Dagblaðið Vísir - DV - 30.01.2009, Blaðsíða 30

föstudagur 30. janúar 200930 Helgarblað
„Ég held að hin afdrifaríka ákvörð-
un sem hann tók um að styðja Íraks-
stríðið yfirskyggi því miður allt ann-
að. Í því ljósi gerði Halldór meira illt
en gott fyrir Framsóknarflokkinn. En
ég hugsa að hann hafi séð eftir þess-
ari ákvörðun, enda var hún held ég
langafdrifaríkasta ákvörðun á hans
ferli, og jafnvel líka á ferli Davíðs.
Ef Halldór hefði neitað að taka
þátt í þessu og slitið ríkisstjórnar-
samstarfinu hefði það verið það
dramatísk stund í sögu Framsókn-
arflokksins að það hefði algjörlega
snúið við öllum hans ferli eftir það.
Það hefði raunar líka snúið við öllu
þvi sem síðar gerðist í áliti fólks á
Framsóknarflokknum og mögulega
snúið við allri stjórnmálaþróuninni
hér á landi sem var að stefna í óefni
á þessum tíma og endaði með hrun-
inu í október síðastliðnum.“
Frá piparkökubakstri
í formannsstól
Sigmundur Davíð Gunnlaugsson
gekk í Framsóknarflokkinn á svip-
uðum tíma og Guðmundur, bauð sig
fram í formannsembættið og vann.
Pólitískur bakgrunnur hans er lít-
ill sem enginn á meðan ætla má að
bakland Guðmundar í Framsóknar-
flokknum sé nokkuð sterkt í ljósi sög-
unnar. Því er eðlilegt að spyrja Guð-
mund hvort hann hafi hugsað, þegar
hann sá mann nánast koma inn af
götunni og verða formaður Fram-
sóknar, að hann hefði nú kannski
bara átt að demba sér í formanns-
slaginn.
„Ég hugsa að mjög margir hafi
hugsað að þeir hefðu getað orðið for-
menn. Og eðlilega því allir sem eru í
pólitík vilja ná áhrifum og allt í einu
kemur þarna maður allt annars stað-
ar frá og er kjörinn formaður. Eins og
Sigmundur sagði sjálfur, hann var
bara að baka piparkökur í desem-
ber og svo var hann allt í einu orð-
inn formaður Framsóknarflokksins.
En þrátt fyrir allt gekk ég í flokkinn á
eftir honum. Sigmundur var raunar
helmingi eldri framsóknarmaður en
ég þegar hann var kjörinn og ég átti
því ekki neina heimtingu á þessu,“
segir Guðmundur og hlær.
„Og mér líst ljómandi vel á Sig-
mund sem formann. Það er ekkert
sem bendir til annars en að hann
geti gert góða hluti fyrir Framsókn-
arflokkninn í náinni framtíð.“
Fallegur kjarkur
Guðmundur segir það samt hljóta
að vera svolítið skrítna tilfinning fyr-
ir þá sem hafa starfað í flokknum í
kannski áratugi að sjá Sigmund vera
kjörinn formann. Að sjá öll viðtekin
sjónarmið um að menn vinni sig upp
vera þverbrotin.
„En mér finnst þetta mjög fallegt,
að Framsóknarflokkurinn skyldi
sýna þennan kjark. Ég held að það sé
mjög mikilvægt fyrir flokka og pól-
itík yfir höfuð að fólk sjái árangur af
því þegar það vinnur vel í þágu þjóð-
félagsins, að fólk sjái árangur erfið-
is síns, það sé hlustað á það, það fái
meiri ábyrgð og svo framvegis. En
það er líka mjög mikilvægt að flokkar
séu opnir fyrir því að fólk sem hefur
verið að gera góða hluti annars stað-
ar, ekki tengda flokksstarfi en ekkert
síður merkilega, komi til starfa fyr-
ir flokkinn. Merkingin í þessu var að
minnka bilið á milli flokksstarfs og
annarrar reynslu. Og það fannst mér
bara andskoti flott.“
Útilokar ekki
formannssframboð
En er formannsembættið eitthvað
sem þú stefnir að í framtíðinni?
„Það getur bara vel verið. Já, af
hverju ekki? Það er auðvitað rétt
að við þessar aðstæður sem voru
núna hefði maður getað skráð sig
í flokkinn og boðið sig fram. En ég
vildi ekki gera það því mér finnst
ég þurfa að sýna mig og sanna fyr-
ir framsóknarmönnum, ekki síst
vegna þess að ég var að koma úr
öðrum flokki. Mér hefði ekki liðið
vel með það að ota mér fram í for-
mannsslagnum núna.“
Aðspurður hvort faðir hans hafi
hvatt hann til að stefna á formanns-
embætti Framsóknarflokksins segir
Guðmundur svo ekki vera.
„Nei, hann hefur ekki gert það.
Mér finnst þetta spurning um að
taka eitt skref í einu. Núna langar
mig að sjá hvort fólk treysti mér til
þess að leiða í kjördæmi, en það er
ekkert hlaupið að því. Mér finnst
ég hins vegar vera mjög tilbúinn
til þess núna að vera oddviti í kjör-
dæmi, koma sterkur inn í þjóðmála-
umræðuna, taka þátt í að breyta
stjórnskipuninni, koma okkur upp
úr þessari kreppu og ýmislegt fleira
sem þarf að gerast á næstu árum. Ef
þetta tekst allt saman vel, ef maður
nær eyrum fólks og nær að koma á
einhverjum breytingum ásamt öðr-
um veit maður aldrei hvað gerist
næst.“
Fullkomlega fáránlegt
Þegar samtal blaðamanns og Guð-
mundar fer fram er ný ríkisstjórn
í fæðingu. Þegar Guðmundur er
spurður hvað ætti að vera fyrsta
verkefni nýrrar stjórnar stendur ekki
á svari.
„Það sem er mest aðkallandi og
um leið einfaldast að gera er að skipa
faglegan seðlabankastjóra. Þessu
þarf að drífa í strax. Það á bara að
vera einn seðlabankastjóri og hann
á að vera faglegur fram í fingurgóma.
Þetta ástand sem verið hefur á stjórn
peningamála er fullkomlega fárán-
legt. Maður hefur hreinlega rifið hár
sitt og skegg yfir vitleysisganginum
sem gengið hefur á.“
Faðir þinn hafði gegnt stöðu for-
sætisráðherra þegar hann var skip-
aður seðlabankastjóri. Hvað finnst
þér um þá ákvörðun?
„Ég hefði viljað hafa faglegan
seðlabankastjóra, enda hef ég allt-
af viljað það,“ segir Guðmundur en
bendir á um leið að faðir hans hafi
ekki verið ráðinn sem aðalbanka-
stjóri Seðlabankans, og hefði heldur
ekki viljað það.
„Síðan má benda á að allt aðrar
aðstæður voru á þessum tíma, það
var til dæmis ekki fljótandi gengi.
Starfið snerist ekki í jafnríkum mæli
um að stýra þjóðarskútunni í ólgu-
sjó fljótandi gengis sem komið var á
árið 2001. Á sama tíma var Þjóðhags-
stofnun lögð niður á mjög óljósum
forsendum. Það var auðvitað stór-
furðulegt,“ segir Guðmundur en eins
og margir vita var það Davíð Odds-
son sem tók ákvörðunina um að
leggja niður Þjóðhagsstofnun.
Framboð, barn, bók, diskur,
útskrift ...
Kosningar eru fram undan og tilheyr-
andi prófkjör flokkanna því á næsta
leyti. Ljóst er að mikið verður að gera
hjá Guðmundi af þeim sökum við að
ferðast um hið víðfeðma norðvest-
urkjördæmi og kynna sig og sín bar-
áttumál. Hann á líka von á barni í
mars með konu sinni, Alexíu Jóhann-
esdóttur, auk þess sem Guðmundur
hugðist gefa út barnabók með vorinu.
Bók um svínið Einar og fleiri dýr.
„Ég bíð líklega aðeins með bók-
ina. Ég ætla ekki að fara um landið
með pólitíska fundi og reyna um leið
að selja fólki barnabók. Það passar
einhvern veginn ekki saman,“ segir
Guðmundur og hlær.
Nýr diskur er líka í burðarliðn-
um sem Guðmundur er búinn að
taka upp með hljómsveit sinni, Ske.
„Hann er á leið í framleiðslu þannig
að við frestum ekkert útgáfunni á
honum. Maður verður því að spila á
einhverjum tónleikum líka.“
Hvernig ætlarðu að ráða við þetta
allt saman? „Þetta fer einhvern veg-
inn. Svo ætlaði ég líka að klára meist-
aranám í hagfræði í vor en ég veit
ekki hvort það tekst að þessu sinni.
Þessar kosningar breyttu svolítið
plönunum.“ kristjanh@dv.is
Heima guðmundur býr í Vesturbæ reykjavíkur, er alinn upp í
garðabænum og hefur búið í nokkur ár í útlöndum. Hann hefur
hins vegar margvísleg tengsl við norðvesturkjördæmi, til dæmis
við Borgarfjörðinn og snæfellsnesið. MYND KristiNN MagNÚssoN
„Það hefði raunar líka snúið við öllu
Þvi sem síðar gerðist í áliti fólks á
framsóknarflokknum og mögulega
snúið við allri stjórnmálaÞróuninni
hér á landi sem var að stefna í óefni á
Þessum tíma og endaði með hruninu í
október síðastliðnum.“