Dagblaðið Vísir - DV - 03.07.2009, Page 54

Föstudagur 3. júlí 200954 Sakamál
BiBlíu-John Á síðari hluta sjöunda áratugar síðustu aldar var á
ferli raðmorðingi í glasgow í skotlandi. Morðinginn náðist aldrei, en var
gefið gælunafnið Biblíu-john því að sögn systur eins fórnarlambanna
vitnaði hann gjarna í Biblíuna. alls voru þrjú morð eignuð Biblíu-john og
voru öll fórnarlömbin konur og áttu það sameiginlegt að vera á blæðing-
um þegar þær voru myrtar.
lesið um Biblíu-john í næsta helgarblaði dV.
Barn myrðir Börn
Æska Mary Bell var ekki gæfurík. Betty, móðir hennar, var vændiskona frá Newcastle og eignaðist Mary
aðeins sextán ára að aldri árið 1957. Ellefu ára að aldri var Mary dæmd fyrir morð á tveimur drengjum, fjög-
urra og þriggja ára.
Mary Flora Bell fæddist 26. maí
1957 í Newcastle á Englandi. Móð-
ir Mary, Betty, var vændiskona sem
oft og tíðum var fjarri heimili þeirra
vegna vinnuferða til Glasgow í Skot-
landi. Mary var frumburður Betty
og fæddist þegar Betty var sextán
ára. Einhver vafi leikur á faðerni
Mary sem sjálf áleit föður sinn vera
Billy Bell. Billy var síbrotamaður og
var síðar handtekinn vegna vopn-
aðs ráns. Billy gekk að eiga Betty
skömmu eftir fæðingu Mary.
Samkvæmt frásögnum skyld-
menna Betty er mögulegt að hún
hafi gert tilraunir til að myrða Mary
oftar en einu sinni, þegar Mary var á
barnsaldri, með það fyrir augum að
láta líta út fyrir að Mary hefði látist
af slysförum.
Sjálf sagði Mary síðar að hún
hefði verið fórnarlamb kynferðis-
legs ofbeldis og að móðir hennar
hefði neytt hana frá fimm ára aldri
til að taka þátt í kynferðislegum at-
höfnum með karlmönnum.
Martin Brown kyrktur
Þann 25. maí 1968, daginn fyrir sinn
ellefta afmælisdag, kyrkti Mary Bell
hinn fjögurra ára Martin Brown. Þrír
drengir fundu lík Martins í ónotuðu
húsi sem hafði verið byrgt og í upp-
hafi sá lögreglan engar vísbending-
ar um að ofbeldi hefði verið beitt.
Skömmu síðar braust Mary,
ásamt Normu vinkonu sinni, inn á
dagheimili í Scotswood. Þær skildu
eftir sig miklar skemmdir en einnig
miða þar sem lýst var yfir ábyrgð á
dauða Martins. Lögreglan í New-
castle úrskurðaði að um hrekk væri
að ræða.
Seinna morð sitt framdi Mary
með liðsinni Normu. Þann 31. júlí
1968 myrtu þær þriggja ára dreng-
hnokka, Brian Howe, og var hann
kyrktur líkt og Martin. Samkvæmt
lögregluskýrslum er talið að Mary
hafi farið að líki Brians eftir morð-
ið og rist „N“ á kvið hans með rak-
vélarblaði. Enn síðar var „N“-inu
breytt í „M“, en samkvæmt niður-
stöðum lögreglunnar var þar annar
að verki en Mary. Mary klippti einn-
ig hár af höfði Brians með skærum.
Dauði Martins Brown skýrist
Framburður stúlknanna við rann-
sókn málsins var afar mótsagna-
kenndur og erfitt var að henda reið-
ur á atburðarásinni. Lögreglu tókst
áður en langt um leið að tengja
stúlkurnar við morðið á Martin
Brown, sem hafði upphaflega verið
úrskurðað slys.
Í ágúst 1968 voru Mary og
Norma ákærðar fyrir manndráp
vegna Martins og Brians. Við rétt-
arhöldin reyndi Mary eftir fremsta
megni að varpa sökinni á Normu,
en fljótlega varð ljóst að Mary var
sterkari persónuleikinn í sambandi
vinstúlknanna.
Norma sagði að þegar Brian
var myrtur hefði Mary sýnt henni
hvernig kreista átti lífið úr litlum
drengjum, en fullyrti að Brian hefði
verið á lífi þegar hún yfirgaf vett-
vanginn.
Normu var lýst sem einfaldri
stúlku með litlar gáfur en Mary var
sögð „óeðlilegt barn, árásargjörn,
siðlaus, grimm, og ófær um að finna
til iðrunar“.
Norma sýknuð
Þann 17. desember 1968 var Mary
sýknuð af morðákæru en sakfelld
fyrir manndráp. Með niðurstöðu
sinni hafði kviðdómurinn tekið til-
lit til þeirrar niðurstöðu réttargeð-
læknis að Mary sýndi „sígild merki
siðblindu“.
Norma var hins vegar sýknuð af
báðum morðunum, en fékk reynd-
ar síðar þriggja ára skilorðsbundinn
dóm vegna innbrotsins á dagheim-
ilið í Scotswood, og gert að sæta eft-
irliti geðlæknis.
Mary Bell var dæmd til fangels-
isvistar „svo lengi sem drottningu
þóknaðist“ og naut frá sakfellingu
mikils áhuga frá fjölmiðlum.
Móðir hennar seldi ítrekað frá-
sagnir af dóttur sinni til fjölmiðla og
lét þeim í té ritgerðir sem hún full-
yrti að væru verk Mary.
Mary Bell varð fréttamatur í
september 1979 þegar hún strauk
úr opnu fangelsi sem hún hafði ver-
ið flutt í þegar vistinni á unglinga-
stofnuninni lauk. En frelsi hennar
varð skammvinnt.
Tryggð ný tilvera
Mary Bell losnaði úr fangelsi 1980
eftir tólf ára fangelsisvist og var
tryggt nýtt nafn og möguleiki til að
hefja nýtt líf ásamt dóttur sem henni
fæddist árið 1984. Dóttur Mary var
með öllu ókunnugt um fortíð móð-
ur sinnar þar til blaðamenn komust
að dvalarstað mæðgnanna og þær
neyddust til að flýja heimili sitt með
hulin andlit.
Upphaflega átti dóttir Mary að
njóta nafnleyndar til átján ára ald-
urs en í maí 2003 vann Mary mál
fyrir hæstarétti sem tryggði henni
og dóttur hennar nafnleynd um
aldur og ævi.
Það verður að teljast kaldhæðn-
islegt að fyrsta starf Mary Bell eft-
ir að hún losnaði úr fangelsi var á
dagheimili, en það varði stutt því
skilorðsfulltrúi hennar taldi að það
væri ekki við hæfi.
Löngu síðar ítrekaði Mary þátt
og ábyrgð Normu í dauða Brians
Howe: „Hinn veikari eykur á styrk
hins með því að vera veiklyndur.“
uMsjón: kolBeinn þorsteinsson, kolbeinn@dv.is
Seinna morð sitt
framdi Mary með lið-
sinni Normu. Þann 31.
júlí 1968 myrtu þær
þriggja ára dreng-
hnokka, Brian Howe,
og var hann kyrktur
líkt og Martin.
Mary Bell dæmd fyrir tvö
morð ellefu ára að aldri.
Tabula gratulatoria
Öðlingurinn og hljómlistarmaðurinn Guðmundur Steingrímsson - oft
kallaður Papa Jazz - verður áttræður þann 19. október nk. Af því tilefni
verða gefnar út endurminningar hans, skráðar af Árna Matthíassyni
blaðamanni, og eru þær um margt samofnar þróun jazz- og dægurlaga-
tónlistar á Íslandi. Þessi bók ætti því að verða mikill fengur fyrir áhuga-
menn um tónlist, sem og atvinnumenn í greininni, en þarna verður
reyndar víða komið við; margar óborganlegar sögur rifjaðar upp, jafnt
úr skugga stríðsáranna í Hafnarfirði sem og af sviðinu og er þá einungis
fátt nefnt.
Það verður Bókaútgáfan Hólar sem gefur bókina út og mun hún koma
út á áttræðisafmæli Papa Jazz. Í bókinni verður heillaóskaskrá (Tabula
gratulatoria) og þeir sem vilja senda þessum frábæra tónlistarmanni
kveðju í tilefni tímamótanna geta fengið nafn sitt skráð þar og þá vita-
skuld gerst áskrifendur að bókinni um leið, en verð hennar verður
kr. 5.900 (sendingargjald innifalið).
Hægt er að gerast áskrifandi
í síma 581-1964/698-6919
eða í netfangi bbaldur@simnet.is
PAPA JAZZ
holar@simnet.is