Morgunblaðið - Sunnudagur - 08.03.2015, Qupperneq 30

Matur
og drykkir
Salöt með hækkandi sól
*Löngunin í léttari mat gerir gjarnan vartvið sig með hækkandi sól og þá komaýmis konar salöt sterk inn. Til að drýgjasalöt og gera þau matarmeiri er gott aðýmiss konar afgang frá því kvöldinu áður.Til dæmis kjúkling en ef enginn afgangurer til er gott að setja nokkrar pasta-
skrúfur eða sjóða kúskús og bulgur til að
dreifa yfir. Hirsi er líka afar gott í salöt.
É
g bauð saumaklúbbnum mínum heim, stelpum sem
flestar hafa verið vinkonur mínar frá því að við
vorum í níu ára bekk og svo er ein þeirra frænka
mín og ein vinkona mín síðan í menntaskóla svo að
þetta er orðin áratugalöng vinátta milli okkar allra,“ segir
Ragnhildur Þórðardóttir, betur þekkt sem hinn drífandi
heilsuorkubolti Ragga Nagli. Ragnhildur hefur að vísu eytt
meiri tíma í störf sín sem sálfræðingur en þjálfunarstörf
undanfarið en hún rekur eigin stofu í Kaupmannahöfn þar
sem hún býr og starfar. Í staðinn fyrir fjarþjálfun er hún
farin að bjóða uppá fjarsálfræði fyrir skjólstæðinga hér á
landi í gegnum Skype og tölvupóst.
„Þegar ég kem til Íslands hittumst við vinkonurnar alltaf
en ég kem hingað reglulega, meðal annars til þess að
halda matreiðslunámskeið. Þar kenni ég fólki að baka og
elda hollustugómsæti en námskeiðin fara fram í gamla
Lækjarskólanum í Hafnarfirði,“ segir Ragnhildur en nám-
skeiðin hafa notið mikilla vinsælda og pláss á þau hafa oft
selst upp á nokkrum mínútum. „Síðast aðeins átta mínútum
í gegnum heimasíðuna mína,“ segir Ragnhildur en fyrir
áhugasama er slóðin ragganagli.wordpress.com/matreidsl-
unamskeid-roggu-nagla.
„Ég borða mikið af fisk, kjúklingi og kjöti, kartöflum og
hrísgrjónum og hef alltaf glás af grænmeti og girnilegar
hollar sósur með svo að matseðillinn í boðinu var í þeim
anda. Ég reyni að útbúa mat sem inniheldur fá hráefni.
Mér finnst miklu betra að leika mér með þessi fáu hráefni
en ekki dunda mér í langan tíma með mörg, því líkt og
margir hef ég aldrei tíma í mikið maus,“ segir Ragnhildur.
Ragnhildur var dugleg að bjóða heim í mat en hefur
verið mjög upptekin undanfarið svo að hún segist þurfa að
taka sig aðeins á í þeim efnum. Bæði flýgur hún á milli
Kaupmannahafnar og Íslands til að halda matreiðslunám-
skeið og halda fyrirlestra og einnig var hún að gefa út
Heilsubók Röggu Nagla sem fjallar um varanlega breyt-
ingu á lífsstíl, út frá heilsu, líðan og útliti en fyrst og
fremst með hugann að vopni. Þar má einnig finna upp-
skriftir af öllu tagi.
En hvernig heppnaðist boðið?
„Þetta var ofsalega gott og gaman og þær voru hæst-
ánægðar með matinn en eftirrétturinn, hnetusmjörs-
skyrtertan, stal líklega senunni og sló í gegn. Að setja
matseðilinn saman var svolítil áskorun því ein þeirra er á
lágkolvetnamataræði, ein er með vægt mjólkuróþol og tvær
þeirra borða ekki fisk svo að ég var smátíma að finna út
úr þessu. En allir voru sáttir og gátu borðað flest sem
borið var fram. Mér finnst mikilvægt að sýna fram á að
það megi moða svo margt girnilegt og gómsætt í hollri
matargerð. Það á nefnilega alltaf að vera gaman að borða
og máltíðirnar þurfa að gleðja bæði líkama og sál.“
RAGGA NAGLI BAUÐ VINKONUM Í KVÖLDVERÐ
Eftirrétturinn stal senunni
SÁLFRÆÐINGURINN OG LÍKAMSRÆKTARGÚRÚINN RAGNHILDUR ÞÓRÐARDÓTTIR, BETUR ÞEKKT SEM RAGGA NAGLI, BAUÐ ÆSKUVINKONUM Í KVÖLD-
VERÐARBOÐ ÞAR SEM GRÆNMETI, HRÍSGRJÓN OG KJÚKLINGUR VORU Í AÐALHLUTERKI OG ENDAPUNKTURINN HNETUSMJÖRSSKYRTERTA.
Júlía Margrét Alexandersdóttir julia@mbl.is
Gestir boðsins hafa verið vin-
konur í áratugi og hittast alltaf
þegar Ragga kemur til landsins.
Morgunblaðið/Kristinn
Spenningur ríkti fyrir ostapoppsblómkálinu.