Fréttatíminn - 02.10.2015, Blaðsíða 34
Miðað við það
sem ég hef
séð til hennar
þá myndi ég
sennilega ekki
greina hana
með einhverfu,
en ég myndi
kannast við
mörg einkenni
fólks á ein-
hverfurófi hjá
henni.
S
aga Norén er mætt til leiks á
ný í þriðju þáttaröð sænsk/
danska framhaldsþáttarins
Brúin. Þessi nýstárlega
aðalpersóna í sakamálaþætti
hefur á undraverðan hátt smogið inn í
hjörtu áhorfenda víða um lönd og þótt
hún sé auðvitað í aðalatriðum gjörsam-
lega óþolandi elskum við hana öll og
stöndum með henni í gegnum þykkt og
þunnt – jafnvel það að kæra besta vin
sinn fyrir morð – og fáar, ef nokkrar,
persónur sjónvarpsþátta hafa fengið um
sig annan eins aragrúa af umfjöllunum
í fjölmiðlum. Það hafa meira að segja
verið kallaðir til hátt settir sérfræðingar
í einhverfu til að greina hana.
Einhvers staðar í ferlinu ákváðu
áhorfendur að frumkvæði fjölmiðla að
það sem gerði Sögu eins sérstaka og
raun ber vitni væri að hún væri með As-
berger-heilkenni, en handritshöfundur-
inn Hans Rosenfeldt segir þá greiningu
aldrei hafa komið fram í þáttunum.
Hann bætir því við að hann og meðhöf-
undar hans hafi viljandi sneitt hjá því
að skella á hana greiningu þar sem það
hefði valdið endalausum spekúlasjónum
um hvort manneskja með þá greiningu
myndi hegða sér svona eða hinsegin.
Þessi varnagli handritshöfundanna
hefur þó ekki komið í veg fyrir það að
fjölmiðlar kölluðu til sérfræðinga til að
ræða trúverðugleika persónunnar. Sjálft
BBC leitaði álits Evu Loth, sérfræðings
hjá sálfræðideild King’s College í Lond-
on, og spurði hana hvernig hún myndi
greina Sögu ef hún leitaði til hennar. Að
sérfræðinga hætti kom Dr. Loth sér hjá
því að svara beint, en staðfesti að Saga
hefði mörg einkenni einhverfu og hún
myndi sennilega greina hana nálægt því
rófi.
Hún segir persónuna hafa ýmis ein-
kenni einhverfu, til dæmis eigi hún erf-
itt með að skilja grín og kaldhæðni, og
hún sé líka pínlega hreinskilin án þess
að gera sér grein fyrir hvaða áhrif það
hafi á tilfinningar annarra. Hins vegar
hafi hún ekki ýmis önnur einkenni eins
og til dæmis þörfina fyrir að halda sig
við ákveðna rútínu og bregða ekki út af
henni. „Miðað við það sem ég hef séð
til hennar þá myndi ég sennilega ekki
greina hana með einhverfu, en ég myndi
kannast við mörg einkenni fólks á ein-
hverfurófi hjá henni,“ segir Dr. Loth.
Forsvarskona The National Autistic
Society í Bretlandi, Robyn Steward,
sem sjálf er greind með Asperger-heil-
kenni, segist í sömu grein á vefsíðu
BBC kannast við marga þá erfiðleika
sem Saga lendir í í samskiptum við
aðra, einkum fullkomið hæfileikaleysi
hennar til þess að ljúga. „Fólk með
þetta heilkenni verður að læra að búa
til litlar hvítar lygar,“ segir hún. „Saga
er að reyna að læra það, en hún ekki
sérlega lagin við það.“
Hvað sem nákvæmum greiningum
líður eru þær Loth og Steward sam-
mála um að persóna Sögu sé góð viðbót
við sjónvarpskarakteraflóruna, einkum
sé það jákvætt fyrir konur á einhverf-
urófi að sjá að það er hægt að komast
langt þrátt fyrir slíkar greiningar, því
þótt þeim gangi vel í atvinnulífinu séu
þær oft látnar finna fyrir því að þær séu
öðruvísi og eigi ekki að gera sér of mikl-
ar væntingar. „Skilaboðin sem þær fá frá
samfélaginu geta verið mjög neikvæð
og þær eru oft mjög einmana,“ segir
Steward. „Og Saga er góð fyrirmynd
fyrir konur sem eru öðruvísi en aðrar
og einkum þær sem eru á einhverfuróf-
inu. Þær geta samsamað sig henni og
hennar aðstæðum.“
Friðrika Benónýsdóttir
fridrika@frettatiminn.is
Hvort sem Saga Norén er einhverf eða ekki er hún ein umtalaðasta persóna í sjónvarpsþáttum samtímans.
Er Saga Norén einhverf?
Lögreglukonan Saga Norén í Brúnni hefur fengið þá greiningu fjölmiðla og áhorfenda að hún
sé með Asperger-heilkenni. Handritshöfundur segist þó aldrei hafa skrifað neina greiningu á
einkennum hennar inn í handritið og sérfræðingur í einhverfurófi segist ekki myndu greina hana
með einhverfu.
119.900 kr.Frá:
Ferðatímabil: 6-9. nóvember 2015. Verð á mann miðað
við 2 saman í herbergi. Innifalið er flug, gisting í 3 nætur,
morgunmatur, rútur, íslensk fararstjórn og miði á leikinn.
www.gaman.is gaman@gaman.is Sími 560 2000
FÓTBOLTI ARSENAL – TOTTENHAM
LAUGAVEGI
GLERÁRTORGI
LINDESIGN.IS
Þú gleymir ekki tilfinningunni
12.980
140x200
KRÍUVARP
Verð á mann miðað við 2 saman í tvíbýli.
Ferðatímabil: 12.- 19. janúar 2016. Innifalið er flug með
sköttum, gisting í 7 nætur með morgunverði og 20 kg
taska báðar leiðir.
TENERIFE IBEROSTAR TORVISCAS PLAYA ****
www.gaman.is gaman@gaman.is Sími 560 2000
112.500 kr.Frá:
34 sjónvarp Helgin 2.-4. október 2015