Morgunblaðið - Sunnudagur - 04.01.2015, Blaðsíða 44

Dulur hugsuður
Arnaldur Indriðason er frekar dulur maður. Grunnorka hans er óáþreif-
anleg og þokukennd. Hann er hugsuður. Hann er íhaldssamur fjöl-
skyldumaður. Vatnsberi og Krabbi. Arnaldur er fastur fyrir og sérvitur, en
um leið er ekki gott að negla hann niður. Ein ástæða er sú að hann lifir í
heimi eigin huga. Hann býr í ímyndarheimi rithöfundarins. Önnur er sú að
hann er dæmigerður Vatnsberi. Hann vill ekki tala um sjálfan sig.
Lifir í heimi eigin huga
Allt í lífinu er orka í einu eða öðru formi. Hver einstakur maður er sjálf-
stætt orkukerfi. Þessi kerfi eru mótuð úr byggingarefnum lífsins, eldi,
jörð, lofti og vatni. Blöndunin er misjöfn frá einum til annars. Sveppi er
heitur gleðigjafi. Ólafur Ragnar er jarðbundinn og þaulsetinn. Björk er til-
finningavera. Arnaldur er hugsuður. Orkukerfi hans er blanda úr lofti og
vatni. Loftið er frumefni hugmynda og hugvits. Vatnið er frumefni innri heima, tilfinninga,
ímyndunarafls og sálarlífs. Arnaldur er því maður sem tengir saman heim vitsmuna og til-
finninga. Hann skynjar tilfinningar. Hann kann að koma þeim í orð.
Arnaldur situr stóran hluta tímans við skrifborð og starir inn í eigin huga. Þar eiga sér
stað samræður. Erlendur að spjalla við fólk. Það getur verið að hann noti skrifpúlt og
standi við það hluta tímans. Það breytir ekki því að Arnaldur er maður sem sækir smiðs-
efni sitt í hugann. Hann er eins og hver annar miðill; farvegur fyrir sögur. Sögurnar tala í
gegnum hann.
Rafmögnuð hugsun
Arnaldur er næmur. Hann hefur sterkar tilfinningar og er um margt við-
kvæmur. Hann er góður sálfræðingur. Maður sem skynjar líðan annarra.
Hann er sömuleiðis mikill fjölskyldumaður. Á því sviði lífsins er hann
íhaldssamur og umhyggjusamur. Þetta tvennt, hugarflugið og heimur til-
finninga, spilar saman og tekst á í lífi Arnalds.
En hvernig hugsar Arnaldur? Ég vil nefna tvennt. Í fyrsta lagi er ímyndarafl, innsæi og
flæði. Í öðru lagi er rafmagn. Hann býr yfir leiftrandi greind. Hugsun hans er flæðandi og
rafmögnuð. Taugakerfið er frekar spennt og viðkvæmt. Þetta skýrir að hluta til þá einveru
sem hann sækir í. Næmi hans er það mikið að umgengni við aðra truflar einbeitingu hans.
Þetta á við um alla þá sem eru opnir gagnvart veröldinni. Eru næmir og opnir. Þeir sem
ekki búa yfir slíkum eiginleikum hrista höfuðið. Þeir næmu skilja hvað ég er að fara.
Hvernig er að skrifa mörg hundruð blaðsíðna bók? Bók sem er sjálfstæð veröld, þar sem
öll samskipti, á milli persóna, samtala og atburða, þurfa að ganga upp? Það þarf næmleika,
innsæi og öfluga einbeitingu – sem ekki má trufla – til að halda slíkri hugarveröld uppi.
Það sem er ekki til staðar segir oft margt. Arnaldur er ekki jarðbundinn. Hann er ekki
áþreifanlegur, ef svo má að orði komast. Hann er ekki eldhugi. Hann er ekki sérstaklega
hress. Það eru engin læti í honum. Hann rýkur ekki upp og niður. Hann er vitsmunavera.
Það eru sveiflur í tilfinningalífi hans, en þær sveiflur liggja inn á við, á sálrænum sviðum
og eru því til þess að gera öðrum ósýnilegar. Þannig er Arnaldur. Hann er frekar óáþreif-
anlegur og ósýnilegur. Snjall rithöfundur sem gefur sem slíkur mikið af sér. Fjöl-
skylduvænn maður. Þess utan er hann öðrum týndur.
Ekki áhugamaður um ráðleggingar annarra
Arnaldur. Útivist og gönguferðir eru sú líkamsrækt sem ég myndi ráð-
leggja þér að stunda. Ég tel að þú eigir til að gleyma líkamlega þætti til-
verunnar. Þú þarft því að gæta þess að hafa góða siði í kringum hreyfingu
og mataræði. Það að sækja út í náttúruna, róta í mold og anda að þér
gróðurilmi er gott móttæki við allar pælingarnar. Útivist er hvíld og end-
urnæring fyrir sálina. Þetta síðastnefnda er nokkuð sem á erindi við alla sem eru eitthvað
undir áhrifum frá Krabbamerkinu. Í öðru lagi, Arnaldur, gleði. Eldur, hiti, hreyfing, bruni.
Þú ert þungaviktarmaður vitsmuna og tilfinninga. Þú sækir á djúp mið hugmynda. Þú velt-
ir iðulega upp þungum sálarsteinum. Í þeirri vinnu er ekki sérstaklega mikil gleði. Hún er
vissulega gefandi, en er samt sem áður ekki sérlega upplífgandi fyrir sálina. Það að sitja,
hugsa og skrifa stuðlar ekki heldur að líkamlegri og andlegri brennslu. Ef þú gætir ekki
að þér þá getur eldmóður orðið af skornum skammti. Það er sem sagt gott fyrir þig að
sækja í hita, tónlist, birtu og hreyfingu og annað sambærilegt sem léttir lundina og hitar
líkamskerfið. Í slíku er hvíld og endurnæring. Að öllu þessu sögðu þá veit ég að þú ert
fastur fyrir og sjálfstæður. Þú ert maður sem fylgir eigin sannfæringu. Þú ert sér-vitur.
Þú hefur þína eigin visku sem þú ferð eftir. Þú ert ekki sérstakur áhugamaður um ráð-
leggingar annarra. Set framangreint samt fram, svona til umhugsunar.
Næmur maður sem
skynjar líðan annarra
ARNALDUR INDRIÐASON KOM INN Í ÞENNAN HEIM 28. JANÚAR 1961. Á ÞEIRRI STUNDU VAR
SÓLIN (GRUNNEÐLI OG LÍFSORKA) OG MERKÚR (HUGSUN) Í HINUM SJÁLFSTÆÐA OG SÉRSTAKA
VATNSBERA. TUNGLIÐ (TILFINNINGAR OG VANAHEGÐUN) OG MARS (BARÁTTUORKAN) VORU Í
HINUM TILFINNINGARÍKA OG ÍHALDSSAMA KRABBA. VENUS (KÆRLEIKSORKAN) VAR Í HINU
LISTRÆNA OG LANDAMÆRALAUSA FISKAMERKI. JÚPÍTER (SÓKNARORKAN) OG SATÚRNUS
(KERFISORKAN) VORU Í HINNI DUGLEGU OG SKIPULÖGÐU STEINGEIT.
ÕGrunneðli
]
Vitsmunir
Y
Tilfinningar
—
Ráðleggingar
Morgunblaðið/Einar Falur
Stjörnukortið
GUNNLAUGUR GUÐMUNDSSON
www.islenskstjornuspeki.is
Vatnsberinn (21. janúar til 19. febrúar) Vatnsberinn spannar miðju vetrarins, tíma þegar froststillur
ríkja og flest annað en hugvit liggur í dvala. Lífsorka Vatnsberans liggur því fyrst og fremst á
huglægum sviðum. Hinn dæmigerði Vatnsberi er málefnalegur og yfirvegaður, fastur fyrir, iðulega
vinsamlegur í framgöngu en um leið frekar ópersónulegur. Hann hleypir fólki ekki nálægt sér.
Vatnsberinn þykir oft og tíðum sérvitur, enda ríkt í eðli hans að fást við nýsköpun og horfa til framtíðarinnar.
w
 Arnaldur Indriðason fæddist í Reykjavík
28. janúar 1961. Hann er sonur Þórunnar
Ólafar Friðriksdóttur og Indriða G. Þor-
steinssonar rithöfundar.
 Hann lauk BA-prófi í sagnfræði frá Há-
skóla Íslands árið 1996 og starfaði við
Morgunblaðið frá því hann útskrifaðist úr
Menntaskólanum við Hamrahlíð árið 1981,
ýmist í lausamennsku eða fullu starfi. Hann
var kvikmyndagagnrýnandi hjá blaðinu frá
1986-2001.
 Hann hefur sent frá sér átján skáldsögur
sem allar eru spennusögur. Bækur hans
hafa verið þýddar á tugi tungumála og hlot-
ið góðar viðtökur, sérstaklega í Þýskalandi.
 Fyrir jólin sendi Arnaldur frá sér bókina
Kamp Knox en þar segir frá frægustu sögu-
hetju höfundarins. Erlendur er nýlega byrj-
aður í rannsóknarlögreglunni og starfar
undir handarjaðri Marion Briem en gömul
mál sem flestir hafa gleymt láta hann ekki í
friði.
 Bækur Arnaldar hafa verið þýddar á um
fjörutíu tungumál og selst í yfir tíu millj-
ónum eintaka um allan heim. Þær hafa unn-
ið til virtra verðlauna og viðurkenninga og
hlotið frábæra dóma heima og erlendis.
 Arnaldur hlaut spænsku bókmennta-
verðlaunin Premio RBA de Novela Negra
fyrir bókina Skuggasund sem kom út í fyrra.
ARNALDUR INDRIÐASON RITHÖFUNDUR
44 MORGUNBLAÐIÐ SUNNUDAGUR 4.1. 2015