Morgunblaðið - 01.05.2015, Blaðsíða 35

UMRÆÐAN 35
MORGUNBLAÐIÐ FÖSTUDAGUR 1. MAÍ 2015
Hlíðasmára 11 · 201 Kópavogur · Sími 534 9600 · heyrn.is
Enn er bætt um betur með nýju ReSound
heyrnartækjunum sem gefa eðlilega og
áreynslulausa heyrn.
Taktu þátt í framþróuninni og prófaðu
þessa hágæða tækni.
Aldrei hefur
verið
auðveldara
að heyra
GOLDEN
LOBE
AWARDS
2014
ASSOCIATION OF
INDEPENDENT
HEARING HEALTHCARE
PROFESSIONALS
Most Innovative
Concept 2014
presented to:
Resound - LiNX
made for iPhone
Vandræðagangur
Framsóknar og flug-
vallarvina á stjórn-
málasviði Reykjavík-
urborgar hefur ekki
farið framhjá neinum.
Síðustu kjörtímabil
hafa verið Framsókn-
arflokknum erfið en
þessi rótgróni flokkur
hefur ekki náð að
skapa sér neina festu í
borginni. Oddvitar
hafa komið og farið og skömmu fyrir
síðustu sveitarstjórnarkosningar
voru góð ráð dýr þegar Óskar
Bergsson ákvað að stíga til hliðar
þar sem fylgi flokksins var afar dap-
urt. Fram á sjónarsviðið kom óþekkt
kona sem hristi upp í umræðunni
með sterkum skoðunum sem fóru
misjafnlega í þá sem á hlýddu. Ein
af skoðunum hennar var að aft-
urkalla ætti úthlutun á lóð sem gefin
hafði verið undir byggingu mosku og
kepptust fjölmiðlar við að fjalla um
málið – og drógu ekkert undan.
Vildu þar sumir meina að atlagan að
henni væri óvægin og verið væri að
gera úlfalda úr mýflugu með því að
taka krassandi setningar úr sam-
hengi og skapa þar með neikvæða
umræðu.
Áhyggjur annarra voru þær að nú
kæmu þjóðernissinnar út úr myrkr-
inu og að aukin harka myndi færast í
leikinn. Óttuðust menn að með
íhaldssemina að vopni yrði sótt að
einstaklingum sem aðhylltust ísl-
amstrú sökum aðgerða
herskárra trúbræðra
þeirra úti í hinum stóra
heimi. Á kjördegi stóðu
Reykvíkingar svo á
öndinni. Framsókn og
flugvallarvinir náðu
góðu kjöri og olía var
komin á umræðueld-
inn. Stór orð flugu um
nýja sýn Framsókn-
arflokksins og skrifuðu
mikilsmetnir mennta-
menn innan háskóla-
samfélagsins um að
flokkurinn væri að
„daðra eilítið við þjóðernisstefnuna“.
Hitinn var mikill en hann kólnaði
fljótt áður en hann tók nýjar hæðir
eftir að flokkurinn tilnefndi að því er
margir töldu annálaðan ofstopa-
mann sem varamann í mannrétt-
indaráð borgarinnar. Margir töldu
manninn hafa haldið úti hatursfullri
orðræðu í garð minnihlutahópa, sér í
lagi múslima, og þótti orð hans ekki
sæma embættismanni í mannrétt-
indaráði. Þá var fundað og skipan
hans dregin til baka. Oddvitinn ját-
aði mistök og sagði „ég hefði átt að
gúggla betur“. Óvildarmenn flokks-
ins kepptust um að dusta rykið af
kenningum um þjóðernishyggju
flokksins en svo lægði umræðuna.
Nú í vikunni gerðist svo það að
áheyrnarfulltrúi flokksins í hverf-
isráði Breiðholts og stjórnarmaður í
íbúasamtökunum Betra Breiðholt
rataði á síður blaðanna. Þar fjallaði
blaðamaður af stóískri ró um rasísk
ummæli umrædds embættismanns
og viti menn – enn var verið að níða
skóinn niður af múslimum. Birtar
voru fésbókarfærslur sem þóttu hat-
ursfullar og gerðu skrif fyrrverandi
varamanns í mannréttindaráði létt
og saklaus í samanburðinum. Þetta
þótti flestum afar óheppilegt þar
sem umræddur maður situr í ráði í
miklu innflytjendahverfi. Haldinn
var fundur og sem fyrr var brugðið á
það ráð að maðurinn stigi til hliðar.
Enn situr hann þó í stjórn íbúa-
samtakanna sem fer fyrir brjóstið á
mörgum. Getur það verið að fljót-
færni oddvita Framsóknar og flug-
vallarvina og skortur á „gúggli“ or-
saki það að endurtekið séu aðilar
valdir til starfa sem hafa skoðanir
sem teljast rasískar og daðra við
þjóðernishyggju? Eða er flokkurinn
sem kennir sig við það að sækja
fram að færa sig nær íhaldssamri og
ofstopafullri hugmyndafræði? Odd-
viti flokksins í borginni hefði reynd-
ar ekki þurft að grípa til „gúggls“ í
þetta skiptið því hún og umræddur
maður eru fésbókarvinir og þar hef-
ur hann látið gamminn geisa. Einnig
birti umræddur maður pistil á fés-
bókinni á Þorláksmessu þar sem
hann lofar skötuna á heimili oddvit-
ans og þakkar fyrir heimboðið. Má
því ekki gefa sér að hún hafi haft ít-
arlega vitneskju um skrif hans?
Eitt er víst, að gaman er að rifja
upp orð blaðamanns Tímans sem var
lengi dagblað sem Framsókn-
arflokkurinn gaf út. Þessi orð skrif-
aði hann í blaðið í maímánuði árið
1979 og er fróðlegt að spegla þau í
umræðunni sem framsóknarmenn í
Reykjavíkurborg eru að skapa þessa
dagana.
„Hvorki Sovétríkin né Vesturlönd
þurfa þó að óttast íslam, fari þau rétt
að… Afstaðan til íslam má ekki ein-
skorðast af blindu eða trúarhita ….
Kenning íslam er auk þess í grund-
vallaratriðum lýðræðisleg og svipar í
mörgum atriðum til jafnaðar-
mennskunnar. Íslömsk þjóðfélög
eru mismunandi, en afturhald er
hreint ekkert einkenni þeirra. Oft á
tímum hefur í íslamskri menningu
falist broddur framþróunar í heim-
inum.“
Við Breiðhyltingar tökum fagn-
andi á móti öllum einstaklingum.
Það gerum við óháð trú eða stjórn-
málaskoðun þeirra og viljum við
opna dyr okkar fyrir fjölbreytileik-
anum. Í Breiðholtinu ríkir mannrétt-
indaandi þar sem allir sem vilja búa í
sátt og samlyndi við aðra eru vel-
komnir. Ég get ekki ímyndað mér að
stór hluti Breiðhyltinga vilji gera
orð stjórnarmanns íbúasamtaka
hverfisins að sínum þegar hann
sagði „allir múslimar eiga að vera
sendir til síns heima“. Verið heldur
velkomin í Breiðholtið!
„Allir múslimar eiga að
vera sendir til síns heima“
Eftir Magnús Sig-
urjón Guðmundsson » Áhyggjur annarra
voru þær að nú
kæmu þjóðernissinnar
út úr myrkrinu og að
aukin harka myndi fær-
ast í leikinn.
Magnús Sigurjón
Guðmundsson
Höfundur er tómstunda- og
félagsmálafræðingur.
Móttaka
aðsendra
greina
Morgunblaðið er vettvangur
lifandi umræðu í landinu og
birtir aðsendar greinar alla út-
gáfudaga.
Þeir sem vilja senda Morg-
unblaðinu greinar eru vinsam-
lega beðnir að nota inn-
sendikerfi blaðsins. Kerfið er
auðvelt í notkun og tryggir ör-
yggi í samskiptum milli starfs-
fólks Morgunblaðsins og höf-
unda.
Morgunblaðið birtir ekki
greinar sem einnig eru sendar
á aðra miðla.
Að senda grein
Kerfið er aðgengilegt undir
Morgunblaðslógóinu efst í
hægra horni forsíðu mbl.is.
Þegar smellt er á lógóið birt-
ist felligluggi þar sem liðurinn
„Senda inn grein“ er valinn.
Í fyrsta skipti sem inn-
sendikerfið er notað þarf not-
andinn að nýskrá sig inn í
kerfið.
Ítarlegar leiðbeiningar fylgja
hverju þrepi í skráningarferl-
inu. Eftir að viðkomandi hefur
skráð sig sem notanda í kerf-
ið er nóg að slá inn kennitölu
notanda og lykilorð til að
opna svæðið. Hægt er að
senda greinar allan sólar-
hringinn.
Nánari upplýsingar veitir
starfsfólk Morgunblaðsins alla
virka daga í síma 569-1100
frá kl. 8-18.