Ægir - 01.10.2014, Blaðsíða 30

Harmur kveðinn
að Dalvíkingum
Baksíða Morgunblaðsins
fimmtudaginn 11. apríl 1963
endurspeglar þær hörmungar
sem fylgdu mannskaðaveðrinu
tveimur dögum áður. Fréttarit-
ari blaðsins á Dalvík sendir eft-
irfarandi samantekt um það
mikla áfall sem kauptúnið varð
fyrir:
„Telja má fullvíst að vélbát-
urinn Hafþór, sem saknað var
héðan í gær, hafi farizt. Hér hef-
ur verið gengið á fjörur í morg-
un bæði norðan og austan við
kauptúnið. Þegar hefir fundizt
eitt lík af skipverja á Hafþóri,
Bjarmari Baldvinssyni, einnig
gúmmíbátur sem örugglega er
frá honum og fleira lauslegt,
sem talið er úr bátum þeim,
sem sukku í gær. Norðan við
Dalvík hefir framhluti trillubáts-
ins Helga rekið á land.
Alls hafa því farizt í veðri
þessu tveir vélbátar héðan frá
Dalvík, Valur EA 110 og Hafþór
EA 102, og opnu vélbátaranir
Helgi og Sæbjörg. Mannbjörg
varð af Helga og Sæbjörgu, eins
og skýrt hefu verið frá. Öðrum
manninum var bjargað af Val,
en hann var örendur er að landi
var komið.
Með þessum tveimur bátum
hafa því farizt 7 menn, allir frá
Dalvík. Skipverjar á Val voru
bræðurnir Gunnar og Sigvaldi
Stefánssynir.
Enn er gengið hér á fjörur og
verður því haldið áfram meðan
veðrið stendur af þessari átt,
því meðan eru miklar líkur til að
reki.
Hér hafa því 10 ungbörn
misst feður sína, en alls áttu
þeir 13 börn. Fimm konur hafa
misst menn sína. Allir þessir
menn voru frá Dalvík, sem fyrr
segir, og áttu fjölda skyld-
menna hér á staðnum. Það er
þungur harmur kveðinn að Dal-
víkingum vegna þessa mikla
sjóslyss.“
30