Morgunblaðið - Sunnudagur - 04.01.2015, Qupperneq 39

4.1. 2015 MORGUNBLAÐIÐ SUNNUDAGUR 39
Hefur þú pælt í því að ef ekki væri fyrir Edison
þá værum við öll sömul að horfa á sjónvarpið
við kertaljós?
Al Boliska.
Á þeim tíma sem hvers kyns sjón-
varpsefni, kvikmyndir og tónlist
streymir hindrunar- og milliliða-
laust í síma, ferðatölvur og sjón-
vörp fólks allan sólarhringinn kann
að virðast sérkennilegt að gögn úr
flugritum séu ekki send jafnóðum
og í rauntíma til viðeigandi aðila á
jörðu niðri. Síðasta sunnudag týnd-
ist flugvél AirAsia yfir Java-hafi og
brakið fannst ekki fyrr en nokkrum
dögum síðar.
Tæknin er til staðar svo mögu-
legt er að senda gögn í rauntíma frá
flugritum til flugumferðarstjóra. Til
dæmis sérhæfir kanadíska fyr-
irtækið Flyht Aerospace Solutions í
slíkum búnaði en hann var ekki til
staðar um borð í vél AirAsia frekar
en hjá flestum öðrum stórum flug-
félögum. Ætla má að leit að týndri
flugvél væri öllu þægilegri ef hægt
væri að greina upplýsingar sem
berast frá vélinni í rauntíma. Þegar
þota Air France fórst í Atlantshafi
árið 2009 fannst flugritinn til að
mynda ekki fyrr en eftir tvö ár.
Fjallað er um málið á vef CNN.
Nokkrar ástæður eru sagðar fyr-
ir því að stór flugfélög hafa ekki
tekið upp á því að nýta sér slíkan
búnað. Michael Boyd, sérfræðingur
í flugöryggi, segir t.d. í samtali við
CNN að í fyrsta lagi sé afskaplega
óalgengt að leita þurfi að flugvélum
og í öðru lagi geti gríðarlegt gagna-
magn gert að verkum að erfitt sé
að greina úr upplýsingum.
Mestu máli skiptir þó kostnaður,
að sögn Boyds. Flugfélög reyna að
spara á öllum vígstöðvum til að
halda flugmiðaverði niðri og forð-
ast því að innleiða öryggisráðstaf-
anir sem ekki er gerð krafa um.
Kerfi sem sendir gögn í rauntíma úr
flugritum getur kostað um 100.000
dollara í uppsetningu. Boyd spáir
því þó að breytingar verði gerðar á
næstu þremur árum og leitir að
flugvélum verði ekki jafnsvakalega
erfiðar. „Fyrst bíllinn minn er með
GPS og síminn minn veit hvar ég er,
þá hlýtur að vera hægt að finna
747-þotu.“
TÖFF TÆKNISTAÐREYND
Flugfélögin vilja spara
Brak týndrar þotu AirAsia fannst eft-
ir nokkurra daga leit.
AFP
Rob Pardo, upphafsmaður World of Warcraft-tölvuleikj-
anna vinsælu, sagði nýlega í samtali við BBC að tölvu-
leikjakeppnir – stundum nefndar e-íþróttir – ættu að vera
hluti af Ólympíuleikunum. Pardo var yfirleikjahönnuður
hjá tölvuleikjafyrirtækinu Blizzard Entertainment þar til í
júlí á þessu ári. Hann sagði að skilgreiningin á orðinu
íþrótt væri orðin ansi víð og ýmislegt rúmaðist innan
hennar sem áður fyrr hefði ekki þótt falla undir merkingu
hugtaksins.
Eflaust þykir mörgum tilhugsunin um tölvuleiki á Ól-
ympíuleikum framandi enda kalla langvarandi seta við
tölvuskjá fram önnur hugrenningartengsl en hreysti-
mennsku og íþróttaanda. „Tölvuleikir eru afskaplega vel
til þess fallnir að verða mjög áhorfendavænt sport,“ sagði
Pardo í samtali við BBC.
Milljónir manna fylgjast iðulega með beinum útsend-
ingum frá tölvuleikjamótum. Nýlega var haldið stórt mót í
Seoul í Suður-Kóreu þar sem áhorfendur fylltu 40.000-
manna íþróttaleikvang og talsvert fleiri fylgdust svo með á
netinu úti um víða veröld. „Það er hægt að færa mjög góð
og sterk rök fyrir því að e-íþróttir eigi heima á Ólympíu-
leikunum,“ sagði Pardo. Hann var jafnframt yfirhönnuður
tölvuleiksins Starcraft: Brood War, sem löngum hefur
verið talinn einn þeirra leikja sem mörkuðu upphaf e-
íþrótta.
„Ég er á því að það verði að horfa til þess að það þarf
gífurlega færni til að keppa á slíkum mótum og atvinnu-
leikjaspilarar búa yfir ótrúlegum viðbrögðum og þurfa að
taka stórar ákvarðanir með engum fyrirvara.“ Hann við-
urkenndi þó að það yrði alltaf erfiðleikum bundið að sann-
færa hefðbundna íþróttaaðdáendur um gæði og gildi
tölvuleikja á þessu sviði. „Þá fer þetta að snúast um það
hvernig við skilgreinum íþróttir. Ef þú ert þeirrar skoð-
unar að íþróttir þurfi að fela í sér líkamlega áreynslu þá er
auðvitað erfitt að halda því fram að tölvuleikir geti fallið
undir íþrótt en á sama tíma finnst mér auðvelt að benda á
ýmsar ólympíugreinar þar sem þessi skilgreining á tæp-
lega við.“
Ekki er auðvelt að fá nýja íþrótt samþykkta inn á Ól-
ympíuleikana og þá sér í lagi eftir að Alþjóðaólymp-
íunefndin setti þak á fjölda greina. Lengi hefur verið reynt
að sannfæra nefndina um að skák eigi heima á leikunum
en niðurstaða hennar hefur alltaf verið sú að um andlega
íþrótt sé að ræða og þær eigi ekki heima á leikunum.
NÝJASTA NÝTT
Tölvuleikjamót eru vaxandi iðnaður og þykja áhorfendavæn og spennandi afþreying.
Tölvuleikir á Ólympíuleikum?
Solo2
Verð:32.990.-
Studio 2.0
Verð:49.990.-