Fréttatíminn - 02.10.2015, Blaðsíða 94

Söngvarinn Friðrik Dór
og hljómsveitin Dikta
munu sameina krafta
sína og halda tónleika á
Húrra, föstudagskvöldið
9. október. Mikil leynd
hvílir yfir því á hvaða
hátt þessir aðilar munu
rugla saman reitum en
heyrst hefur að Dikta
muni leika undir hjá
Friðriki, sem er honum
nýnæmi þar sem hann
hefur hingað til ekki
stuðst við lifandi undir-
leik. Mögulegt er einnig
að Haukur, söngvari
Diktu, taki lagið Hún er
alveg með étta, sem
Friðrik gerði vinsælt á
sínum tíma. Þeir Haukur
og Friðrik eru tengdir
miklum FH böndum því
Haukur er læknir Íslands-
meistaranna og Friðrik er
vallarþulur í Kaplakrika.
Gunnar með Betra bak
Bardagakappinn
Gunnar Nelson
er vinsæll um
allan heim og
notar tíma sinn á
milli bardaga og
æfinga í marga
áhugaverða hluti.
Í vikunni birtust
af honum myndir
þar sem hann
var í tökum á
auglýsingum fyrir verslunina Betra bak.
Gunnar er nýfluttur í nýtt hús og vonandi
hefur hann fengið góð rúm hjá versluninni
í kaupbæti.
Dóri DNA
með
ljóðabók
Í vikunni kom út
fyrsta ljóðabók
grínarans Halldórs
Laxness Hall-
dórssonar,
eða Dóra DNA,
og heitir hún
Hugmyndir: Andvirði
hundrað milljónir. Bókin
er gefin út af Bjarti og má þar finna ljóð
sem höfundur segir uppgjör tilfinninga og
karlmennsku.
Sögustund með Skímó
Hljómsveitin Skítamórall er flestum kunn.
Undanfarið hafa drengirnir brugðið á
það ráð að halda órafmagnaða tónleika
hér og þar um landið og hafa þeir kosið
að kalla slíkar uppákomur, sögustund.
Um helgina verða þeir á heimavellinum,
Selfossi, og halda sögustund í Hvíta húsinu
á laugardagskvöldið klukkan 21. Þeir bæta
svo um betur og halda ball á sama stað á
miðnætti. Sveitin er að leggja lokahönd á
nýtt lag sem kemur út í næstu viku og ber
það nafnið Förum heim.
Þ jálfararnir í Voice munu keppa sín á milli um að fá þá söngvara sem þeir hrífast af í hverjum þætti. Þeir
fengu að velja sér aðstoðarfólk til þess að
þjálfa sína söngvara sem best, og allir að-
stoðarmennirnir eru þekkt nöfn innan tón-
listarbransans og búa að mikilli reynslu.
Unnsteinn Manúel verður með bróður sinn
Loga Pedro sér við hlið. Svala Björgvins
fékk Barða Jóhannsson í sitt lið. Salka Sól
fékk reynsluboltann Selmu Björnsdóttur
og Helgi Björns fékk tónlistarmanninn
Stefán Örn sér til fulltingis, en hann er
þekktastur fyrir störf sín með Jónasi Sig,
Buffi og sem listamaðurinn Íkorni.
Þórhallur Gunnarsson hjá Saga film
segir mikla spennu ríkja fyrir frum-
sýningu fyrsta þáttar. „Þetta er hörkulið
sem þjálfararnir hafa fengið til liðs við
sig,“ segir hann. „Þau setja sinn svip á
þjálfunina og koma með hugmyndir, þróa
söngvarana og vinna með þjálfurunum.
Þjálfararnir völdu sitt aðstoðarfólk með því
tilliti að þeir gætu bætt við einhverju sem
þau sjálf hefðu ekki og þau vinna þetta
náið saman,“ segir Þórhallur.
„Mitt starf felst í því að koma með hug-
myndir í púkkið um lagaval og hvernig er
hægt að ögra keppendunum, svo við náum
því besta fram,“ segir Selma Björnsdóttir
sem verður Sölku Sól innan handar. „Við
verðum á æfingum og segjum okkar skoð-
anir á flutningnum almennt. Við metum
allt eftir hverjum söngvara fyrir sig,“
segir hún. „Það eru margir mjög flottir
söngvarar þarna og þetta verður hörð
barátta. Hingað til höfum við Salka bara
verið frekar sammála enda erum við bara
að leiðbeina þessum söngvurunum, hún
hefur samt alltaf lokavaldið. Enda er þetta
hennar lið. Mér finnst alltaf svo gaman að
vera bak við tjöldin og hvað þá með svona
hæfileikaríku fólki,“ segir Selma Björns-
dóttir.
„Fyrsti þátturinn er í kvöld og það er
brjáluð stemning og mikil eftirvænting,“
segir Þórhallur. „Við erum gríðarlega
ánægð með viðbrögðin sem við höfum
verið að fá á svokölluðum forsýningum.
Það er mikil dramatík og ótrúleg gæði í
þessum söngvurum sem komnir eru inn.
Við leituðum uppi söngvarana. Við aug-
lýstum ekki beint eftir þeim, heldur fund-
um þá sjálf eftir allskonar ábendingum,“
segir hann. „Þannig vitum við að við erum
að fá góða söngvara og fyrir vikið verður
keppnin harðari. Ég er sannfærður um að
í þessum þáttum munu fæðast söngvarar
sem verða mjög áberandi í íslensku tón-
listarlífi næstu árin,“ segir hann. „Þetta er
mikil þjáning fyrir dómarana að keppast
um það að vinna inn sína söngvara. Það er
mikið keppnisskap þeirra á milli og það er
að aukast með hverjum þætti,“ segir hann.
„Þau eru með ólíkar aðferðir og gaman að
sjá hvaða brögðum þau eru að beita. Sumir
koma þessu í fáum orðum á meðan aðrir
lofa öllu fögru og meira að segja dúettum
með sér. Það verður ótrúlega skemmtilegt
að fylgjast með þessu,“ segir Þórhallur
Gunnarsson hjá Saga film.
Hannes Friðbjarnarson
hannes@frettatiminn.is
Friðrik Dór og Dikta í eina sæng
 Bleikur októBer Bleika slaufan komin í sölu
Krabbamein snar þáttur í lífi okkar
Þ essi hugmynd datt bara ofan í koll-inn á mér,“ segir Erling Jóhann-esson, gullsmiður og leikari, sem
hannar Bleiku slaufuna í ár. „Þetta er röð
af fólki sem helst í hendur og styður hvert
annað og mér fannst það svo augljóst og
lýsandi, lítið samfélag sem heldur í hönd-
ina á þér þegar á bjátar.“
Efnt er til samkeppni um hönnun
slaufunnar á hverju ári og bar hugmynd
Erlings sigur úr býtum í ár. Hann segist
þó ekki hafa haldið að þetta væri innan
hans sviðs, en þetta hafi verið skemmti-
leg áskorun. „Útfærsla hugmyndarinnar
snerist um að gera þetta eins einfalt og
mögulegt er og ef þú sérð ekki
hvað þetta á að tákna af hvaða tíma
misstirðu þá í skólanum?“
Þegar Erling er bent á að það sé
á mörkunum að slaufan geti talist
bleik segir hann það merki um
mótþróaþrjóskuröskun sína. „Hún
er eins lítið bleik og ég mögulega
gat komist upp með, en þótt ýmis-
legt sé háð tísku og duttlungum
tímans er Bleika slaufan alltaf
bleik.“
Spurður hvort málefnið standi
honum nærri hjarta segir Erling fyrst að
það sé ekkert nær honum en öðrum en
hugsar sig svo um og leiðréttir
sig. „Þessi sjúkdómur er svo snar
þáttur í lífi okkar allra að um leið
og ég segi þetta man ég eftir að
minnsta kosti fimm manns sem
hafa staðið mér nærri sem hafa
farið úr krabbameini. Ætli það
sé ekki nokkuð svipað og hjá
öðrum? Baráttan gegn krabba-
meini er mál okkar allra.“
Bleika slaufan fór í sölu í
gær, á fyrsta degi Bleiks októ-
bers, og fæst bæði í ódýrri
útgáfu sem næla og sem silfurhálsmen
hjá gullsmiðum. -fb
Erling Jóhannesson hannaði slaufuna í ár eftir sigur í hugmynda-
samkeppni.
Bleika slaufan í ár
sýnir röð fólks sem
helst í hendur og
styður hvert annað.
 sjónvarp the voice hefur göngu sína á skjáeinum í kvöld
Þau eru
með ólíkar
aðferðir og
gaman að
sjá hvaða
brögðum
þau eru að
beita. Sumir
koma þessu í
fáum orðum
á meðan
aðrir lofa
öllu fögru.
Selma Björns og Logi Pedro
á bakvið tjöldin í The Voice
Sjónvarpsþátturinn The Voice hefst í kvöld, föstudagskvöld, á Skjá einum. Gríðarleg spenna er
fyrir frumsýningu þáttarins og segir Þórhallur Gunnarsson sem er yfir framleiðslunni hjá Saga
film að forsýningarnar á fyrsta þættinum hafi gengið hreint út sagt frábærlega. Þjálfarar þátt-
anna hafa allir fengið aðstoðarfólk til þess að þjálfa sína söngvara og eru þar á ferðinni engir
aukvisar. Það er greinilegt að keppnin verður hörð, bæði milli keppanda og þjálfaranna sjálfra.
Þjálfarar keppandanna í The Voice njóta aðstoðar reynslubolta í þjálfun sinni í þáttunum. Selma hlakkar til, og Þórhallur segir
hæfileikana ótrúlega meðal keppanda. Þættirnir hefjast í kvöld á Skjá 1.

Radison Blu Scandinavia eða Comfort Hotel Vesterbro ****
Ferðatímabil: Flestar helgar í nóvember og byrjun desember ‘15.
Innifalið er flug með sköttum og gisting í 2 nætur með
morgunverði og matarveisla á Gröften.

JULEFROKOST KAUPMANNAHÖFN
www.gaman.is gaman@gaman.is Sími 560 2000
69.900 kr.Frá:
94 dægurmál Helgin 2.-4. október 2015