Húnavaka - 01.05.1962, Page 77

Frá U.S.A.H.
45. þing Ungmennasambands A-Húnvetninga var haldið 18. marz
sl. á Blönduósi. Þingið sóttu 30 fulltrúar frá 9 ungmennafélögum. Þing-
forseti var Pétur H. Björnsson frá Móbergi.
Formaður sambandsins Ingvar Jónsson hafði tekið upp þá nýbreytni
að mæta á fundum hjá ungmennafélögunum í vetur, skýra þar frá ýmsu
varðandi starfsemi sambandsins og hvetja félögin til vaxandi starfs.
U.S.A.H. hafði eins og undanfarin ár haldið uppi mjög fjölþættri
íþróttastarfsemi s.l. ár og varið til þeirra mála 50 þús. kr.
Keyptir höfðu verið íþróttabúningar, sem íþróttafólk U.S.A.H. klæð-
ist við keppni og gerð merki, sem það verður að bera.
Þá lét Ungmennasambandið gera mjög fagran fána, sem borinn var
fyrir íþróttafólkinu við setningu Laugamótsins sl. sumar og vakti hann
verðskuldaða athygli.
íþróttakennari var starfandi á vegum sambandsins frá því s.l. vor og
fram yfir Laugamótið.
íþróttafólkið tók þátt í fleiri mótum en verið hefur undanfarin ár
og náði oft mjög góðum árangri t.d. varð sveit U.S.A.H. Islandsmeistari
í 4x100 metra boðhlaupi kvenna og voru stúlkurnar fyrstu Islandsmeist-
arar U.S.A.H. Guðlaug Steingrímsdóttir náði þeim frábæra árangri að
setja 10 héraðsmet á árinu.
Onnur starfsemi U.S.A.H. var svipuð s.l. ár og vcrið hefur. Samband-
ið er stór aðili að félagsheimilisbyggingunni á Blönduósi, og hefur lagt
þar fram 40 þús. kr. á s.l. ári. Er sambandið mjög fjárþurfi nú til þess
að geta lagt fram sinn hlut til þeirrar byggingar.
Rétt er að vekja athygli á þeirri heillavænlegu þróun „Húnavök-
unnar“ að þar koma fram í ár eins og s.l. ár eingöngu skemmtikraftar
úr héraðinu sjálfu.