Morgunblaðið - Sunnudagur - 08.03.2015, Blaðsíða 57

á er farið að spyrja okkur meira um Ísland,“
segir hún og brosir. „En í kjölfarið á svona
messum gerist oft margt, við erum áfram í
sambandi við áhugasama gesti, oft vill fólk fá
að sjá meira, myndir af fleiri verkum, en hér
er sambandinu komið á.“
Ekki safnaheimurinn
Ólöf K. Sigurðardóttir, forstöðumaður Hafn-
arborgar, hefur skoðað Armory Show á und-
anförnum árum og er mætt einu sinni enn.
Vegna þess, segir hún, að hér sjái hún margt
forvitnilegt á einum stað á skömmum tíma.
„Þetta er fyrst og fremst sölumessa og ólík
safnaheiminum en það sem ég hef mest nýtt
mér og finnst áhugavert, er ýmiskonar hlið-
ardagskrá sem veitir til dæmis aðgang að
verkum í einkasöfnum, sem annars eru ekki
opin almenningi og þá eru oft skemmtilegar
fyrirlestraraðir eða umræður í tengslum við
Armory Show, sem ég hef nýtt mér.“
Ólöf segir þetta fyrst og fremst vera kaup-
stefnu og snúast um viðskipti. „Hér eru mörg
helstu galleríin og kynna þá listamenn sem
eru mest áberandi hverju sinni, og því má
skanna það sem er efst á baugi.“ Hún bætir
við að mögulega megi finna hér nýjusta vaxt-
arbrodda myndlistarinnar en mest sé þetta
„meginstraumurinn“, verkin sem eru á toppn-
um á markaðinum hverju sinni.
Undanfarin ár hafa stjórnendur Armory
Show verið með þema þar sem myndlist til-
tekinna landa eða heimshluta er kynnt sér-
staklega; fyrir nokkrum árum naut norræn
myndlist slíkrar athygli en að þessu sinni er
það myndlist frá Norður-Afríku. „Ég er að-
eins búin að skoða það og finnst mjög áhuga-
vert að opna hér gátt inn í heim sem maður
þekkir kannski ekki mjög vel. List þessara
landa er væntanlega valin vegna þess að
margt er að gerast þar í pólitík og samfélags-
málum og skoða má hvernig það speglast í
listinni,“ segir Ólöf.
Mikilvægt að koma
Illugi Gunnarsson, mennta- og menningar-
málaráðherra, gengur um listkaupstefnuna
ásamt fylgdarliði, þar á meðal Brynhildi Ein-
arsdóttur, eiginkonu sinni, og Ástu Magn-
úsdóttur ráðuneytisstjóra. Börkur tekur á
móti þeim á svæði i8, fræðir Illuga um verkin
sem eru til sýnis og kynnir hann síðan fyrir
öðrum galleristum. Aðspurður kveðst Illugi
vera í opinberum erindagjörðum og hafa dag-
inn áður verið á sýningu Bjarkar í MoMA.
„Ég taldi mikilvægt að koma hingað, sjá i8
sýna og upplifa þennan mikla kraft sem við
sjáum í íslenskri myndlistarútrás. Á und-
anförnum árum og áratugum hafa mjög
áhugaverðir hlutir verið að gerast í íslenskri
myndlist. Hún fer mjög vel saman við erlenda
strauma og stefnur og á fullt erindi út fyrir
landsteinana, sem er áhugavert og ánægjulegt
fyrir okkur. Þetta er kaupstefna, hér eru hinir
svokölluðu fagaðilar, listaverkakaupendur,
safnstjórar og aðrir sem lifa og hrærast í um-
hverfi myndlistarinnar. Þess vegna er mik-
ilvægt að hér sé svona sýnigluggi þar sem
kemur saman íslensk myndlist og list annars
staðar frá, á þeim grunni að hvort sem menn
koma frá Íslandi eða öðrum löndum sé þetta í
raun alltaf spurning um að hafa eitthvað
áhugavert fram að færa. Eitthvað sem skiptir
máli og hreyfir við fólki. Mér finnst það takast
mjög vel hér,“ segir Illugi.
Við ræðum að í framsetningu i8 sé ekkert
sem má kalla sér-íslenskt, galleríið sé í samtali
við ýmsa aðra strauma sem sjá má. „Það er
rétt, það er samhengið þar sem hið sammann-
lega á sér engin landamæri. Viðfangsefnið er í
raun hvernig við mennirnir fáumst við það að
lifa í nútímanum og átta okkur á sjálfum okk-
ur og umhverfinu. Allt er þetta hluti af til-
raunum til að svara slíkum spurningum. Þá
skipta landamæri engu máli. En síðan getur
skipt máli að menn hafi eitthvað að segja sem
tengist þeirra bakgrunni, að það sé sérstakt og
einstakt en um leið hluti af þessu stóra al-
þjóðlega umhverfi.“
Illugi segir að lokum að afar ánægjulegt
hafi verið að koma á hina stóru sýningu Bjark-
ar í MoMA. „Þetta er einstakur listviðburður í
okkar sögu og sýnir hversu merkilegur lista-
maður Björk er og hvílíkrar viðurkenningar
hún nýtur á alþjóðlegum vettvangi. Þessi sýn-
ing er annars eðlis en það er mjög áhugavert
og fræðandi fyrir mig að koma og sjá allt það
sem hér er í gangi.“ Illugi hvarf á braut, að
skoða meira, og sífellt fjölgaði fólkinu sem
flæddi um ganga, rýndi í verk í sýning-
arbásum, spurði um sum, um listamennina,
pískraði, saup á kaffi eða kampavíni; mynd-
listin er efni í endalaust og heillandi samtal,
þar sem skoðanir geta verið skiptar, eins og
sannaðist enn og aftur á Armory Show.
Morgunblaðið/Einar Falur
Starfsmenn danska gallerísins Brandstrup mæla fyrir áhugasaman við-
skiptavin stórt ljósmyndaverk eftir Marinu Abramovic. Þegar ljóst var að
það passaði á fyrirhugaðan stað var gengið frá kaupum.
Þorlákur Árnason, starfsmaður i8 gallerís, sýnir áhugasömum gestum
upplagsverkið Mat for Multi International-project eftir Ólaf Elíasson, sem
prjónað er úr ull af gráum íslenskum kindum.
8.3. 2015 MORGUNBLAÐIÐ SUNNUDAGUR 57
Björg Erlingsdóttir, verk-
efnastjóri fræðsludeildar
Listasafns Íslands, leiðir gesti
um sýninguna Konur stíga
fram – Svipmyndir 30 kvenna í
íslenskri myndlist á morgun,
sunnudag, kl. 14 í Listasafninu.
2
Í tilefni af alþjóðadegi
kvenna, sunnudaginn 8.
mars, stendur Stofnun Vig-
dísar Finnbogadóttur í sam-
vinnu við Félag kvenna í atvinnulífinu
(FKA) fyrir málþingi sem ber yf-
irskriftina Tungumál og atvinnulíf.
Málþingið fer fram í Hátíðarsal Há-
skóla Íslands og hefst kl. 12.30.
Skráning er á vef FKA.
4
Skólahljómsveit Kópa-
vogs heldur sína árlegu
vortónleika í Háskólabíói á
morgun, sunnudag, kl. 14. Þar koma
fram 170 börn og unglingar. Stjórn-
endur eru Össur Geirsson og Þórð-
ur Magnússon. Miðasala er opin frá
kl. 11 tónleikadag.
5
Myndverk Margrétar H.
Blöndal og Hugins Þórs Ara-
sonar verður afhjúpað á
Gunnfríðarstöpli fyrir
framan Listasafn ASÍ í dag, laugardag,
kl. 15. Verkið er það fjórða í röðinni
sem sett verður á stöpulinn en hann
var tekinn í notkun í október 2013.
Það stendur til 13. maí en þá velja
Margrét og Huginn eftirmann sinn.
3
Síðasta sýning Möguleikhúss-
ins á Eldbarninu verður í
Tjarnarbíói á morgun, sunnu-
dag, kl. 14. Þar er með áhrifa-
ríkum hætti sögð saga barns í Skaft-
áreldum árið 1783. Sýningin hefur
hlotið mikið lof gagnrýnenda.
MÆLT MEÐ
1