Morgunblaðið - 10.04.2015, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 10. APRÍL 2015
Bogi Þór Arason
bogi@mbl.is
Harkaleg deila hefur blossað upp
milli forystu Svíþjóðardemókratanna
og leiðtoga ungliðahreyfingar flokks-
ins, SDU, sem eru sakaðir um að
tengjast hreyfingum þjóðernisöfga-
manna.
Mattias Karlsson, starfandi leiðtogi
Svíþjóðardemókrata, sagði í viðtali
við Dagens Nyheter að Gustav Kas-
selstrand, formaður ungliðahreyf-
ingarinnar, og William Hahne, vara-
formaður hennar, hefðu haft samstarf
við hreyfingar fasista og nýnasista.
Forysta flokksins hefði fengið sann-
anir fyrir því að Kasselstrand, Hahne
og um 20 aðrir félagar í flokknum
hefðu verið í tengslum við öfgahreyf-
ingar, meðal annars hreyfingar nýfas-
ista á Ítalíu, norræna nýnasista, gyð-
ingahatara og rasista í Suður-Afríku.
Gert er ráð fyrir að þeim verði vikið
úr flokknum ef rannsóknarnefnd á
vegum flokksins staðfestir ásakanirn-
ar. Niðurstaða nefndarinnar verður
tilkynnt 27. apríl.
Sökuð um sjúklega valdafýsn
Kasselstrand neitaði því að flokks-
forystan hefði sannanir fyrir tengsl-
um ungliðahreyfingarinnar við þjóð-
ernisöfgamenn og kvaðst ekki ætla að
láta af störfum sem leiðtogi hreyfing-
arinnar ef honum verður vikið úr
flokknum. Kasselstrand og Hahne
hafa gagnrýnt framgöngu flokksfor-
ystunnar á samfélagsmiðlum og sak-
að hana um að beita „sovéskum að-
ferðum“. „Það er skelfileg tilhugsun
að sumir í forystu Svíþjóðardemó-
krata skuli hafa það að markmiði að
stjórna Svíþjóð. Þeir bera enga virð-
ingu fyrir lýðræði,“ sagði Hahne á
Twitter.
Hahne sakaði flokksforystuna um
„sjúklega valdafýsn“ í viðtali við
sænsku fréttastofuna TT.
Karlsson svaraði Hahne fullum
hálsi og lýsti leiðtogum ungliðahreyf-
ingarinnar sem hópi „hálffasískra,
sjálfumglaðra, ungra og reiðra manna
(eða kvenna) með napóleonskomp-
lexa“.
Að sögn Svenska Dagbladet hefur
lengi verið grunnt á því góða með for-
ystu Svíþjóðardemókrata og leiðtog-
um ungliðahreyfingarinnar. Flokks-
forystan aðhyllist íhaldsstefnu í
samfélagsmálum en forystumenn
ungliðahreyfingarinnar vilji að Sví-
þjóðardemókratar framfylgi róttæk-
ari þjóðernisstefnu.
Svíþjóðardemókratar tvöfölduðu
fylgi sitt í kosningunum í september
síðastliðnum, urðu þriðji stærsti
flokkur landsins og fengu 12,9% at-
kvæðanna. Flokkurinn hefur gagn-
rýnt stefnu sænskra stjórnvalda í
málefnum innflytjenda og sagt hana
„öfgakennda“.
Reynt að breyta
ímynd flokksins
Svíþjóðardemókratar eru með 49
þingsæti af 349 en allir hinir flokk-
arnir hafa hafnað stjórnarsamstarfi
við hann, meðal annars vegna ásak-
ana um að hann ali á kynþáttahatri.
Flokkurinn á rætur að rekja til
hreyfinga sem voru bendlaðar við ný-
nasisma. Nokkrir forystumanna hans
voru sakaðir um kynþáttahyggju fyr-
ir síðustu kosningar og einn þeirra
sagði af sér eftir að birtar voru mynd-
ir af honum með armbindi nasista.
Leiðtogi flokksins, Jimmy Åkesson,
sem er í veikindafríi, hefur reynt að
breyta ímynd flokksins síðustu árin
með því að víkja frá stjórnmálamönn-
um sem hafa verið sakaðir um útlend-
ingahatur eða stuðning við nasisma.
Sakaðir um að tengjast nas-
istum og fasistahreyfingum
 Forysta Svíþjóðardemókrata gagnrýnir leiðtoga ungliðahreyfingar flokksins
AFP
Staðgengill Mattias Karlsson hefur gagnrýnt ungliðahreyfinguna.
Åkesson snýr aftur
» Jimmy Åkesson varð leið-
togi Svíþjóðardemókrata árið
2005 en fór í veikindafrí um
mánuði eftir sænsku þingkosn-
ingarnar í september.
» Åkesson kvaðst hafa farið í
frí vegna þess að hann hefði
brunnið út í starfi vegna mikils
vinnuálags og streitu.
» Åkesson sagði í viðtali ný-
lega að hann væri enn á lyfjum
við þunglyndi en hygðist hefja
störf að nýju á sænska þinginu
síðar í mánuðinum.
Brann út Jimmy Åkesson hyggst hefja störf að nýju síðar í mánuðinum.
„Hæ, barna-
sjúkdómar ósk-
ast fyrir 2
drengi. T.d.:
hlaupabóla,
hettusótt, misl-
ingar, rauðir
hundar.“
„Ég á 18 mán-
aða son og ég
óska eftir misl-
ingum og hlaupabólu fyrir hann.“
„Hef líka áhuga á mislingum.“
Svona hljóma þrjár færslur í lok-
uðum, dönskum Facebook-hópi að
því er fram kemur á fréttavef Berl-
ingske. Í hópnum eru foreldrar sem
vilja ekki láta bólusetja börnin sín.
Þar skiptast foreldrarnir m.a. á
upplýsingum og leita eftir leiðum
til þess að börn þeirra smitist af
ýmsum sjúkdómum, þar á meðal af
rauðum hundum og mislingum.
Að sögn Berlingske nefna for-
eldrarnir í hópnum nokkrar ástæð-
ur fyrir að vilja ekki láta bólusetja
börnin sín. Sumir nefna ofnæmi fyr-
ir lyfjunum, aðrir ótta við auka-
verkanir og enn aðrir hafa þá trú
að sjúkdómarnir í sinni „náttúr-
ulegu“ mynd séu heilsusamlegri
fyrir börnin og byggi upp betra
ónæmiskerfi.
Allan Randrup Thomsen, pró-
fessor í smitsjúkdómum við Kaup-
mannahafnarháskóla, ræður fólki
eindregið frá því að reyna að smita
börnin sín af sjúkdómum. „Það sem
þau eru að gera er afar áhættu-
samt. Mörg börn verða alvarlega
veik af mislingum. Það er sjúkdóm-
ur með margar aukaverkanir sem
geta leitt af sér varanlega örorku
eða dauða. Þetta er alls ekki eitt-
hvað sem ég get mælt með,“ segir
hann í samtali við danska vefinn
voresborn.dk. „Öllum inngripum
fylgir ákveðin áhætta en borin sam-
an við þá áhættu sem tengist sjúk-
dómnum sjálfum eru aukaverk-
anirnar hverfandi litlar. Það eina
rökrétta í stöðunni er að bólusetja
barnið sitt.“
Óska eftir
barnasjúk-
dómum
Barn með mislinga.
 Mjög áhættusamt
að smita börnin
Höfuð Godzilla-skrímslis sést hér frá áttundu hæð Gracery Shinjuku-
hótelsins sem var opnað í Kabukicho-verslunarhverfinu í Tókýó í gær. Hót-
elið er með 970 herbergi og í byggingunni eru einnig veitingahús og kvik-
myndasalir í eigu Toho, kvikmyndafyrirtækisins sem framleiddi upp-
runalegu myndina um Godzilla árið 1954. Fyrirtækið hyggst frumsýna
nýja Godzilla-mynd á næsta ári.
AFP
Ný Godzilla-mynd frumsýnd í Japan á næsta ári
Godzilla-hótel opnað
Kauptúni 3 / Garðabæ / Sími: 564-3364
Ævintýraleg
gæludýrabúð
kíktu í heimsókn