Húnavaka - 01.05.1978, Blaðsíða 144

JVlannalát árið 1977
Þorvaldur Pétursson, Strjúgsstöðum í Langadal, andaðist 20. febr.
á Héraðshælinu á Blönduósi. Hann var fæddur 26. júní 1887. For-
eldrar hans voru hjónin Pétur Pétursson og Anna Guðrún Magnús-
dóttir. Þau bjuggu á Gunnsteinsstöðum en Pétur starfaði við fleira.
Hann rak hótel um tíma á Sauðárkróki og verslun á Blönduósi og
síðar á Gunnsteinsstöðum.
Þorvaldur ólst að mestu upp á Gunnsteinsstöðum ásamt systkinum
sínum en þeirra var hann yngstur.
Árið 1913 hóf hann búskap í Hólabæ. Þar bjó hann til ársins 1920,
er hann keypti Strjúgsstaði af Birni Geirmundssyni á Hnjúkum.
Á Strjúgsstöðum bjó Þorvaldur alla tíð síðan. 11. nóvember 1925
kvæntist hann Maríu Sigurðardóttur frá Hvamrni í Laxárdal. Þeim
varð ekki auðið langra samvista. Hún lést árið 1935, þá aðeins 32 ára
að aldri. Þau hjón höfðu eignast fjögur börn og hvíldi það nú á Þor-
valdi einum að koma þeim upp, en ráðskonur fékk hann til aðstoðar
fyrstu árin. Hann varð fyrir fleiri þungbærum áföllum en konu-
missinum. Tvö barnanna eru látin. Ásgeir Guðmundur lést af slys-
förum 1944 og Anna Petrína lést af hjartaáfalli 1953. Tvö barnanna
eru á lífi: Þorbjörn Sigurður, sem er sjúklingur á Héraðshælinu á
Blönduósi og Elsa Ingibjörg, húsfreyja í Sandgerði.
Þorvaldur var vel gefinn og trúhneigður. Helsta einkenni hans
var þolinmæði. Hann bjó lengst af við erfiðar aðstæður og má reynd-
ar undrum sæta hvað menn geta borið án þess að brotna.
Þorvaldur var bókhneigður og íhugull. Honum mun hafa verið
gefinn sá kristni skilningur á lífinu að vera trúr í sinni stöðu og taka
mótlæti með æðruleysi.
Er við minnumst Þorvaldar liðins, þá minnumst við eiunig orða
frelsarans: ,,í heiminum hafið þér þrenging en verið óhræddir, ég
hefi sigrað heiminn."