Morgunblaðið - 25.03.2015, Blaðsíða 28

28 DÆGRADVÖL
MORGUNBLAÐIÐ MIÐVIKUDAGUR 25. MARS 2015
Trésmiðja GKS ehf, Funahöfða 19, sími 577 1600, gks@gks.is, gks.is
Gæði - Kunnátta - Sveigjanleiki
Nýjar hagstæðar lausnir í innréttingum.
Nútímaleg hönnun, glæsilegt útlit og
örugg gæði frá fagmönnum.
Verktakar – húsbyggjendur
ÍSLENSK
FRAMLEIÐSLA
Stjörnuspá
21. mars - 19. apríl 
Hrútur Það getur komið sér vel að eiga trún-
aðarvin sem getur deilt með þér bæði gleði
og sorg. Hugsaðu um hvernig best er að
koma á jafnvægi milli andlegra og líkamlegra
þarfa.
20. apríl - 20. maí 
Naut Ef þú ert í atvinnuleit, farðu þá á staði
þar sem þú hefur sótt um vinnu áður. Vertu
sem mest með þeim sem kunna að meta þig.
21. maí - 20. júní 
Tvíburar Þú þarft að komast í smáfrí til að
endurnýja sjálfan þig til sálar og líkama. Var-
astu fljótfærni. Gefðu fyrirmæli þín á eins
mjúkan og nærgætinn hátt og þú getur.
21. júní - 22. júlí 
Krabbi Gefðu þér tíma til þess að leyfa sköp-
unargáfunni að njóta sín jafnvel þótt annað
verði að sitja á hakanum á meðan. Klappaðu
sjálfum þér á bakið, eða leyfðu öðrum að
gera það.
23. júlí - 22. ágúst 
Ljón Eyddu ekki óþarfa orku í að hugsa um
það sem liðið er og miður fór. Sá tími kann að
koma að þú þurfir sjálfur á hjálp að halda og
þá er gott að eiga inni.
23. ágúst - 22. sept. 
Meyja Stilltu þig um að fá fjármál eða ótil-
greinda dauða hluti á heilann. Svona gengur
þetta ekki til lengdar. Reyndu að skapa jafn-
vægi milli starfs og streitu.
23. sept. - 22. okt. 
Vog Þetta er góður dagur til hvers konar við-
skipta. En mundu að ganga hægt um gleðinn-
ar dyr, því oft getur stutt gaman leitt til
langra leiðinda.
23. okt. - 21. nóv.
Sporðdreki Þessi tími er þér gagnlegur til
sköpunar svo þú skalt reyna að fá sem mest
tóm til þeirra starfa. Gakktu frá dagblöðum
og tímaritum og hentu rusli.
22. nóv. - 21. des.

Bogmaður Aldrei skyldi hlutur dæmdur eftir
umbúðunum. Lítillæti er dyggð sem reynir á
undir þessum kringumstæðum.
22. des. - 19. janúar 
Steingeit Peningar gefa afl, þú gerir þér
glögga grein fyrir því nú. Skáldsögur eða
kvikmyndir sem búa yfir þessu verða þér
ánægjuleg afþreying í dag.
20. jan. - 18. febr. 
Vatnsberi Þú ert samúðarfullur, það er eitt
sem víst er. Við getum lært margt af unga
fólkinu. Minningar úr æsku þinni munu
hugsanlega koma upp í hugann.
19. feb. - 20. mars

Fiskar Þú ættir að taka ákvörðun í dag sem
er heilsunni í hag. Taktu eftir, fólk í kringum
þig gerir hluti sem það myndi ekki gera ef þú
værir ekki til staðar.
Það er alltaf skemmtilegt þegarvísnahöfundar skýra frá því
sem að baki liggur þeirra skáld-
skap eins og Steinunn P. Hafstað
gerir á Fésbók, en þar segir hún,
örlítið stytt:
„Þann 20. mars myrkvaðist sjálf
sólin til þess að sýna okkur alla sína
dýrð, og allt kvikt tók undir við að
sjá eða finna ljós hennar skína á ný
á jafndægrum á vori, sem fylgdu
nýju ári Persa á alþjóðlegum degi
hamingjunnar, sem auk þess var 68
ára afmælisdagur minn, sem stolt
hef kennt mig við 68-kynslóðina.
Afmælisgjöf, full hlýju og gleði,
sem á þessum degi toppaði alla ann-
ars ómælda hvatningu, sem mér
hefur hlotnast, einkum síðan ég
meiddi mig í nóvember og hef í
raun gengið fyrir síðan.
Að fá aftur heilsuna eftir niður-
brot er eitthvað, sem ekki er hægt
að lýsa án þess að vikna.
En böggull fylgir skammrifi, og
ég sit uppi með kistil á herðum, sem
ég lít á með þakklæti, vegna þess að
hann er fullur af gulli, sem ég hef
unnið fyrir ein og óstudd og oftar
en ekki fyrir hvatningu um dagana.
Efasemdarraddir hafa fylgt mér
allar götur líka, en sem betur fer
gat ég hrist þær af mér hverja af
annarri og þess vegna m.a. berjið
þið augum ljóð mín og pistla, kross-
gátur og myndverk, sem og að sjá
mig á faraldsfæti aftur, eftir að
reynt var að telja mér trú um, að ég
gæti ekki bjargað mér hér heima.
Já, ég meira að segja hlustaði
ekki á, að ég þyrfti að hætta að
keyra. Og svo er ég bara að byrja
aftur að nudda, og aldrei að vita
nema blaðberinn vakni líka til lífs.
Kannske kristallast svo ofan-
skráð orð í versunum um systurnar
tvær, Hvatningu og Efasemd, sem
sitja hvor sína vogarskál:
Önnur lyftist upp, þegar hin
hnígur og öfugt, því aldrei eru þær
alveg samstiga.
Hvatningin er leiðarljós
látlaust við þann tautar,
sem þarf örvun, hól og hrós
og hálu svelli á skautar.
Efasemdin ekki vott
af upphefð með sér færir.
Hún rekur alla birtu á brott
og bjartsýnina tærir.
Ef þetta er svo ekki saga margra,
þá er ég illa svikin og gamla orð-
takið „með hækkandi sól lagast
allt“ væri þá sennilega ekki til.
Sólin ljósi sínu miðlar,
sendir okkur litadýrð.
Þannig hún með blessun biðlar
„burtu nú úr drunga flýrð“!
Halldór Blöndal
halldorblondal@simnet.is
Vísnahorn
Af systrunum
Hvatningu og Efasemd
Í klípu
„MÁLIÐ ER EINFALT Í RAUN. ÞÚ ÁTT
AÐ KOMAST AÐ ÞVÍ HVER HEIÐVIRÐI
HLUTURINN Í STÖÐUNNI ER – OG LÁTA
LÍTA ÚT FYRIR AÐ VIÐ HÖFUM GERT HANN.“
eftir Mike Baldwin eftir Jim Unger
„HVERS VEGNA KAUPIR ÞÚ ÞÉR EKKI
ALMENNILEG HEYRNARTÓL?“
Hermann
Ferdinand
Hrólfur hræðilegi
Grettir
... hrærandi.
JIPP! JIPP! JIPP!
JIPP! JIPP! JIPP!
LYGI!
EINTÓM
LYGI!
NEMA FIMMTA
„JIPPIГ
HLJÓMAR EINS OG
EINHVER SÉ VIÐ
DYRNAR
ÉG SKAL
KANNA ÞAÐ ÉG HELD AÐ
ÞEIR VILJI
SJÁ ÞIG
Mikið hefur verið látið með upp-færslu Borgarleikhússins á
söngleiknum Billy Elliot og er hún
vissulega alls góðs makleg, en vestur
í bæ er nú á fjölunum verk, sem allt
eins á athygli skilið. Uppfærsla
Hagaskóla á söngleiknum Mamma
mía geislar af slíkum krafti, gáska
og gleði að ekki er annað hægt en að
hrífast með.
x x x
Fyrirfram hefði mátt ætla aðMamma mía væri óárennilegt
verk fyrir nemendur í grunnskóla,
en það er öðru nær. Allt er vel gert í
þessari uppfærslu. Aðalleikarar
standa sig vel, dansatriði eru fjöl-
breytt og skemmtileg, hljómsveitin
leikur af stakri innlifun (vísvitandi
misheppnaður flutningur á brúðar-
marsinum var þar toppurinn) og öll
umgjörð, hvort sem það eru sviðs-
mynd eða búningar, til fyrirmyndar.
Þá var salurinn notaður með ákaf-
lega skemmtilegum hætti. Sviðið er
fremur lítið. Því var áhorfendum
raðað meðfram hliðum salarins og
leikararnir fengu að athafna sig á
sviðinu, eftir endilöngum salnum og
í stiga fyrir enda hans.
x x x
Ýmsir söngleikir hafa verið settirupp í Hagaskóla í áranna rás og
liggur þar mikill metnaður að baki.
Kosturinn við söngleiki er að margir
geta tekið þátt og fengið að njóta
sín. Fjölmennir dansar í sýningunni
voru sérlega skemmtilegir og undra-
vert hvernig krökkunum tókst að
svífa um gólfið án þess að lenda í
árekstrum og leika fyrir áhorfendur
til beggja hliða.
x x x
Sýningin í Hagaskóla sýnir hvaðhægt er að leysa úr læðingi þeg-
ar tækifæri gefst – ber því vitni hvað
getur gerst þegar ungu fólki er gefið
tækifæri til að blómstra og njóta sín.
Nú búa þessir krakkar líka að því að
vita hvers þau eru megnug. Það
kæmi Víkverja ekki á óvart þótt ein-
hverjir af þeim krökkum, sem komu
fram í þessari uppfærslu á Mömmu
míu, ættu eftir að láta að sér kveða
síðar meir. Víkverji getur ekki ann-
að en þakkað fyrir stórskemmtilega
kvöldstund. víkverji@mbl.is
Víkverji
Hversu dýrmæt er miskunn þín, ó
Guð, mannanna börn leita hælis í
skugga vængja þinna. (Sálmarnir 36:8)