringinn
WOW Cyclothon hófst síðastliðinn þriðjudag og hafa yfir 1000 hjólreiðamenn nú lokið við að hjóla
hringinn í kringum Ísland með boðsveitarformi. Sjö einstaklingar stefndu á að hjóla hringinn einir
síns liðs og tókst fimm að ljúka keppni. Fréttatíminn fylgdist með einu 10 manna liði allan hringinn.
L iðið nefnist Landspítala-teymið og er skipað starfs-mönnum frá einum stærsta
og fjölmennasta vinnustað landsins.
Hjólreiðamennirnir eru á aldrinum
19-55 ára og koma frá hinum ýmsu
starfsstöðum og starfsstéttum spít-
alans, allt frá garðsláttumanni til
hjartaskurðlæknis. Ásdís Guðjóns-
dóttir sjúkraþjálfari starfar við end-
urhæfingu aldraðra á Landakots-
spítala og fékk þá hugmynd þegar
hún fylgdist með keppninni í fyrra
að gaman væri að mynda lið með
fjölbreyttum hópi starfsfólks spítal-
ans. Í fyrra var hjólað til styrktar
tækjakaupum fyrir bæklunarskurð-
deild Landspítalans og í ár er hjólað
til styrktar uppbyggingar batamið-
stöðvar á geðsviði Landspítalans á
Kleppi. „Mér fannst því viðeigandi
að setja saman lið sem tengdist spít-
alanum, enda nóg af hjólreiðafólki
sem starfar þar,“ segir Ásdís.
Vaktavinnan kom í veg fyrir
sameiginlegar æfingar
„Ég fór af stað og náði í lykilmann-
eskjur sem þekkja vel til og svo fjölg-
aði bara stanslaust í hópnum. Hópur-
inn er fjölbreyttur sem gerir það þó
að verkum að það hefur kannski ekki
gengið alveg nógu vel að æfa öll sam-
an. Vaktavinnan spilar þar inn í, auk
þess sem einn meðlimur starfar er-
lendis,“ segir Ásdís. Hver liðsmaður
hefur sína sérþekkingu, sumir hafa
reynslu af björgunarsveitastörfum,
aðrir hafa keppt í hjólreiðum, einn
meðlimur hefur keppt í þríþraut og
sjálf undirbjó Ásdís sig með því að
bregða sér á æfingar með slökkvi-
liðsmönnum. „Við eigum það að
minnsta kosti sameiginlegt að hafa
brennandi áhuga á hjólreiðum og
nú er stefnan tekin á að virkja áhug-
ann í þágu góðs málefnis og hjóla til
styrktar batamiðstöðvar Landspítal-
ans,“ segir Ásdís. Þegar blaðamaður
hafði samband rétt áður en lagt var í
hann var hópurinn nýbúinn að upp-
götva að einungis fjórir meðlimir
teymisins væru með tilskilin leyfi til
að aka bílunum tveimur sem fylgja
liðinu. „Það kom í ljós að það mega
ekki allir keyra svona stóran bíl,“
segir Ásdís og hlær. Það mun hins
vegar ekki koma að sök. „Við erum
með verkfræðing á okkar snærum
sem sér um alla skipulagninu og
leiðarlýsingu.“
Verður gott að komast í sturtu
Blaðamaður heyrði aftur í Ásdísi
þegar stutt var eftir og teymið farið
að nálgast Hvolsvöll. „Þetta er búið
að ganga alveg rosalega vel, við
erum búin að fá frábært veður og
landið hefur skartað sínu fegursta.“
Aðspurð um hvað hafi komið mest
á óvart segir Ásdís að keppnin hafi
gengið mun hraðar fyrir sig en þau
bjuggust við. „Við áætluðum að
ljúka keppni um kvöldmat á fimmtu-
dag en við verðum líklega komin í
mark upp úr hádegi.“ Ásdís segir
að gleðin sé allsráðandi í hópnum
þrátt fyrir svefnleysi. „Við höfum
tekið mjög stutta dúra svo sumir
eru orðnir svolítið „tense“ en glaðir
samt sem áður. Mesta tilhlökkun-
arefnið eftir að keppni lýkur er þó
óneitanlega að komast í sturtu.“
Áheitasöfnunin hefur gengið vel
og enn er hægt að leggja málefn-
inu lið. „Við erum í kringum tíunda
sætið núna og við hvetjum fólk til að
styðja okkur og verkefnið áfram,“
segir Ásdís. Hægt verður að heita á
liðin í einhvern tíma eftir að keppni
lýkur. Heita má á Landspítalateym-
ið, sem og önnur lið, á heimasíðu
keppninnar: www.wowcyclothon.is
Erla María Markúsdóttir
erlamaria@frettatiminn.is
Landspítalateymið við Landspítalann í Fossvogi, áður en haldið var af stað hringinn í kringum landið, alls 1358 kílómetra. Liðið
er skipað læknum, sjúkraþjálfara, rafeindavirkja, verkefnastjóra, garðyrkjumanni, hjúkrunarfræðingi og ljósmóður, svo um er
að ræða þverfaglegt teymi. Mynd/Hari.
Rauðrófusafi sem
eykur orku og úthald
á náttúrulegan hátt!
Beet-it fæst í helstu matvöruverslunum og heilsubúðum
Göngugreining
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Vandamál sem göngugreining Flexor getur
hjálpað til við að leysa eru til dæmis:
• þreytuverkir og pirringur í fótum
• verkir í hnjám
• sársauki eða eymsli í hælum
(hælspori, „plantar fasciitis“ o.fl.)
• beinhimnubólga
• óþægindi eða verkir í baki
og/eða mjöðmum
• verkir í tábergi og/eða iljum
• hásinavandamál
• óþægindi í ökklum
• þreytu- og álagsverkir
hjá börnum og unglingum
Njótum sólarinnar
áhyggjulaus með Piz Buin.
PIZ BUIN Allergy
n Ertu með viðkvæma húð eða
ert viðkvæm/ur fyrir sól –
engar áhyggjur með PIZ BUIN
n Góð vörn fyrir fólk með ljósa
húð sem viðkvæm er fyrir sól.
n Styrkir náttúrulega vörn húðar.
n Veitir vörn fyrir ofnæmisvið-
brögðum.
n Ofnæmisprófaðar.