Morgunblaðið - 01.05.2015, Blaðsíða 49

MENNING 49
MORGUNBLAÐIÐ FÖSTUDAGUR 1. MAÍ 2015
Brynja Björg Halldórsdóttir
brynja@mbl.is
Í kvöld, 1. maí, hefur göngu sína á
RÚV íslenska grínþáttaröðin
Drekasvæðið. Þættirnir eru sex
talsins, í leikstjórn Kristófers Dig-
nus og handritshöfundar eru þeir
Ari Eldjárn, Bragi Valdimar Skúla-
son og Guðmundur Pálsson.
,,Ástæða þess
að við ákváðum að
fara út í Dreka-
svæðið er sú að
okkur fannst svo
gaman að vinna
saman,“ útskýrir
Kristófer. ,,Þátt-
urinn er í raun af-
sprengi af Skaup-
inu 2013. Hand-
ritshöfundarnir
eru þeir sömu og leikararnir eru
flestir þeir sömu. Okkur fannst
mjög gaman að gera Skaupið en
nenntum ekki að gera það aftur þar
sem það var svo streituvaldandi. Við
vildum því vinna áfram saman en
undir minni pressu. Þá datt okkur í
hug að gera sketsaseríu fyrir RÚV í
rólegheitunum.“ Þess ber að geta að
helstu leikarar eru Saga Garðars-
dóttir, María Heba Þorkelsdóttir,
Hilmar Guðjónsson, Birgitta Birg-
isdóttir, Nanna Kristín og Pétur Jó-
hann Sigfússon auk handritshöfund-
anna þriggja.
Aðspurður hvort þættirnir muni
ná 80% áhorfi eins og Skaupið,
svarar Kristófer: ,,Það væri vissu-
lega gaman en ég get því miður
engu lofað.“
Hugljómun við sjoppuna
Ólíkt því sem margir kynnu að
halda tengist nafngift þáttarað-
arinnar ekki olíuleit. ,,Ég fékk hug-
ljómun þegar ég var staddur á
horninu á Frakkastíg og Njálsgötu
en þar er hin fræga sjoppa Drek-
inn. Einhver sagði mér að þetta
svæði væri kallað Drekasvæðið af
hipsterum,“ segir Kristófer. Þátt-
urinn hafi þó enga skírskotun í
sjoppuna.
Að sögn Kristófers lýsa þættirnir
sér í aðstæðugríni sem er ótengt
stjórnmálum eða málefnum líðandi
stundar. ,,Þetta eru stakir „sketsar“
héðan og þaðan og grínið er tíma-
laust. Mitt markmið er að þættirnir
verði áfram fyndnir eftir nokkur ár.
Þættirnir eru ólíkir Skaupinu að því
leyti að þeir skírskota ekki til líð-
andi stundar. Sketsarnir fjalla oft
um venjulegt fólk í fyndnum að-
stæðum.“
Þá bendir hann á að handritshöf-
undarnir þrír séu ólíkir með ólíkar
áherslur. ,,Ari er mikið í stórum,
kvikmyndalegum sketsum í mörg-
um lögum, Bragi er mikið fyrir
fimm aura brandara og Gummi ger-
ir mikið grín að skrýtnum per-
sónum,“ segir hann og bætir við að
Ari pæli svo mikið í sketsum að það
jaðri við vísindi. Sjálfur segist hann
mikill aðdáandi þáttanna Port-
landia.
,,Ég myndi þó aldrei líkja þátt-
unum við Fóstbræður sem eru
orðnir að ,,költi“. Þeir þykja mun
fyndnari í dag en þegar þeir komu
út. Ég væri til í að sleppa ,,cult“-
hlutanum þannig að Drekasvæðið
þyki fyndið frá og með fyrsta degi.“
Aðspurður segir hann í skoðun að
búa til aðra seríu en það sé stílbrot
hjá RÚV, sem yfirleitt láti eina ser-
íu af íslenskum þáttum duga.
,,Það var ekkert gróft grín til að
klippa út,“ svarar hann þegar
blaðamaður spurði hvort eitthvað í
grófari kantinum hefði verið klippt
út úr þáttunum. ,,Við erum vel upp
aldir og maður þarf ekki að vera
grófur til að vera fyndinn.“
Þarf ekki að vera gróft til að vera fyndið
 Gamanþáttaröðin Drekasvæðið
hefur göngu sína á RÚV í kvöld
Amish? Birgitta Birgisdóttir, Bragi Valdimar Skúlason, Guðmundur Pálsson og Nanna Kristín Magnúsdóttir við
tökur á Drekasvæðinu. Ekki fylgir sögunni hvaða grín er hér á ferðinni en það virðist tengjast amish-fólki.
Kristófer
Dignus
The Water Diviner
Fyrsta kvikmyndin sem leikarinn
Russell Crowe leikstýrir. Crowe fer
með aðalhlutverkið í henni og er
handritið innblásið af raunveruleg-
um atburðum. Segir af bændahjón-
um í Ástralíu sem fá þær hörmu-
legu fréttir að þrír synir þeirra hafi
allir fallið í orrustunni um Gallipoli-
skagann í Tyrklandi í fyrri heims-
styrjöldinni. Móðir drengjanna
sviptir sig lífi, buguð af sorg, og
bóndinn, Connor, heldur til Tyrk-
lands í von um að finna lík sona
sinna til að geta jarðsett þá við hlið
eiginkonunnar. Reynist það mikil
hættuför því styrjöldin stendur enn
yfir. Auk Crowes fara með helstu
hlutverk Olga Kurylenko, Jai
Courtney, Isabel Lucas og Yilmaz
Erdogan. Metacritic: 51/100
Godard, Gullsandur, Cobain o.fl.
Goodbye to Language, nýjasta kvik-
mynd Jean-Lucs Godards, sem sýnd
var á Stockfish-hátíðinni í febrúar,
fer í almennar sýningar í Bíó Para-
dís í dag og kvikmyndin Gullsandur
frá árinu 1984 eftir Ágúst Guð-
mundsson verður sýnd. Sérstök
sýning verður á Kurt Cobain: Mon-
tage of Heck, heimildarmynd um
forsprakka hljómsveitarinnar Nirv-
ana, Kurt Cobain. Þá verður leik-
húsuppfærsla National Theatre í
Lundúnum á sögu Roberts Louis
Stevensons, Treasure Island, einnig
sýnd um helgina og bíóklúbburinn
Svartir sunnudagar sýnir hrollvekj-
urnar Alien og Aliens.
Sonaleit Russell Crowe í hlutverki
Connors í The Water Diviner.
Bíófrumsýningar
Frumraun Crowes
á stóli leikstjóra
Tvíeykið Rae Sremmurd heldur
tónleika í Laugardalshöll 27. ágúst
nk., skipað bræðrunum Swae Lee
og Slim Jimmy sem eru um tvítugt.
Þeir ólust upp í fátækrahverfi í Tu-
pelo í Missisippi, bjuggu árum sam-
an á götunni, unnu af kappi að tón-
list og héldu teiti til að vekja á sér
athygli, skv. tilkynningu frá Senu
sem heldur tónleikana. Árið 2013
fóru þeir að setja lög sín á YouTube
og framleiðandinn Mike WiLL
Made-It tók þá upp á arma sína en
hann hefur m.a. starfað með Ri-
hönnu, Jay-Z og Kanye West. Vin-
sældir bræðranna á netinu eru
gríðarmiklar, í nýjasta lagi sínu,
„Thro Sum Mo“, njóta þeir krafta
Nicki Minaj og fór lagið strax við
útgáfu á topp 10 lista svo til allra
útvarpsstöðva í Bandaríkjunum.
Þrjár til fimm íslenskar hljóm-
ssveitir verða valdar til að hita upp
fyrir Rae Sremmurd í Höllinni og
tilkynnt síðar hverjar þær eru. Ráð-
gert er að hefja miðasölu eftir um
tvær vikur.
Rae Sremmurd Bræðurnir Swae Lee
og Slim Jimmy skemmta í Höllinni.
Rae Sremmurd í
Laugardalshöll
ÍSLENSKT TAL
ÍSLENSKT TAL
Sími: 553-2075
www.laugarasbio.is
SÝNINGARTÍMA MÁ NÁLGAST Á
LAUGARASBIO.IS, MIDI.IS
EINNIG Á SÍÐUNNI HÉR TIL VINSTRI
- bara lúxus