Morgunblaðið - Sunnudagur - 04.01.2015, Page 51

4.1. 2015 MORGUNBLAÐIÐ SUNNUDAGUR 51
Þessi fer beint í prófíl!
Kvikur unglingur smellir af einni laufléttri selfie-mynd fyrir framan
Elísabetu drottningu þegar sú síðarnefnda heimsótti markað í Belfast,
Norður-Írlandi í júní.
AFP
Allir samtaka, einn tveir og …
Thomas Bach, forseti Alþjóðaólympíunefndarinnar, situr hér fyrir á raðselfie-
myndum ásamt keppendum á ólympíuleikum ungmenna sem fram fóru í Kína
í ár. Ekki er vitað hvers vegna ein mynd af þeim öllum var ekki talin nægja.
Þú ert líka frægur, vertu með!
Myndir af frægu fólki að taka selfie-myndir af sér með öðru frægu fólki
vekja alltaf mikla athygli. Bítillinn Ringo Starr ásamt tískuhönnuðinum John
Varvatos, eiginkonu sinni Barböru að ógleymdum leikstjóranum David
Lynch á stjörnu-selfie.
Heilög sjálfsmynd
Frans páfi virtist njóta sín vel á selfie-mynd sem tekin var af honum í nóvember
þegar kaþólskir skátar flykktust til hans í Vatíkanið.
Sjálfsmyndin
ljósmynduð
ÁRIÐ 2013 VÖLDU ORÐABÆKUR OXFORD „SELFIE“
ORÐ ÁRSINS OG SÍÐAN ÞÁ HAFA BÆÐI IÐJAN
OG ORÐIÐ BREIÐST ÚT UM VÍÐA VERÖLD. Í DAG
TÍÐKAST SJÁLFSMYNDIR HJÁ POPPSTJÖRNUM SEM
TRÚARLEIÐTOGUM OG HÉR ER AÐ FINNA NOKKRAR
AF EFTIRTEKTARVERÐARI SJÁLFSMYNDUM ÁRSINS 2014.
Halldór A. Ásgeirsson haa@mbl.is
Brosandi blakmeistarar
Sigurlið Brasilíu á heimsmeistaramótinu í blaki sem haldið var í Japan í
ágúst varðveita hér andartakið mikilvæga á verðlaunaafhendingunni á
ógleymanlegri selfie-mynd.