Reykjalundur - 01.06.1947, Side 50

ÓLAFUR B. ÓLÁFSSON:
Bróðurkærleikur
(Tileinkað starfsemi S.Í.B.S. að Reykjalundi.)
ÞÚ AFL, sem hrífur ódauðlega sál
og innst í hjarta kveikir heilagt bál,
þú gefur jarðarbarni guðamál
og gjörir viljann: ósigrandi stál.
ÞÚ AFL, sem framkvæmd óskadrauma knýr
og y£ir þyngstu strauma reisir brýr,
þú finnur ráð, sem böli’ í blessun snýr
og birtu sólar þinnar myrkrið flýr.
ÞÚ AFL, sem hvergi þolir aumt að sjá
og ástúðlega þerrar hrellda brá;
þú líknargeislinn, Guði sendur frá,
ert gjöfin bezta, sem vort mannlíf á.
í lotning dýpst, þér lýtur hjarta manns
þá logheit stígur bæn frá sálu hans:
Þú bjarti röðull bróðurkærleikans
þér bindi lífið dýrsta sigurkrans.